އދ.ހަންޏާމީދޫއަށް ކަރަންޓުގެ ޚިދުމަތް ފޯރުކޮށް ދިނުމަށްޓަކައި އިތުރު ޖަނަރޭޓަރެއް ސްޓެލްކޯއިން އެރަށަށް ގެންގޮސްފިއެވެ.
ސްޓޭލްކޯއިން ބުނެފައިވަނީ ހަންޏާމީދޫގެ ކަރަންޓުގެ ކެޕޭސިޓީ އިތުރު ކުރުމަށްޓަކައި 300kVA ގެ މުޅިން އައު ޖަަނަރޭޓަރު ސެޓެއް މިހާރު ވަނީ އެރަށަށް ގެންދެވިފައި ކަމަށެވެ، މި ޖަނަރޭޓަރު ސެޓަކީ ސްޓެލްކޯގެ ވޯކްޝޮޕްއިން އެންމެ ފުރަތަމަ އެސެމްބަލް ކުރި ސްޓެވޯ ބްރޭންޑްގެ STW300 މޮޑެލްގެ ޖަނަރޭޓަރު ސެޓެއް ކަމަށް ސްޓެލްކޯއިން މައުލޫމާތު ދެއެވެ.
އދ. ހަންޏާމީދޫގެ ކަރަންޓުގެ ކެޕޭސިޓީ އިތުރު ކުރުމަށްޓަކައި 300kVA ގެ މުޅިން އައު ޖަަނަރޭޓަރު ސެޓެއް މިހާރު ވަނީ އެރަށަށް ގެންދެވިފައި. މި ޖަނަރޭޓަރު ސެޓަކީ ސްޓެލްކޯގެ ވޯކްޝޮޕްއިން އެންމެ ފުރަތަމަ އެސެމްބަލް ކުރި ސްޓެވޯ ބްރޭންޑްގެ STW300 މޮޑެލްގެ ޖަނަރޭޓަރު ސެޓެއް. pic.twitter.com/P1F1GaYDiF
— STELCO (@STELCOMALDIVES) October 22, 2021
މި އައު ޖަނަރޭޓަރު ސެޓާއެކު ހަންޏާމީދޫގައި މިކުންފުނިން ދެމުންގެންދާ ކަރަންޓުގެ ހިދުމަތް އިތުރަށް ފުރިހަމަ ކުރެވި ރައްޔިތުންނަށް އެކަމުގެ ފަސޭހަތައް ލިބިގެންދާނެކަމަށް ސްޓެލްކޯއިން ވަނީ ބުނެފައެވެ.
ސްޓެލްކޯއިން ދަނީ އެކުންފުނީގެ ޚިދުމަތްދޭ ރަށްތަކުގެ ރައްޔިތުންނަށް ކަރަންޓުގެ ޚިދުމަތް ދަތިކަމެއްނެތި ލިބޭނެ އިންތިޒާމު ހަމަޖައްސަމުންނެވެ.
