ހަތަރު އަހަރުދުވަހުގެ ތެރޭގައި ރާއްޖެއަށް، 60 ސްކޮލާޝިޕް ދިނުމަށް ހަންގޭރީ ސަރުކާރުން ނިންމައިފިއެވެ. މި ސްކޯލާޝިޕްތަކުގެ އެއްބަސްވުމުގައި މިއަދު ވަނީ ސޮއިކުރައްވާފައެވެ. އެގޮތުން ރާއްޖޭގެ ހަޔަރ އެޑިއުކޭޝަން މިނިސްޓްރީން ސޮއިކުރެއްވީ މިނިސްޓަރ ޑރ.އިބްރާހީމް ހަސަނެވެ. އަދި ހެންގޭރީ ސަރުކާރުގެ ފަރާތުން ސޮއިކުރެއްވީ މިނިސްޓްރީ އޮފް ފޮރިން އެފެއަރޒް އެންޑް ޓްރޭޑްގެ ސްޓޭޓް ސެކެޓްރީއެވެ.
ހަޔަރ އެޑިއުކޭޝަން މިނިސްޓްރީން ބުނީ މިއީ ދެ ޤައުމުގެ ދެމެދުގައި އޮތް އެކުވެރިކަމުގެ ގުޅުން ބަދަހިކޮށް، މަތީ ތައުލީމާ ބެހޭ ކަންކަމުގައި ގުޅިގެން މަސައްކަތް ކުރުމާއި ތައުލީމީ މުޖުތަމައެއް ބިނާކުރުމަށް މަސައްކަތް ކުރަން އެކުލަވާލި އެއްބަސްވުމެއްކަމަށެވެ.
Today, Hungary & Maldives signed an MoU that will provide 15 scholarships annually for 4 years. The MoU was signed by Minister of Higher Education Dr Ibrahim Hassan and State Secretary of Ministry of Foreign Affairs and Trade of Hungary Dr Orsolya Pacsay-Tomassich pic.twitter.com/UeH84cYwlE
— Ministry of Higher Education (@MoHEmv) November 8, 2021
މި އެއްބަސްވުމުގެ ދަށުން 4 އަހަރު ވަންދެން ކޮންމެ އަހަރަކު ވެސް 15 ސްކޮލާޝިޕް ހަންގޭރިން ރާއްޖެއަށް ދޭނެއެވެ. އޭގެ ތެރޭގައި ހިމެނެނީ ފުރަތަމަ ޑިގްރީގެ 6 ފުރުސަތާއި، މާސްޓާސް ޑިގްރީގެ 7 ފުރުސަތާއި ޕީއެޗްޑީގެ 2 ފުރުސަތުކަމަށް ހަޔަރ އެޑިއުކޭޝަން މިނިސްޓްރީން ބުންޏެވެ. މި ސްކޮލަރޝިޕްތަކުގެ ތެރޭގައި އެގްރިކަލްޗާ ސައިންސް، އާޓްސް އެންޑް ހިއުމެނިޓީޒް، ސޯޝަލް ސައިންސް، ޓީޗިން ޓްރެއިނިން އާއި ސްޕޯޓް ސައިންސް އަދި ނޭޗަރަލް ސައިންސް ފަދަ ދާއިރާތަކުން ކޯސްތަކެވެ.
މި އެއްބަސްވުމާއެކު ސްކޮލާޝިޕްތަކަށް ހޮވޭ ދަރިވަރުންގެ ދެކޮޅު ޓިކެޓް ފިޔަވައި ހުރިހާ ހަރަދެއް ހަމަޖައްސާނީ ހަންގޭރީގެ ސަރުކާރުންކަމަށްވެސް ހަޔަރ އެޑިއުކޭޝަން މިނިސްޓްރީން ބުންޏެވެ. ދިވެހި ސަރުކާރުން ދޭނީ ހަމައެކަނި އެ ދަރިވަރުގެ ދެކޮޅު ޓިކެޓްކަމަށްވެސް މިނިސްޓްރީން ބުންޏެވެ.
ކޮމެންޓު ފޮނުވާ