މި ސަރުކާރު ފެންނަނީ "ހާކާލަ ހާކާލާ" ފަހަތު ބަޔަށް ބުރަވެފައި އޮތްތަންކަމަށް ވިދާޅުވެ ކުރީގެ ރައީސް އަދި ޕީޕީއެމްގެ އެޑްވައިޒަރ ޑރ.މުޙައްމަދު ވަހީދު ހަސަން މަނިކު ސަރުކާރަށް ފާޑުވިދާޅުވެއްޖެއެވެ. ރައީސް ޔާމީން ޖަލުން މިނިވަންވުމުން އެމަނިކުފާނަށް މަރުހަބާ ވިދާޅުވުމަށް ބޭއްވި ޖަލްސާގައި ވާހަކަފުޅު ދައްކަވަމުން ޑރ.ވަޙީދު ވަނީ ސަރުކާރަށް ވަރަށް ބޮޑަށް ފާޑުވިދާޅުވެ ވާހަކަފުޅު ދައްކަވާފައެވެ.

ސަރުކާރުގެ ފާއިތުވި ތިން އަހަރު ދުވަހުގެ ތެރޭގައި އެއްވެސް ކަމެއްކަމެއް ހާސިލްކުރެވިފައިނުވާކަމަށް ވިދާޅުވެ ވާހަކަފުލު ދައްކަވަމުން ޑރ.ވަހީދު ވިދާޅުވީ ސަރުކާރު ފެންނަނީ "ހާކާލަ ހާކާލަ" ތިއްބަވާތަންކަމަށެވެ. ސަރުކާރު ފެންނަނީ ފަހަތު ފަޔަށް ބުރަވެ ދެމިލަ ދެމިލާ ތިބޭތަންކަމަށާއި، މިއީ ދިވެހިން ދަންނަ ގޮތެއް ނޫންކަމަށްވެސް ޑރ.ވަހީދު ވިދާޅުވިއެވެ. ދިވެހިންގެ ގޮތަކީ ކަމަކާ ކުރިމަތިލައިފިނަމަ އެކަން ކެރިހުރެ ކުރުންކަމަށާއި، ދިވެިންނަކީ މުރާލި ބައެއްކަމަށްވެސް ޑރ.ވަހީދު ވިދާޅުވިއެވެ.

މިސަރުކާރުގެ ބަލާލި ކޮންމެ ދިމާލަލުން ފެންނަނީ ކަންނެތްކަމާއި ވަރިހަމަކަންކަމަށާއި، އެއްވެސް ކަމަކާ ސަރުކާރުން އަޅާނުލާކަމަށްވެސް ޑރ. ވަހީދު ވިދާޅުވިއެވެ. ޤައުމުގެ ހާލަތު މިހާ ދަށް ދިޔަ ދުވަހެއް ދުވަހަކުވެސް ފެނިވަޑައި ނުގަންނަވާކަން ފާހަގަކުރައްވާ ޑރ.ވަޙީދު ވިދާޅުވީ ވެރިކަމާ ހަވާލުވާންވާނީ ވެރިކަން ކުރެވޭނެ ޤައުމުގެ ތަސްވުރެއް އޮވެގެންކަމަށެވެ. ކުރިއަށް އޮތް 20 ނުވަތަ 30 އަހަރު ފަހުން ރާއްޖޭ އޮންނާނެ ގޮތުގެ ތަސްވުރެއް ނެތި ވެރިކަމެއް ނުކުރެވޭނެކަމަށާއި، ނަމަވެސް މިއަދު އަދި މިހާތަނަށް ފާއިތުވި މުއްދަތުގައި ރާއްޖޭގެ މުސަތަގުބަލާމެދު ރައްޔިތުންނާމެދު ހުވަފެނެއް ދައްކާ އެއްވެސް މީހަކު ނުފެންކަމަށްވެސް ޑރ.ވަހީދު ވިދާޅުވިއެވެ. ނަމަވެސް އްޔިތުންގެ ޓެކްސް ފައިސާ ނަގައިގެން އެކި އެކި ވެރިންއެބަތިބިކަމަށްވެސް ވިދާޅުވިއެވެ.

ޑރ.ވަޙީދުގެ ވާހަކަފުޅުގައި ޤައުމުގެ ލީޑަރުން ޤައުމާމެދު ސާފު ތަސައްވުރެ އޮންނަވާނެކަމަށާއި، އެކަން ރައީސް ޔާމީންގެ ޔާމީންގެ 5 އަހަރު އެ މަންޒަރު ފެނުނުކަމަށެވެ. ޑރ.ވަހީދު ވިދާޅުވީ ރަށްތަކާއި ސިޓީތައް އޮންނަންވާނެ ގޮތުގެ މަންޒަރެއް ނުފެންނަކަމަށާއި، މަސްވެރިންގެ ސުވާލަކީ މަސްވެރިކަމަން ކުރިއެރުވުމަށް ކުރާ މަސައްކަތް ނިމި ސިއްކަ ޖެހުނީތޯ ނުވަތަ ދެން. ދާންވީ ހަރުފަތަކީ ކޮބައިކަންކަމަށެވެ. އަދި 6 މަހުޖަނުން ރިސޯޓްތަކުގެ ވެރިކަންކުރީމައި ނިމުނީތޯވެސް ސުވާލުކުރެއްވިއެވެ.

އެހެންކަމުން ޕީޕީއެމް ޕީއެންސީން ވެރިކަމާ ހަވާކުވާންޖެހޭކަމަށް ޑރ.ވަހީދު ވިދާޅުވިއެވެ. ޑރ.ވަހީދު ވިދާޅުވީ ސަރުކާރުގެ މިސްރާބެއްނެތްތާ މިސްރާބަށް ދުއްވަންވެސް ނޭނގޭކަމަށެވެ. އަދި ޤައުމު ފެންނަނީ ބަނގުރޫޓްވެފައިތަންކަމަށްވެސް ޑރ.ވަހީދު ވިދާޅުވިއެވެ.