ސުޕަރ ޔުނައިޓެޑް ސްޕޯޓްސްގެ ކޯޗަކަށް ތަޖުރިބާކާރު ކޯޗު އިސްމާއިލް މަހުފޫޒް (އިންމަ) ހަމަޖައްސައިފިއެވެ.
ސަސްގެ ކޯޗަކަށް އިންމަ ހަމަޖެއްސިކަން އެ ކްލަބުން އިޢުލާންކުރީ، އެ ކްލަބުގެ ރަސްމީ ފޭސްބުކް ޕޭޖުގައި އިއްޔެ ކުރި ޕޯސްޓެއްގައެވެ.
އެންމެ ފަހުން ސަސްގެ ކޯޗަކަށް ހުރީ މުހައްމަދު ޝިޔާޒް (މޯހަން) އެވެ. މޯހަން އާއެކު އެ ކްލަބުން ވެފައިވާ އެއްބަސްވުން ދެ ފަރާތުން ވާހަކަ ދެއްކުމަށްފަހު މިދިޔަ އޮކްޓޯބަރ މަހުގެ ތެރޭގައި ވަނީ އުވާލާފައެވެ. މޯހަން މިހާރު ހުރީ މާޒިޔާގެ ކޯޗު ކަމާއި ހަވާލުވެއެވެ.
މިދިޔަ ސީޒަންގައި ފުރަތަމަ ޑިވިޝަންގައި ވާދަކުރަން ފެށި ސަސްގެ ކޯޗުކަމުގެ މަގާމާއި އިންމަ ހަވާލުވި އަންނަ ސީޒަނަށެވެ.
މީގެކުރިންވެސް ފުރަތަމަ ޑިވިޝަންގައި ވާދަކުރަމުން އަންނަ ގިނަ ކްލަބްތަކަށް ކޯޗުކަން ކޮށްދިން އިންމަ އެންމެ ފަހުން އަދާކުރީ ގައުމީ ފުޓްބޯޅަ ޓީމުގެ އެސިސްޓަންޓް ކޯޗުކަމުގެ މަގާމެއެވެ. އޭގެ ކުރިން މިދިޔަ ސީޒަންގައި ހުރީ ދަ ގްރާންޑޭ ސްޕޯޓްސް ކްލަބުގެ ކޯޗުގެ މަގާމުގައެވެ.
ކޮމެންޓު ފޮނުވާ