މިސްރުގެ ގަދީމީ ދާރީޚު ދައްކުވައިދޭ، ދުނިޔޭގެ އެންމެ ބޮޑު ދާރުލްއާސާރު 2022ގައި ހުޅުވުމަށް މިސްރުން ތައްޔާރު ވެއްޖެއެވެ. މި ދާރުންއާސާރު ހުޅުވުމަށް ހަމަޖެހިފައިވަނީ، މަޝްހޫރު ގިޒާ ޕިރަމިޑް ކައިރީގައެވެ.
ސައިޒުން 117 އޭކަރުގެ ސަރަހައްދަކަށް ފެތުރިފައިވާ "ގްރޭންޑް މިއުޒިއަމް" ހުޅުވުން، ކޯވިޑް19ގެ ސަބަބުން މިހާތަނަށް ވަނީ ލަސްކުރެެވިފައެވެ. އެހެންނަމަވެސް، މިސްރުގެ ސުޕްރީމް ކައުންސިލް އޮފް އެންޓިކުއިޓީސްގެ ސެކެޓްރީ ޖެނެރަލް މުސްތަފާ ވަޒީރީ ވިދާޅުވި ގޮތުގައި މި ދާރުލްއާސާރު މިހާރުވަނީ އަންނަ އަހަރުގެ ފަހު 6މަސް ދުވަހުގެ ތެރޭގައި ހުޅުވުމަށް ހަމަޖެހިފައެވެ.
މިހާރު ދުބާއީގައި ކުރިޔަށްދާ އެކްސްޕޯ2020ގެ މިސްރުގެ ޕެވިލިއަންގައި ވާހަކަ ދައްކަވަމުން ވަޒީރީ ވިދާޅުވެފައިވާ ގޮތުގައި، މި ދާރުލް އާސާރުގެ އިމާާރާތުގެ މަސައްކަތް އެކީ ނިންމާލެވިފައިވާއިރު، މިހާރު ކުރިޔަށްދަނީ ޑިސްޕްލޭ އޭރިއާގެ މަސައްކަތްތަކެވެ.
"ބިންމަތީގައި މިސްރުގައި މިހާރު ފެންނާންހުރި ތަކެއްޗަކީ، ބިމު އަޑީގައި ރައްކާކުރެވިފައި ހުރި އާސާރީ ތަކެތީގެ %40 އަށްވުރެވެސް މަދު ތަކެތި. މިހާރުވެސް 50އަށް ވުރެ ގިނަ މިޝަން މިސްރުގެ އެކި ހިސާބުތަކުގައި މިސަރަހައްތުގައި އާސާރީ ތަރިކަތައް ހޯދުމުގެ މަސައްކަތް އެބަ ކުރިޔަށްދޭ. އަދި ލުޒޯ، މިންޔާ، ސިހާގް، ސައްޤާރު، ކައިރޯ އަދި މީގެ އިތުރުން އަދި މިސްރުގެ އެހެން ސަރަހައްދުތަކުން މިހާރުވެސް ވަނީ ދުނިޔެއަށް ހައިރާންކަން ގެނުވާފަ،" އޭނާ ވިދާޅުވެފައި ވެއެވެ.
ވަޒީރީވަނީ، ކުޒޯރ އޭރިއާއިން ފެނިފައިވާ މުހިން ބުދުތައް ކަމުގައިވާ، މީގެ ތެރޭގައި، އިސާގެފާނުގެ ކުރިން، 1213އިން 1279 އަށް މިސްރުގައި ރަސްކަންކުރި ރަސްގެފާނު ރަމްސީސް 2 ގެ ބުދު އަލުން އިއާދަކުރެވުނު ވާހަކަވެސް ވިދާޅުވެފައެވެ.
އުސްމިނުގައި 12 މީޓަރު ހުންނަ، ބަރުދަނުގައި 65 ޓަނު ހުރި މި ބުދު ފެނިފައިވާ އަސާރީ ބިނާތަކާއި ތަނެތި ހޯދުމަށް 2017ވަނަ އަހަރު ލުޒޯރ އޭރިއާގައި ކުރިޔަށްދިޔަ ކެމްޕޭނެއްގެ ތެރެއިންނެވެ.
ކޮމެންޓު ފޮނުވާ