ސަސް އިން އީގަލްސް ބަލިކޮށްފި

މިހާރު ކުރިޔަށްދާ ޕްރެޒިޑެންޓްސް ކަޕް ފުޓްބޯޅަ މުބާރާތުގައި ސުޕަރ ޔުނައިޓެޑް ސްޕޯޓްސް (ސަސް) އިން ކްލަބް އީގަލްސް ބަލިކޮށްފިއެވެ.

ރަސްމީ ފުޓްބޯޅަ ދަނޑުގައި ކުޅުނު މި މެޗުގައި ސަސް އަތުން އީގަލްސް ބަލިވީ، 0-2 ގެ ނަތީޖާއަކުންނެވެ.

މި މެޗު ފަށައިގެން ގިނަ ވަގުތު ބޯޅަ ކޮންޓްރޯލްކޮށްގެން ކުޅުނީ ސަސް އިންނެވެ. މެޗުގައި ސަސް އިން ފުރަތަމަ ލަނޑު ޖަހާ ލީޑު ނެގީ 34 ވަނަމިނެޓުގައެވެ. މި ލަނޑު ސަސް އަށް ކާމިޔާބުކޮށްދިނީ އިބްރާހިމް އަތީގްއެވެ.

ދެވަނަ ހާފް ފަށައިގެން ސަސް އަށް ލީޑު ފުޅާކޮށްދިން ލަނޑު ކާމިޔާބުކޮށްދިނީ، ޔަސްފާދު ހަބީބު (މުލަކޭ) އެވެ.

މި ނަތީޖާއާއެކު ސަސް އިން ވަނީ ޕްރެޒިޑެންޓްސް ކަޕުގައި މިހާތަނަށް ކުޅުނު 3 މެޗުގެ ތެރެއިން 2 މެޗު ކާމިޔާބުކޮށްފައެވެ. ސަސް އޮތީ 6 ޕޮއިންޓާއެކުތާވަލްގެ ހަތަރު ވަނައިގައެވެ. މިއަދުގެ މެޗުން ބަލިވި އީގަލްސް އޮތީ މުބާރާތުގައި މިހާތަނަށް ކުޅުނު 3 މެޗުންވެސް މޮޅެއް ނުލިބި ޕޮއިންޓް ޓޭބަލްގެފުލުގައެވެ.