ގައުމީ ފުޓްބޯޅަ ޓީމުގެ އައު ކޯޗަކަށް ހަމަޖެއްސި އިޓަލީ އަދި އިންޓަރ މިލާނަށް ކުރިން ކުޅުނު ފްރެންސެސްކޯ މޮރިއޭރޯއާއެކު ފަރިތަކުރުންތައް ފަށައިފިއެވެ.
ގައުމީ ޓީމުގެ ކޯޗަކަށް ފްރެންސެސްކޯ މޮރިއޭރޯ ހަމަޖެއްސީ މިދިޔަ ހަފްތާގައެވެ. އައު ކޯޗުގެ ބެލުމުގެ ދަށުން ގައުމީ ފުޓްބޯޅަ ޓީމު ވާދަކުރާނެ ފުރަތަމަ މުބާރާތައް ވެގެންދާނީ އަންނަ މަހު ލަންކާގައި ބާއްވާ މަހިންދުރަ ރާޖަޕަކްސަ ފޯ ނޭޝަންސް ކަޕެއެވެ. މުބާރާތް ކުރިޔަށްދާނީ، ނޮވެމްބަރ 7 އިން 17 އަށް ސްރީލަންކާގެ ކޮލަމްބޯގައެވެ.
މި މުބާރާތުގައި ރާއްޖޭގެ އިތުުރުން ދެން ވާދަކުރަނީ، ބަންގްލަދޭޝް، ސީޝެލްސް އަދި މުބާރާތް ބާއްވާ ސްރީލަންކާއެވެ.
މޮރިއޭރޯ ހަވާލުވި ފަހުން ގައުމީ ޓީމު ކުޅޭ ފުރަތަމަ މެޗަކީ އަންނަ ހުކުރު ދުވަހު ކުރެއްދޫ ރިސޯޓްގައި ކުޅޭ ހާއްސަ އެކްސިބިޝަން މެޗެވެ.
ގައުމީ ފުޓްބޯޅަ ޓީމުން ރޭ ފަރިތަކުރުންތައް ފަށާފައިވަނީ އެންމެ ފަހުން ބޭއްވި އުރީދޫ ސާފް ޗެމްޕިއަންޝިޕް ފުޓްބޯޅަ މުބާރާތައް އެކުލަވާލި ސްކޮޑާއެކުއެވެ.
ކޮމެންޓު ފޮނުވާ