ވެރިކަންކުރާ މައި ޕާޓީ އެމްޑީޕީގައި 16 އަހަރަށްވުރެ ގިނަ ދުވަހު މަސައްކަތްކުރި އެޕާޓީގެ އެކްޓިވިސްޓެއް އިދިކޮޅު ޕީޕީއެމާއި ގުޅިއްޖެއެވެ.
އިދިކޮޅު ލީޑާޝިޕްގެ ބައެއް ބޭފުޅުން މިވަގުތު ތިބީ ފުވައްމުލަކުގައެވެ. އިއްޔެވަނީ އެރަށުގައި ސިޔާސީ ސުލްހަވެރި ބޮޑު ހިނގާލުމެއްވެސް ބާއްވާފައެވެ.
އިދިކޮޅު ޕްރޮގްރެސިވް ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ނާއިބު ރައީސް ޢަބްދުއްރަހީމް ޢަބްދުﷲ ވިދާޅުވީ، ގައުމަށް އެންމެ ފައިދާހުރި ގޮތަކީ ޕީ.ޕީ.އެމްއާއެކު މަސައްކަތް ކުރުންކަމަށް ގަބޫލުކޮށް، އެމް.ޑީ.ޕީގައި 16 އަހަރު މަސައްކަތް ކުރި،ފުވައްމުލަކު ބަޖިޔާގޭ މުޙައްމަދު ސަޢީދު ޕީ.ޕީ.އެމްއާ ގުޅުމުން ރައީސް ޔާމީނުގެ ނަންފުޅުގައި މަރުޙަބާ ދަންނަވާކަމަށެވެ.
ގައުމަށް އެންމެ ފައިދާހުރި ގޮތަކީ ޕީ.ޕީ.އެމްއާއެކު މަސައްކަތް ކުރުންކަމަށް ގަބޫލުކޮށް، އެމް.ޑީ.ޕީގައި 16 އަހަރު މަސައްކަތް ކުރި،ފުވައްމުލަކު ބަޖިޔާގޭ މުޙައްމަދު ސަޢީދު ޕީ.ޕީ.އެމްއާ ގުޅުމުން ރައީސް ޔާމީނުގެ ނަންފުޅުގައި މަރުޙަބާ ދަންނަވަން #ރައީސްޔާމީންމިނިވަންކުރޭ pic.twitter.com/GOnZkWF53z
— Abdul Raheem Abdulla (@Banafsaa) November 21, 2021
ޕީޕީއެމްއިން އެޕާޓީގެ މެމްބަރުން އިތުރު ކުރުމަށް މާބޮޑު ހަރަކާތްތަކެއް މިދުވަސްވަރު ނުކުރި ނަމަވެސް އަތޮޅު ތެރޭގެ ގިނަ ރަށްތަކަކުން އެޕާޓީއާއި ގުޅޭ މީހުންގެ އަދަދު މަދެއް ނުވެއެވެ. ނަމަވެސް ޕީޕީއެމް އިން އަންނަނީ ސަރުކާރު ޖަވާބުދާރީކުރުވުމަށް ގިނަ ހަރަކާތްތަކެއް ހިންގަމުންނެވެ. އެގޮތުން ރާއްޖޭގެ އެކި ސަރަހައްދުތަކުގައި ތިބި އިންޑިއާ ސިފައިން ޤައުމުން ބޭލުމަށް ގޮވާލާ އިންޑިއާ މިލިޓަރީ އައުޓްގެ ނަމުގައި އަންނަނީ ޤައުމީ ބޮޑު ހަރަކާތެއް ހިންގަމުންނެވެ. އަދި އެ ހަރަކާތުގައި ބައިވެރިވާ މީހުންގެ ޢަދަދު ގިނަވަމުން އަންނައިރު، ބައިނަލްއަޤްވާމީ މީޑިއާގެ ސަމާލުކަމަށްވެސް އެކަން މިހާރު ވަނީ އައިސްފައެވެ.
ވެރިކަން ކުރާ މައި ޕާޓިން ރައްޔިތުންނަށް ވެފައިވާ ވަޢުދުތައް ނުފުއްދި، ރައްޔިތުން އިތުރަށް ހާލުގައިޖެހެމުންދާކަމަށް ބުނެ އެމްޑީޕީއަށް ތާޢީދުކުރާ ބައެއް މީހުން އަންނަނީ ޚިޔާލުފާޅުކުރަމުންނެވެ.
