ގްރޭޓާރ މާލެ ސަރަހައްދަށް ސިޓީ ކައުންސިލެއް ބޭނުން ނުވާކަމަށާއި، މިސަރަހައްދުގެ އެންމެހައި ކަންކަން ކުރަންވީ މައި ސަރުކާރުން ކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާން ހަސަން ވިދާޅުވެއްޖެއެވެ.

ލާމަރުކަޒީ އުސޫލުން އިދާރީ ދާއިރާތަށް ހިންގުމަކީ އެމްޑީޕީގެ އެންމެ ބޮޑު އެއް ސިޔާސަތެވެ. މިސިޔާސަތުގެ ދަށުން ކުރިން އޮތް ޤާނޫނަށް ބޮޑެތި ބަދަލުތަކެއް ގެނެސް ކައުންސިލްތަކަށް ބާރުދޫކޮށްލައި އެކުލަވާލި ޤާނޫނުގެ ދަށުން މާލެ ސިޓީ ކައުންސިލްގެ ސާފު އައިލަބިއްޔަތު ނަގާފައިވަނީ އިދިކޮޅު ޕްރޮގްރެސިވް ކޯލިޝަނުންނެވެ.

މިއީ މާލެ ސިޓީ ކައުންސިލްގެ މެޖޯރިޓީ އެމްޑީޕީއަށް ގެއްލުނު ފުރަތަމަ ފަހަރެވެ. އިކްރާމް ކުރެއްވި ޓްވީޓުގައި ވިދާޅުވީ މާލެ ސިޓީ އޭރިއާ ނުވަތަ ގްރޭޓާ މާލެ އޭރިއާއަކީ އެއްވެސް ހާލެއްގައި ސިޓީ ކައުންސިލެއް އޮންނަންޖެހޭ ތަނެއް ނޫންކަމަށެވެ. މިއީ މައި ސަރުކާރު ހިންގާ ސިޓީއަށް ވެފައި މިސިޓީގައި އިތުރު ކައުންސިލެއް އޮންނަން ޖެހޭކަމަށް ނުދެކޭކަމަށް އިކްރާމް ވަނީ ވިދާޅުވެފައެވެ.

މައި ސަރުކާރު ހިންގާ ސިޓީގައި އެންމެ މަސްލަހަރު ރަނގަޅު ގޮތަކީ މައި ސަރުކާރުން އެ ސިޓީ ހިންގުން. ގްރޭޓާ މާލެ އޭރިއާގައި ސިޓީ ކައުންސިލެއް ބޭނުމެއްނުވޭ.

– އިކްރާމް ވިދާޅުވިއެވެ.

Mai sarukaaru hingaa city ga emme maslahath ragalhu gothakee mai sarukaarun e city hingun. Greater Male' areaga city councileh beynumeh nuvey.

— Ikram Hassan MP (@ikramhassan) November 3, 2021

އިކްރާމް މިފަދައިން ވިދާޅުވީ ކޮން ސަބަބާއި ހެދިކަމެއް ސާފެއް ނުވެއެވެ. ނަމަވެސް އިކްރާމްއަކީ ވެރިކަން ކުރާ ކޯލިޝަންގައި ހިމެނޭ އެމްޑީޕީގެ މަޖިލިސް މެމްބަރުންގެ ތެރެއިން އެކި ދުވަސްވަރުގައި ދެކެވޭ ވާހަތަކުގެ ސަބަބުން މީހުންގެ ސަމާލުކަމަށް ވަރަށް ބޮޑަށް އައިސްފައިވާ މެމްބަރެކެވެ. މިގޮތުން މަޖިލިސް ތެރެއިންނާއި، މަޖިލިސް ބޭރުން އިއްޒަތް ނުލިބޭ މައްސަލާގައި އިކްރާމް ދައްކަވާ ވާހަތަކާއި ގުޅިގެން ގިނަބައެއްގެ ފާޑުކިޔުން އިކުރާމަށް އަމާޒުވިއެވެ.

މާލެ ސިޓީ ކައުންސިލް އިދިކޮޅު ޕީޕީއެމްއިން މެޖޯރިޓީއާއިއެކު ހިންގާއިރު، މާލޭގައި ސިޓީ ކައުންސިލުން ގެންދަނީ ތަރައްޤީގެ ކަންކަން ކުރަމުންނެވެ. އެގޮތުން ސިޓީ ކައުންސިލްގެ މެންޑޭޓުގައި ހިމެނޭ ކަންކަން ބާރު ސްޕީޑުގައި ކުރަމުންދާތީ ސިޓީ  ކައުންސިލަށް ގިނަ ބައެއްގެ ތައުރީފް ވަނީ ލިބިފައެވެ.