އިންޑިއާ އިން ދިވެހިރާއްޖެއަށް ކަނޑައެޅުއްވި އާ ސަފީރު މުނޫ މަހާވަރު ރާއްޖެ ވަޑައިގެންފިއެވެ.
ސަފީރު މުނޫ މިއަދުގެ ވަގުތެއްގައި ރާއްޖެ ވަޑައިގަތީ އޭނާގެ މަގާމުގެ ފަތްކޮޅު ރައީސް އިބްރާހީމް މުހައްމަދު ސޯލިހަށް އަރުއްވާ، މަގާމުގެ ރަސްމީ މަސައްކަތްތައް ފެއްޓެވުމަށެވެ.
އެންމެ ބޮޑު އެއް މަސައްކަތަކަށް އޮންނާނީ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން ރާއްޖޭގައި ހިންގާ ޕްރޮޖެކްޓްތައް އިންޑިއާގެ ފަރާތުން ވިލަރެސްކުރުމާއި ތިލަމާލެ ބްރިޖުގެ މަސައްކަތުގައި އިންޑިއާ އިން ކުރަން ޖެހޭ ކަންކަމުގެ ސްޕީޑް ހަލުވިކުރެއްވުމެވެ.
މަހާވަރު އެންމެ ފަހުން ހުންނެވީ އޮމާނުގައި ހުންނަވާ އިންޑިއާގެ ސަފީރުގެ ގޮތުގަ އެވެ. އިންޑިއާގެ ފޮރިން ސާވިސަސްއާ 1996 ވަނަ އަހަރު ގުޅުނު މަހާވަރް ވަނީ 1998-2001 އަށް ރަޝިއާގެ ވެރިރަށް މޮސްކޯ އަދި 2008-2011 އަށް ސްވިޒަލެންޑުގެ ޖެނީވާގައި ހުންނަ އެގައުމުގެ ޑިޕްލޮމެޓިކް މިޝަންތަކުގައި ވެސް މަސައްކަތްކުރައްވާފަ އެވެ.
މީގެ އިތުރުން ބޮޑުވަޒީރުގެ އޮފީހުގެ ޑިރެކްޓަރުކަމާއި އިންޑިއާގެ އެކްސްޓާނަލް އެފެއާޒް މިނިސްޓްރީގެގެ އދ. އާ ގުޅޭ ސިޔާސީ ޑިވިޝަނުގައި ވެސް އޭނާ ވަނީ މަސައްކަތްކުރައްވާފައެވެ.
މޫނޫ މަހާވަރު މިހާތަނަށް ހުންނެވީ އިންޑިއާއިން އޮމާނަށް ކަނޑައަޅުއްވާފައިހުންނެވި ސަފީރުކަމުގެ މަޤާމުގައެވެ. އިންޑިއާގެ އެކްސްޓަރނަލް އެފެއާޒް މިނިސްޓްރީންވަނީ އައު ހައިކޮމިޝަނަރު ކުޑަދުވަސްކޮޅެއްގެ ތެރޭގައި މަގާމާއި ހަވާލުވެވަޑައިގަންނަވާނެކަމަށެވެ.
އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރުގެ މަޤާމުގައި މިހާރު ހުންނެވީ ސަންޖޭ ސުދީރުއެވެ. އޭނާ މަގާމާއި ހަވާލުވެވަޑައިގެންފައިވަނީ 2019 ވަނަ އަހަރުގެ މާޗްމހަުގެ 5ވަނަ ދުވަހުގައެވެ. ކުރީގެ ސަރުކާރުގައި އިންޑިއާއާ ރާއްޖޭގެ ގުޅުމައް އައި ހީނަރުކަމަށްފަހު އައު ސަރުކާރު ވެރިކަމާއެި ހާވާލުވުމާއެކު އަދި ސަންޖޭ ސުދީރު ހައިކޮމިޝަނަރުގެ ދައުރުގައި ދެޤައުމުގެ ގުޅުންވަނީ ވަރުގަދަވެފައެވެ. އަދި ދެޤައުމުގެ މެދުގައި ގިނަ އެއްބަސްވުންތައް ޤާއިމްކުރެވުނުއެވެ.
