އެމްޑީޕީ ވެރިކަމަށް އަންނަ ކޮންމެ ފަހަރަކު އިންޑިއާއާއި ރާއްޖޭގެ ގުޅުން ޚަރާބުކުރާކަމަށް އިދިކޮޅު ޕީޕީއެމްގެ ނާއިބު ރައީސް އަދި ނައިފަރު ދާއިރާގެ މެންބަރު އަޙްމަދު ޝިޔާމް ވިދާޅުވެއްޖެއެވެ. ޝިޔާމް މިފަދައިން ވިދާޅުވީ، ރާއްޖޭގައި އިދިކޮޅުން ހިންގާ "އިންޑިއާ މިލިޓަރީ އައުޓް" ހަރަކާތް ބައިނަލްއަޤްވާމީ މީޑިއާގެ ސަމަލުކަމަށް އައިސްފައިވުމާއެކު އަލްޖަޒީރާއިން ގެނެސްދިން އެ ޚަބަރު ޕޯސްޓްކުރުމާއެކުއެވެ.
ޝިޔާމް ވިދާޅުވީ އަވައްޓެރި އިންޑިއާއާ ދޭތެރޭ ރައްޔިތުން ނަފްރަތު އުފެދޭ އެއްބަސްވުންތަކުގައި ސޮއިކުރަމުންދާކަމަށެވެ. ޤައުމުގެ މުސްތަޤުބަލަށްޓަކައި ރައީސް އިބްރާހީމް މުޙައްމަދު ޞާލިޙްގެ ވެރިކަން ކޮންމެ ގޮތެއް ހަދާފައިވެސް ނިންމަންޖެހޭކަމަށްވެސް ޝިޔާމް ވިދާޅުވިއެވެ.
MDP verikamah anna konme faharaku ???????? ???????? gulhun eba kharaab kurey. Avatteri India aa dheytherey rayyithun nafrath ufedhey ebbasvun thakugai eba soe kurey. Qaumuge muathaqbalattakai @ibusolih ge verikan komme gotheh hadhaafaves nimman jehey. #DefendMaldives #FreePresidentYameen pic.twitter.com/MKV6O5CZ32
— Ahmed Shiyam (@Shiyamaldives) November 12, 2021
އިދިކޮޅު ކޯލިޝަނުން ދަނީ ރާއްޖޭގެ އެކި ކަންކޮޅުތަކުގައި މިނިވަންކަމުގެ ދިފާއުގެ ނަމުގައި ގިނަ ހަރަކާތްތަކެއް ބާއްވަމުންނެވެ. މިހަރަކާތްތަކުގައި ރައްޔިތުންގެ ތާއީދު އެއްދުވަހުން އަނެއް ދުވަހަށް އިތުރުވެ، ހަރަކާތްތަކުގައި ބައިވެރިވާ މީހުންގެ އަދަދުވެސް ދަނީ އިތުރުވަމުންނެވެ.
މިހަފްތާ ބަންދުގައި، އިދިކޮޅު ޕީޕީއެމްއިން އިންތިޒާމްކޮށްގެން ބޭއްވި އިންޑިއާ އައުޓް މުޒާހިރާއަކީ، އިންޑިއާ ސިފައިން ރާއްޖެ ދޫކޮށް ދިއުމަށް ގޮވާލާ، ފަހަކަށް އައިސް ގިނަ ބަޔަކު އެއްވި މުޒާހިރާއެއްގެ ގޮތުގައި ފާހަގަ ކޮށްލެވެއެވެ.
އިންޑިއާ އައުޓު މުޒާހިރާތައް ފުޅާވަމުން ގޮސް، މިމުޒާހިރާތަކުގައި ގިނަ އަދަދެއްގެ އާންމު ރައްޔިތުން ބައިވެރިވެ، އަދި "އިންޑިއާ އައުޓު" އަޑުތައް ބައިނަލް އަގުވާމީ މީޑިއާތަކާއި ހަމައަށް ފޯރާފައިވާއިރު، "އިންޑިއާއަށްޓަކާ ރާއްޖޭހެ މިނިވަންކަން ގުރުބާން ކޮށްފައިވާ" ކަމަށް ސަރުކާރުގެ މައްޗަށް ކުރެވޭ ތުހުމަތުތަކަށް ޖަވާބުދާރީ ވުމަށް މި ސަރުކާރު މާބޮޑު ސިޔާސަތެއް ގެންގުޅެމުން ދާތަނެއް ފެންނާކަށް ނެތެވެ.
އިދިކޮޅު ފަރާތްތަކުން، ސަރުކާރުގެ މައްޗަށް ކުރަމުންދާ ސީރިއަސް އަދި މި ބޮޑު ތުހުމަތުތަކުގެ ވާހަކަަތައް ބައިނަލް އަގުވާމީ މީޑިއާތަކުން ގެނެސް ރިޕޯޓު ކުރަމުން ދާއިރު، ސަރުކާރުގެ ހިމާޔަތުގައި ދައުލަތުގެ ވަޒީރުންވެސް ވާހަކަ ދައްކާ މަންޒަރު ފެންނަމުންނެއް ނުދެއެވެ. ސިޔާސީ އިސް މަގާމްތަކުގައި އެތައް ބަޔަކު ތިބި އިރުވެސް، އިންޑިއާއަށް ތާއީދުކޮށް، ސިޔާސީ ވަޒީފާތަކުގައި ތިބި ގިނަ މުވަޒަފުން ބަސް ބުނަމުން ނުދާކަންވެސް ފާހަގަ ކޮށްލެވެއެވެ.
