މަޖިލީހުގެ ސިޔާސީ ޕާޓީތަކުގެ ދަފްތަރުގައި މޯލްޑިވްސް ނޭޝަނަލް ޕާޓީ (އެމްއެޕީ) ހިމެނުމާއި ގުޅިގެން މަޖިލީހުގެ ދާއިމީ ކޮމެޓީތަކަށް ބަދަލުތަކެއް ގެނެސްފިއެވެ.
މަޖިލީހުގެ ސިޔާސީ ޕާޓީތަކުގެ ދަފްތަތުގައި މޯލްޑިވްސް ނޭޝަނަލް ޕާޓީ (އެމްއެންޕީ) ހިމެނުމާއި ގުޅިގެން މަޖިލީހުގެ ބައެއް ދާއިމީ ކޮމެޓީތަކުގައި މެމްބަރުން ހިމެނި ވަޑައިގަންނަވާ ނިސްބަތަށް ގެނައި ބަދަލު ވަނީ މަޖިލީހުން ފާސްކޮށްފައެވެ.
މަޖިލީހުގެ މެމްބަރުން ބެހިފައިވާގޮތް:
- އެމްޑީޕީ – 65 މެމްބަރުން
- ޕީޕީއެމް – 6 މެމްބަރުން
- ޖުމްހޫރީ ޕާޓީ – 3 މެމްބަރުން
- ޕީއެންސީ – 3 މެމްބަރުން
- އެމްއެންޕީ – 3 މެމްބަރުން
- އެމްޑީއޭ – 2 މެމްބަރުން
- މިނިވަން – 5 މެމްބަރުން
ކޮމެޓީތަކަށް ގެނައި ބަދަލުތަކުގެ ތެރޭގައި ޚާރިޖީ ގުޅުންތަކުގެ ކޮމެޓީ އަދި ސްޓޭޓް އޯންޑް އެންޓަރޕްރައިސަސް ކޮމިޓީގައި އެމްއެންޕީގެ މެމްބަރެއްގެ ގޮތުގައި ދަނގެތި ދާއިރާގެ މެމްބަރު މުހައްމަދު ނާޒިމް ވަނީ ކަނޑައަޅާފައެވެ. މާލިއްޔަތު ކޮމެޓީ އަދި ސަރުކާރުގެ މަސްއޫލިއްޔަތު އަދާ ކުރާ ކޮމެޓީގައި އެމްއެންޕީގެ ފަރާތުން ތިމަރަފުށީ ދާއިރާގެ މެމްބަރުން އަބްދުﷲ ރިޔާޒު ވަނީ ކަނޑައަޅާފައެވެ. މީގެ އިތުރުން ސަލާމަތީ ޚިދުމަތްތަކާއި ބެހޭ ކޮމެޓީ އަށް، މިނިވަން މުވައްސަސާ ކޮމެޓީ އަދި ހިއުމަން ރައިޓް ޖެންޑަ ކޮމެޓީގައި އެމްއެންޕީގެ ފަރާތުން ވިލިމާލެ ދާއިރާގެ މެމްބަރު އަހުމަދު އުޝާމް ހިމެނުމަށް ވަނީ ނިންމާފައެވެ.
މިބަދަލު ތަކާއިއެކު ޚާރިޖީ ގުޅުންތަކުގެ ކޮމިޓީއަށް ވަކި ޕާޓީއަކަށް ނިސްބަތް ނުވާ ތުލުސްދޫ ދާއިރާގެ މެމްބަރު އިބްރާހިމް ނަސީމް ވަނީ ކަނޑައަޅާފައެވެ. މީގެ އިތުރުން ސަލާމަތީ ޚިދުމަތްތަކާބެހޭ ކޮމިޓީއަށް އެމްޑީޕީގެ އިތުރުމެމްބަރަކު ވަނީ ކަނޑައަޅާފައެވެ. އެމްޑީޕީގެ ފަރާތުން ކޮމެޓީއަށް ކަނޑައެޅުއްވީ ތުޅާދޫ ދާއިރާގެ މެމްބަރު ހިސާން ހުސެއިން އެވެ.
މަޖިލީހުން ވަނީ ކޮމެޓީތަކަށް އައި ބަދަލު ތަކާއިއެކު 34 މެމްބަރުންގެ ވޯޓުން މިބަދަލުތައް މަޖިލީހުން ފާސްކޮށްފައެވެ.
