އެތައް ސަތޭކަ ރައްޔިތުންގެ ސަލާމަތަށްވުރެ، އެންމެ މީހެއްގެ ސަލާމަތަށް ދައުލަތުން ބޮޑެތި ޚަރަދު ކޮށްގެން ފަސްތަރީގެ ހޮޓަލުގައި ބަހައްޓައި ބަލަހައްޓަމުންދާކަމީ ހައިރާންވާ ކަމެއްކަމުގައި ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
އަރަބިއްޔާ ސްކޫލުގެ ހާލަތާއިމެދު މެދު ކެނޑުމެއްނެތި ކަންބޮޑުވުން ފާޅު ކުރައްވަމުންދާ ޑރ.އިޔާޒު ވިދާޅުވީ އަރަބިއްޔާ ސްކޫލުގެ އިމާރާތުގެ ހާލަތު މިހާރު ހުރިގޮތުން އެކަމާއިމެދު ކަންބޮޑުވުނެ، އެންމެ މީހެއްގެ ސަލާމަތްތެރިކަން ކަށަވަރު ކުރުމަށް ދައުލަތުން ބޮޑެތި ޚަރަދުކޮށް ފަސްތަރީގެ ހޮޓަލުގައި ބަހައްޓަމުންދާކަމީ ނުހަނު އަޖައިބުވާ ކަމެއްކަމަށެވެ.
އެންމެ މީހެއްގެ ސަލާމަތާއި ރައްކާތެރިކަމަށްޓަކައި ފަސްތަރީގެ ހޮޓަލެއްގައި ދައުލަތުގެ ބަޖެޓުން ޚަރަދުކޮށްފައި ބެހެއްޓުނުއިރު, އެތައް ސަތޭކަ ދަރިވަރުންތަކެއް ބޮލަށް ވެއްޓެން ކައިރިވެފައި ހުރި ޢިމާރާތެއްގެ ތެރެއަށް ލުމަކީ ނުރައްކަލެއް ނޫންކަމަށް ދެކުމަކީ ޢަޖައިބެއް.
– ޑރ.އިޔާޒު ވިދާޅުވިއެވެ.
ޢަރަބިއްޔާ ސްކޫލްގެ ދަރިވަރުން އެހެން ޢިމާރާތަކަށް ބަދަލުކޮށްދިނުމަށް ގޮވާލައިފި
ޑރ.އިޔާޒު އިޝާރާތް ކުރެއްވި ފަސްތަރީގެ ހޮޓަލުގައި ބަހައްޓައިގެން ސަލާމަތްތެރިކަން ބަލަހައްޓާފައިވަނީ ކުރީގެ ރައީސް މުހައްމަދު ނަޝީދެވެ. ނަޝީދަށް މިއަހަރުގެ މެއި މަހުގެ 6 ވަނަ ދުވަހު ދިން ހަމަލާއަށްފަހު ވަނީ ސަލާމަތީ ކަންކަން ވަރަށް ވަރުގަދަކޮށްފައެވެ. އެގޮތުން މިހާރު ދިރިއުޅުއްވާ ގެކޮޅު ވަށައިގެން މީހަކަށް މަޑުވެސް ކޮށްނުލެވޭ ގޮތަށް ވަނީ ރަތް ރޮގު ދަމާފައެވެ. މިއީ ރާއްޖޭގެ ތާރީހުގައިވެސް ވަކި މީހަކަށް މިވަރުގެ ސެކިއުރިޓީއެއް ދިން ފުރަތަމަ ފަހަރެވެ.
އަރަބިއްޔާ ސްކޫލުގެ ހާލަތާއިމެދު ގިނަ ބަޔަކު ކަންބޮޑުވުން ފާޅު ކުރަމުންދާއިރު، އެޑިއުކޭޝަން މިނިސްޓަރ ޑރ.އައިޝަތު އަލީ ވިދާޅުވެފައިވަނީ، މިހާރުގެ ހާލަތު ހުރިގޮތުން އަރަބިއްޔާ ސްކޫލުގައި ކުދިންނަށް ގެއްލުންވާ ހިސާބަކަށް އަދި އިމާރާތުގެ ހާލަތު ނުދާކަމަށް މިނިސްޓަރ ވަނީ ވިދާޅުވެފައެވެ. އަދި އެހާލަތަށް ގޮސްފިނަމަ ދަރިވަރުންނަށް އެހެން ގޮތެއް ހެދައި، ހައްލެއް ހޯދައި ދެއްވާނެކަމަށެވެ.
އަރަބިއްޔާ ސްކޫލް ހިންގަމުން އަންނަ ޢިމާރާތުގައި ރެނދުލައި ބޮޑަށް ހަލާކުވަމުން ދާތީ އެ ސްކޫލްގައި ކިޔަވަމުންދާ ދަރިވަރުން އެހެން ޢިމާރާތަކަށް ބަދަލުކޮށްދިނުމަށް ބައެއް ބެލެނިވެރިން ވަނީ ގޮވާލާފައެވެ. ޢަރަބިއްޔާ ސްކޫލްގެ ޢިމާރާތުގައި ރެނދުލާފައި ހުރި ބައެއް ފޮޓޯތައް ސޯޝަލް މީޑިއާގައި އަންނަނީ ދައުރުވަމުންނެވެ. އެކަމުގެ ކަންބޮޑުވުން ފާޅުކުރަމުން ބައެއް ބެލެނިވެރިން ވަނީ، ފާޅުކޮށްފައެވެ.
One Response
ޞަބަލަގަުމުގެ ރަދުނޮސަލަމަޔކުރަނޮޖެހެނެ