ޔޫވީ ބަލިކޮށް ގްރީން ސްޓްރީޓްސް ދެ ވަނައަށް

ޕްރެޒިޑެންޓްސް ކަޕް ފުޓްބޯޅަ މުބާރާތުގައި ޔުނައިޓެޑް ވިކްޓްރީ ބަލިކޮށް ކްލަބް ގްރީން ސްޓްރީޓްސް ތާވަލްގެ ދެވަނައަށް ކުރިޔަށް ޖެހިލައިފިއެވެ.

ޔުނައިޓެޑް ވިކްޓްރީގެ މައްޗަށް ގްރީން ސްޓްރީޓްސް ކުރިހޯދީ މިރޭ ކުޅުނު މެޗު 0-2 ގެ ނަތީޖާއަކުން ކުރިހޯދައިގެންނެވެ.

މި މެޗު ފަށައިގެން ގިނަ ވަގުތު ބޯޅަ ކޮންޓްރޯލްގެން ކުޅުނީ ކްލަބް ގްރީން ސްޓްރީޓްސް އިންނެވެ. އެގޮތުން ގްރީން އިން ވަނީ ފުރަތަމަ ހާފުގައި ލަނޑުޖަހާނެ ގިނަ ފުރުޞަތުތައްވެސް ތަނަވަސްކޮށްފައެވެ. މި މެޗުގައި ގްރީންއިން ލަނޑު ޖަހާ ލީޑު ނެގީ އެޓީމަށް ލިބުނު ޕެނަލްޓީއަކުންނެވެ. ޔޫވީގެކުޅުންތެރިއެއްގެ އަތުގައި ބޯޅަ ޖެހުމުން ރެފްރީ ފަޒީލް ދިން ޕެނަލްޓީ ގްރީންއަށް ކާމިޔާބުކޮށްދިނީ، ކެޕްޓަން ރިލްވާން ވަހީދުއެވެ.

ގްރީން ސްޓްރީޓްސް އިން މި މެޗުގައި ލީޑު ފުޅާކުރީ ދެވަނަ ހާފް ފަށައިގެން 5 ވަނަ މިނެޓުގައެވެ. މި ލަނޑު ކާމިޔާބުކޮށްދިނީ، ހަސަން ނަޒީމްއެވެ. އޭނާ މިލަނޑު ކާމިޔާބުކޮށްދިނީ ޔާމިން އޭރިޔާ ތެރެއަށް ހުރަސްކޮށްދިން ބޯޅަ ބޮލުން ގޯލުގެ ތެރެއަށް ފޮނުވާލައިގެންނެވެ.

މި ނަތީޖާއާއެކު ޕްރެޒިޑެންޓްސް ކަޕުގައި މިހާތަނަށް ކުޅުނު 3 މެޗުން ހޯދި 6 ޕޮއިންޓާއެކުއެވެ. މި މެޗުން ބަލިވި ޔޫވީ އޮތީ 7 ވަނައިގައެވެ. ޕްރެޒިޑެންޓްސްކަޕުގައި މާދަމާވެސް 2 މެޗެއް ކުޅުމަށް ވަނީ ހަމަޖެހިފައެވެ. މި މެޗުތަކުގެ ނަތީޖާތައް ނުކުންނަ ގޮތަކުން މުބާރާތުގެ ޕޮއިންޓް ތާވަލަށް ބަދަލު އަންނާނެއެވެ.