ކުރިއަށް އޮތް 2023ގެ ރިޔާސީ އިންތިޚާބުގައި އެމްޑީޕީގެ ރިޔާސީ ޓިކެޓްގައި ވާދަ ކުރާނެ ބޭފުޅަކު ކަނޑައަޅާނީ އެމްޑީޕީގެ އެތެރޭގައި ބޭއްވޭ ޕްރައިމަރީއަކުން ކަމުގައި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.

އާސްކް ސްޕީކާ ޕްރޮގުރާމުގައި ވާހަކަ ދައްކަވަމުން ރައީސް ނަޝީދު ވިދާޅުވީ އެމްޑީޕީގެ ރިޔާސީ ޓިކެޓަކީ އަބަދުވެސް ވާދަވެރި ކަމާއިއެކު ވާދަކޮށް، އެތެރޭގެ އިންތިޚާބަކުން ކަނޑައަޅާ ޓިކެޓެއްކަމަށެވެ. ނަމަވެސް އެންމެ ބޮޑަށް އުންމީދު ކުރައްވަނީ 2023ގެ ކުރިން ވެރިކަމުގެ ނިޒާމު ބަދަލުވުންކަމަށް ނަޝީދު ވިދާޅުވިއެވެ.

ރައީސް ނަޝީދު 2023ގައި ވާދަކުރައްވަފާނަންތޯ ކުރެއްވި ސުވާލުގައި ވިދާޅުވީ ކުރީގެ ވެރިކަން ކުރެއްވި ބޭފުޅުންގެ ފަލްސަފާއަކީ އިންތިޚާބުގައި ވާދަކުރުމާއިމެދު ކުރެވޭ ސުވާލުގެ ޖަވާބު ދިނިމުގެ ކުރިން ބަލަންޖެހޭ ކަމެއްކަމަށެވެ. ރާއްޖޭގައި ވެރިކަން ކުރައްވާ ބޭފުޅުންނަށް ފެންނަނީ ވަރަށް ދެރަ ގޮތްތަކެއް ވަމުންދާކަމަށް ނަޝީދު ވިދާޅުވިއެވެ.

ވެރިކަމައި ގުޅޭގޮތުން ފެންނަމުންދާ ހަގީގަތް ހިތަށް ގެނައުން ބޭނުންތެރި. ރާއްޖޭގައި ވެރިކަން ކުރާ ވެރިކަން ބަދަލުވުމަށްފަހު، އުޅެންޖެހެނީ ވަރަށް ހިތާމަވެރިކޮށް، އެއީ ވެރިކަން ކުރެވޭ ގޮތުންކަމަށް ބައެއް ބޭފުޅުންދެކޭ. މިއަދު ސްޕްރީމްކޯޓުން އިއްވި ހުކުމަކީ ފުރަތަމަ ފަހަރަކު ވެރިކަޔަކު ވެރިކަމުގައި ނެތީސް ވާދަވެރިން ވެރިކަމުގައި ތިބެ މިނިވަންވި ގަޒިއްޔާ.

– ރައީސް ނަޝީދު ވިދާޅުވިއެވެ.

ރައީސް ނަޝީދު މިފަދައިން ވިދާޅުވިއިރު އެމްޑީޕީގެ ތެރެއިން ރައީސް ޞާލިހަށް ޕްރައިމަރީއަކާއި ނުލައި ރިޔާސީ ޓިކެޓް ދިނުމަށް މަސައްކަތް ކުރަމުންދާކަމަށް ދަނީ ތުހުމަތު ކުރަމުންނެވެ. އަދި މިހާރު އެމްޑީޕީގެ ގައުމީ މަޖިލިސްއާއި، ރައްޔިތުންގެ މަޖިލިސްގެ މެޖޯރިޓީވެސް ކޮންޓްރޯލް ކުރައްވަނީ ރައީސް ޞާލިހުއެވެ.