2005 ވަނަ އަހަރު ނެރުނު "ބަންޓީ އޯރ ބަބްލީ"ގެ ކާމިޔާބަށް ފަހު އޭގެ ދެވަނަ ބައެއް މިހާރު މަސައްކަތް ނިންމައި ރިލީޒްނުކުރެވިފައި އޮންނަތާ ދުވަސްތަކެއް ވަނީ ވެފައެވެ. ކޯވިޑްގެ ސަބަބުން ސިނަމާއާއި ހަމައަށް ނައިސް މަޑުޖެހިފައިވާ މިފިލްމަށް މިހާރު ވަނީ ތާރީހެއް ލިބިފައެވެ.
ފިލްމު ސިނަމާތަކުގައި އެޅުވުމަށް ޔަޝް ރާޖް ފިލްމްސް އިން މިހާރު ނިންމާފައިވާ ތާރީހަކީ އަންނަ ނޮވެމްބަރު މަހުގެ 19 ވަނަ ދުވަހެވެ.
ތާރީހު އިއުލާން ކުރުމާއެކު ފިލްމުގެ ޓްރެއިލާވެސް މިހާރު ވަނީ ޔަޝް ރާޖުން ބެލުންތެރިންނާއި ހަމައަށް ދޫކޮށްލާފައެވެ.
ކޯވިޑްގެ ސަބަބުން އާމުންނާއި ހަމައަށް ނުގެނެވި އޮތް މި ފިލްމް އެންމެ ފުރަތަމަ ތާވަލު ކޮށްފައި އޮތީ މިދިއަ އަހަރު ރިލީޒްކުރުމަށެވެ.
"ބަންޓީ އޯރ ބަބްލީ"ގެ ލީޑުން ފެނިގެންދިޔަ ރާނީ މުކަރްޖީ އާއި ސައިފް އަލީ ޚާން މި ފިލްމުގެ ދެވަނަ ބައިންވެސް ފެނިގެން ދާނެއެވެ. މީގެ އިތުރުން ފިލްމުގެ ލީޑުން ފެނިގެންދާނީ ޒުވާން ދެތަރިން ކަމުގައިވާ ސިދާންތު ޗަތުރުވެދީ އާއި ޝަރްވަރީ ވާގްއެވެ.
"ބަންޓީ އޯރ ބަބްލީ-2″ އަކީ ރާނީ އާއި ސައިފް އެކުގައި ގިނަދުވަސް ތަކަކަށްފަހު ފެނިގެން ދާ ފިލްމެކެވެ. މީގެ ކުރިން މި ދެތަރިން ވަނީ އެކުގައި ތިން ފިލްމަކުން ފެނިގެން ގޮސްފައެވެ.
"ބަންޓީ އޯރް ބަބްލީ" އަކީ ރާނީގެ ފިރިމީހާ އަދިތިޔާ ޗޯޕްޅާގެ ފިލްމު ކުންފުނި ޔާޝްރާޖް ފިލްމްސް (ވައިއާރްއެފް) ގެ ފިލްމުތަކެވެ.
ރާނީ އެންމެ ފަހުން ފެނިގެން ގޮސްފައިވަނީ 2019 ވަނަ އަހަރު "މަރުދާނީ 2″ އިންނެވެ. އަދި ސައިފް އެންމެ ފަހުން ފެނިގެން ދިއައީ މިދިޔަ މަހުގެ 10 ވަނަ ދުވަހު ރިލީޒް ކުރި "ބޫތުޕޮލިސް" އިންނެވެ.
ކޮމެންޓު ފޮނުވާ