އިސްލާމީ ސިޔާސީ ޙަރަކާތުގެ ލީޑަރެއްގެ ގޮތުގައި މުސްތަފާބެ ހުރެގެން މޭޑޭގެ ނަމުގައި ބޮޑު މުޒާހަރާއެއް މާލޭގައި ކުރިއެވެ.
ގިނަބަޔަކު ދެކުނީ އެއީ އެއިރުއޮތް ސަރުކާރާ ދެކޮޅަށް މުސްތަފާބެ އިސްނަގައިގެން ބޭއްވި އެމުޒާހަރާއެއްގެ ގޮތުގައެވެ. ދެކޮޅު ނުޖެހޭ އެތައް ވާހަކަތަކެއް ރައްޔިތުންގެ ކުރިމަތީގައި މުސްތަފާބެ ގޮވަމުން އިއްވަމުން ގެންދިޔައެވެ. ގައުމު ފަސާދަ ކުރުމުގެ ވާހަކަތަކާއި އެއިރު ހުރި ރާއްޖޭގެ ވެރިމީހާގެ އަބުރުކަތިލަމުން މީހެއްގެ މަރުގެ ތުހުމަތު އަޅުވަމުން "މިހުރީ ހެއްކޭ" ގޮވަމުން އަހަރެމެންނަކީ، މި ބިންމަތީގައި ޙައްޤު އަދާކުރާނެ މީހުން ކަމާއި، އިންސާފު ހޯދައިދޭނެ ކަމަށް ހަޅޭލަވަމުން ދެމައިކް އެއްކޮށްލައިގެން ދެއްކި ގިނަ ވާހަކަތައް މުސްތަފާބޭގެ ހަނދާނުގައި ހުންނާނެ ކަމަށް އުއްމީދުކުރަމެވެ. މިގައުމުގެ ފަސްގަނޑަށް އޮހޮރިގެން ދިޔަ މައުސޫމް ލޭގެ ހައްގު ހޯދައިދޭނެ ކަމަށް އެމުޒާހަރާގައި ގޮވަމުން އިއްވަމުން މުސްތަފާބެ ގެންދިޔައެވެ. އެދުވަހު މުސްތަފާބެދިން އިންޒާރުތަކުން މައުސޫމް އެތައް ރައްޔިތަކަށް އަނިޔާލިބި އެތައްބަޔަކު ހުރަގެއަށް ވަންނަން ޖެހުނުކަން މުސްތަފާބެއަށް އެގޭނެއެވެ.
މުސްތަފާބެއެވެ. މިއަދު މުސްތަފާބެ ތިޔަހުރީ މުސްތަފާބެ ބޭނުންވި މަގާމުގައި ނޫންތޯއެވެ. މިހާރު ތިޔަހުންނެވި މަގާމަކީ ހައްގު ހޯދައިދެވޭ ފެންވަރުގެ މަގާމެއް ނޫންތޯއެވެ. ތަހުގީގު ކުރިއަށް ނުގޮސް ހުއްޓިފައި ހުރި މައްސަލަތައް ކުރިއަށް ގެންދެވޭނެ މަގާމެއްގައި މިއަދު ތިޔަ ހުންނެވީ މުސްތަފާބެ ނޫންތޯއެވެ. ދަޢުވާކުރަން ނުފޮނުވާ ކަބަޑަށް ލާފައިވާ މައްސަލައެއްނަމަ ދަޢުވާކުރަން ފޮނުވޭ ފެންވަރުގެ މަގާމެއްގައި މިއަދު ތިޔަ ހުންނެވީވެސް ހަމަ މުސްތަފާބެ ނޫންތޯއެވެ.
މުސްތަފާބޭ އިއްޔެ ބުނެ އިއްވި ބަހުގެ އިތުބާރު މިއަދު ކޮބައިތޯވެ؟ ނިކަމެތި ރައްޔިތު މީހާގެ ހައްގު ހޯއްދަވައި ދެއްވާނެކަމަށް ވިދާޅުވެ މުސްތަފާބޭ ވީ އަހުދާއު ވައުދުތައް "ވައުދާ ހުވާ ކުރާނެއޭ، އެހަނދާން ނެތޭނެއޭ" ބުނާ ބީދައިން މިއަދު ކޮބައިތޯއެވެ؟ އެހެންވީމާ ރައްޔިތުންނަށް މުސްތަފާބެ ސިފަކުރެވެނީ، ބަހާ ޢަމަލު ދިމާނުވާ ސަޅިބައިސާ އެއްގެ ގޮތުގައެވެ. އެއްވެސް ބުރަދަނެއްނެތް ހުސްވާހަކަތަކެއް ދައްކަމުންދާ ލީޑަރެއްގެ ގޮތުގައިނޫންތޯއެވެ. އަދި ސަރާސަރު ދިގަށް އޮތް މަގެއްގެ ހުރަހަށް ބިތަށް ތެޅެމުންދާ ލީޑަރެއްގެ ގޮތުގައި ނޫންތޯއެވެ. މުސްތަފާބެއަށް ބޮޑުމަގާމާއި އާރާބާރު ލިބުމުން ރައްޔިތުންގެ ލޯތަކުން އޮހެރެމުންދާ ކަރުނަތައް ފުހެލައެއް ނުދެވުނުތާއެވެ. ރައްޔިތުންގެ އިހްސާސްތަކެއް ނުވެސް އެގުނު ނޫންހެއްޔެވެ. ރައްޔިތުންގެ ހިތްތަކަށް ތަސައްލީއެއް ނުގެނެސްދެވުނެވެ. ރައްޔިތުންނަށްވީ ވަޢުދެއް ނުފުއްދުނެވެ. މުސްތަފާބެ ބައިވެރިވާ ކޮންމެ ބަދައްލަވުމެއްގައިވެސް އަދި ކޮންމެ މުޒާހަރާއެއްގައިވެސް އަޑަށް ބާރުލާފައި "ރައްޔިތުން ތައްޔާރުތޯ" "ރައްޔިތުން ތައްޔާރުތޯ" އަޑުގެ ނެތްކޮޅަށް ގޮވާނެއެވެ. އެކަމަކު ކަމަކާ ޖެހުނީމުން ހޮރަށްވަދެ ފިލަނީއެވެ. މުސްތަފާބެއެކޭ ނޫ ލަނޑައެކޭ ތަފާތެއް ނެތެއްނުންތޯއެވެ.
އެދުވަހަކީ، މާލޭގެ މަގުތައް މުސްތަފާބެ ކުޑަކުރި ދުވަސްނޫންތޯއެވެ. ރައްޔިތުންގެ ސަލާމަތާ ރައްކާތެރިކަމަށް ޓަކައި އުފައްދާފައިވާ ރާއްޖޭގެ ސަލާމަތީ ބާރުތަކާ ކުރިމަތިލި ދުވަސްނޫންތޯއެވެ. މުސްތަފާބޭގެ ހަނދާނުގައި އެދުވަސް މިހާރު އެބަހުރިތޯއެވެ. މުސްތަފާބޭގެ ސަބަބުން އެދުވަހު ސަލާމަތީ ބާރުތަކަށް ލިބުނު ގެއްލުންތަކާއި، ދިވެހި ދަރިންނަށް ލިބިގެންދިޔަ އަނިޔާތައް ހިތަކަށް ނުގެނެވޭތޯއެވެ. މުސްތަފާބޭ ތެޅިގަންނަ ގޮތުން ހީވަނީ މުޅި ދުނިޔެ ޞުލްޙަކުރުމަށް އައިސް ހުރި ލީޑަރެއް ހެންނެވެ.
މުސްތަފާބޭއެވެ. މުސްތަފާބޭ މިހާރު ތިޔަހުރި މަގާމުގެ ހައިސިއްޔަތަށް ބަލާއިރު، މުސްތަފާބެ މިހާރު ތިޔައުޅޭ ގަނޑުވަރުތެރެއާ ނުގުޅޭ ވަރަށް އެހެންކަހަލަ މަންޒަރުތައް ފެންނަވާހަކައާއި، އަޑުތައް ރަށުތެރެއިން އިވެމުންދާ ވާހަކަ މުސްތަފާބެ އަޑު ނާހަމު ތޯއެވެ. މުސްތަފާބެ ދޭތެރެއަކުން ކޮންމެވެސް އަންހެން ކަނބަލަކަށް ރަތް ގަމީހެއް ދައްކައި ހައްލުވަމުންދާ ވާހަކައިގެއަޑު ފެތުރިގެންގޮސްފައި ނުވޭތޯއެވެ. އެއީ ގިނަބަޔަކު ދައްކާ، ބޮޑު، ސިއްރު ވާހަކައެއް ނޫންތޯއެވެ. އަދި ދޭތެރެއަކުން ކޮންމެވެސް އަންހެން ކަނބަލެއްގެ ފޯން ކޯލެއްގެ އަޑުވެސް ފެތުރިގެންދެއެވެ. މުސްތަފާބެ ނިސްބަތްވާ ޕާޓީ ގައި އުޅޭ ބައެއް ކަނބަލުންނާއެކު ހިތްއުފާ ކޮށްލުމުގެ ގޮތުން ހީސަމާސާ ކުރުމާއި، ގިލިގިލި ކޮށްޓުމާއި، އުކުޅުވަޅުގައި ތެޔޮވެށުން ފަދަ ކަންކަމުގެ ވާހަކަ ކޮންމެވެސް ވަރަކަށް މި މުޖްތަމައުގެ ތެރޭގައި ދައްކަމުންދާކަން އެގި ނުލައްވާތޯއެވެ.
މިކަން ކަމުގައި މުސްތަފާބޭގެ ބަހަކީ ކޮބައިތޯއެވެ. މިކަންކަމުން ރައްކާތެރިވާކަށް ނުވޭތޯއެވެ. އަދުގެ މުޖްތަމައަކީ މިފަދަ ކަންކަމަށް ސަމާލުކަންދީފައިވާ މުޖްތަމައެއްކަށް މުސްތަފާބެއަށް އެނގި ނުލައްވަނީތޯއެވެ. އެކަން އެގޮތަށް ހިގަމުންދާނަމަ މިފަދަ ކަންކަމަކީ، މުސްތަފާބެ ނިސްބަތްވާ ޕާޓީއާއި އަދި ޕާޓީގެ ނަމާނުގުޅޭ ކަންތައްތަކެއް ނޫންތޯއެވެ. މިފަދަ ކަންކަމަކީ އިސްލާމީ ރިވެތި އުސޫލުތަކާ ޚިލާފު ކަންކަމުގެ އިތުރުން މުޖްތަމަޢު ބަލައި ނުގަންނާނެ ކަންތައްތައްކަން މުސްތަފާބެއަށް އެގިނުލައްވާ ތޯއެވެ. މިކަންކަމުގެ ސަބަބުން މުސްތަފާބެއާ މެދު ހިތްހަމަނުޖެހޭ މީހުން އިތުރުވަމުން ނުދާނެތޯއެވެ. މުސްތަފާބެ އަބަދުމެ ތިޔަހެން އުޅުއްވުމުގެ ބަދަލުގައި މީހުން އިތުރުބާރުކުރާ އިހްތިރާމްކުރާ ގަދަރުކުރާ އަދި މުޖްތަމަޢު ގަބޫލުކުރާ ބަސްއަހާ މުސްތަފާބެއަކަށް ވާކަށްނުވޭތޯއެވެ.
މުސްތަފާބޭއެވެ. މުސްތަފާބޭގެ ފަރާތުން ބައެއް މީސްމީހުނަށްލިބޭ ކުދިކުދި ގޯނާގެ ވާހަކަ އަޑުއަހަމެވެ. ކުދި ލުނބޯ ކައްޓާއި، ބެރެބެދި ކަށީގެ މަސާޖު ކުރުންފަދަ ކަންކަމަކީ، މީހުންލައްވާ މުސްތަފާބެ ކުރާ ކަންތައްތައް ހެއްޔެވެ؟ މިހުންނަނީ، މުޖްތަމަޢުގައި މުސްތަފާބެ ކަހަލަ މީހަކަށް ބަލާއިރު، ލަނދު ހުތުރުކަންބޮޑު ވެގެންވާ ކަންތައްތަކެއް ނޫންތޯއެވެ. މުސްތަފާބެ ކިޔަވަން އުޅުނު ތޯރާ ބޯރާގައިވެސް ނުހިގާ ކަންކަން މިހާރު ހިގަނީ ކީއްވޭގެންތޯ މުސްތަފާބެއާ ސުވާލު ކުރަންޖެހޭ ނޫންތޯއެވެ. މުސްތަފާބެ ފަހަތުން ކޮންމެވެސް ކަމަކާ އަންހެނަކު ހިތްހަމަނުޖެހިގެން އުޅުނުކަން ނޫސްތަކުން ފެނުނެވެ. އޭނާ މުސްތަފާބޭ ފަހަތުން މަގުމަތިން ދުވާތަން ފެނުނެވެ. އެއީ މުސްތަފާބޭގެ ކޮންކަހަލަ ޢަމަލެއްގެ ސަބަބުން ދިމާވި ކަމެއްތޯއެވެ. މުސްތަފާބެއަކީ ރާއްޖޭގެ އެތެރޭގެ ކަންކަން ހަވާލުވެ ހުންނަވާ އެންމެ އިސްލީޑަރު ނޫންތޯއެވެ. ދާދި މިދާކަށްދުވަހު މުސްތަފާބެ ކިބައިން ބައެއް ބާރުތައް ނަގައި، އަނެއްކާ އެބާރުތައް އަލުން ރުޖޫޢަ ކުރިކަން ޚަބަރު ތަކުންނާއި، ނޫސްތަކުން ފެނިފައިވެއެވެ. އެއީ ކިހިނެއްވާ ކަމެއްތޯއެވެ. ހަމަ އޮޅުން ނުފިލަނީތޯއެވެ. ނޫންނަމަ ވާނުވާ ނޭގެނީތޯއެވެ. މިއޮއްފަދަ ޒަމާނުގައި ލަދުން ދެފައި ގާތްކޮށްލެވޭވަރު ނުވޭތޯއެވެ. އަނެއްކާ ބާރެއް ގެއްލޭއިރަށް މުސްތަފާބެ ދަންނަ ކިޔެވެއްޔަކުން އަބުރާ އަލުން އެބާރުތައް ހޯދަނީތޯއެވެ.
މުސްތަފާބޭ މުޒާހަރާ ކުރުމުގެ ބޭނުމަކީ މުސްތަފާބޭގެ ހައިބަތު ރައްޔިތުންގެ ކުރިމަތީގައި ބޮޑުކުރަންކަން ރައްޔިތުން ގަބޫލުކުރެއެވެ. ޢިއްޒަތް ދަމަހައްޓަކަން އެގެއެވެ. ސިޔާސީ ކޮންމެވެސް މަންފާއެއް ނާޖާއިޒުގޮތެއްގައި ނަގަންވެގެންކަންވެސް މިހާރު ރައްޔިތުން ދަނެގެންފިއެވެ.
މޭޑޭއަކީވެސް މިކަހަލަ ގޮތަކަށް ރޭވިގެން އައި ކަމެއް ނޫންތޯއެވެ. އެއްވެސް ސަރުކާރެއްގެ ދައުރު ހަމަވަންދެން މުސްތަފާބެއަކަށް ކެތެއް ނުކުރެވެއެވެ. އެއީ ކިހިނެއްާ ކަމެއްތޯއެވެ. ކޮންމެވެސް ކަމެއް ނަގައިގެން މަގުމައްޗަށް މީހުން ނެރެނީއެވެ. މީދެން ތަންކޮޅެއް ބޮޑުވަރު ކަމުގައި މުސްތަފާބެއަށް ހަމަ ނުވިސްނެނީ ހެއްޔެވެ. ކޮންމެ ސަރުކާރަކާ ދިމާއަށް މުސްތަފާބޭގެ ކަތިނަޒަރު ހުއްޓަމުން ގެންދެއެވެ. އެގޮތުން ބަލާއިރު، ކޮންމެ ސަރުކާރެއްވެސް ހިގަންޖެހޭނީ މުސްތަފާބެ ރުހޭ ގޮތަށާއި، ހިތްއެދޭ ގޮތަށެވެ. މުސްތަފާބެއަށް ލާބަޔާއި މަންފާ ހުދޫދެއްނެތި ލިބޭގޮތަކަށެވެ. އާރާއި ބާރާއި، ޢިޒަތްތާއި ލައްޒަތާއި، ޝާނާ ޝައުޤަތު އޭގެ އެންމެ މައްޗަށް ލިބެންޖެހޭ ގޮތަށެވެ.
މުސްތަފާބެ އަބަދުވެސް އޮންނަންޖެހޭ ކަމަށް ގަބޫލުކުރަނީ ފިނިފެންމަލުގެ ދާނެއްގެ މަތީގައެވެ. މުސަތްފާބޭގެ މަސައްކަތުން ފިނިފެންމަލުގެ ދާންވެސް ތިޔަހޯއްދަވަނީ ނޫންތޯއެވެ. މަތީ މަގާމްތައްވެސް ތިޔަ ދެއްވަނީ ނޫންތޯއެވެ. އެއީ ނުފޫޒު ނޫންތޯއެވެ.
މުސްތަފާބެއެވެ. ކުރިން މުސްތަފާބެ ފެނުނީމާ ހީލާ އުޅުނުހާ އެކުވެރިންތައް މިހާރު ކޮބައިތޯއެވެ. އެކުވެރިން ލޮލުކޮޅަށް ފެންނަ ހިސާބުގައި އެބަތިބިތޯއެވެ. އެކުވެރިންނާ ރަޙްމަތްތެރިން މުސްތަފާބެ ދޫކޮށްފައި ދަނީ ސަބަބުތަކަކާ އެކުގައިކަން މުސްތަފާބެއަށް ނޭގެނީތޯއެވެ. މުސްތަފާބެއާ ވަކިވާ ފަރާތްތަކުން ދައްކާ ވާހަކަތަކާއި ދައްކާ ޕްރޫފްތަކަކީ، ހަގީގަތް ނޫންތޯއެވެ. އެކަމާ މުސްތަފާބެވެސް އެއްބަސްވަމެއްނޫންތޯއެވެ. މުސްތަފާބެއެވެ. މުސްތަފާބޭ މިހާރު ތުޔަހުރީ، މުސްތަފާބެ ބޭނުންވާ ގެއަކަށް ކުއްލިއަކަށް ދަނޑިއަލުވި ބޯކިބަލެއް ފޮނުވާލަންޖެހުނަސް ސައިރަން އަޅާފައި އެތަނަކަށް އެއެއްޗެއް ފޮނުވާލެވޭ ވަރުގެ މަގާމެއްގައިނޫންތޯއެވެ. މުސްތަފާބެއެވެ. އެވެރިން އެ ދައްކަނީ ކޮން ފަހަރިއެއްގެ ފާހަކަ ތޯއެވެ.
މުސްތަފާބެއަކީ ހައްޖު ރޯދައާއި، ޢީދު ރޯދާގެ ދުވަސްދުތަކުގައިވެސް ބަކަރި ނޮޅާ ބިރިޔާނި ދޮލަނގު ތައްޔާރުކޮށް، ގުޅަވަށައިގެން ފަރިއްކުޅުވުމަށް ލޯބިކުރައްވާ ލީޑަރެއް ނޫންތޯއެވެ. މުސްތަފާބޭގެ ކިބައިގައި ދިވެހި މުޖްތަމަޢާ ނުގުޅޭ ސިފަތާކައި، އާދަތައް ދަނީ އަށަގަންނަމުން ނޫންތޯއެވެ. މިކަންކަމާ މުސްތަފާ އެކަހެރިވާކަށް ނުވޭތޯއެވެ.
2008 ވަނަ އަހަރުގެ ރިޔާސީ އިންތިހާބުގައި ބޮޑުސޭޓް ދިން ބޮޑު ހަދިޔާއަށް ވީގޮތެއް އަދި އަދަދަށް ދާންދެންވެސް ކައިރީގައި އުޅުނު ޕާޓީގެ ކުދިންކޮޅަށްވެސް ނޭގެއެވެ. އެކުދިންތިބީ މުސްތަފާބެއާ ދިމާއަށް މޫނު ކުނިކޮށް ތުންދަމައިގެން ނޫންތޯއެވެ. މުސްތަފާބެއާ އެކުގައިއުޅެ ވަކިވެގެންދިޔަ މީހުންނަށް އެންމެ ކުޑަމިނުން މުންޑެއްގެ މިންވަރުވެސް ހަދިޔާއަކަށް ދިއްކޮށް ނުލެވުނު ނޫންތޯއެވެ. މިއީ، ދެރަވަރުކަންތަކެވެ.
މުސްތަފާބެއަކީ ބަޔަކު ބުރަ މަސައްކަތުން ދަނޑު ހެއްދުމަށް ފަސްގަނޑު އެއްވަރުކޮށް، ފަސްގަނޑަށް ކާނާއަޅާއި ގޮވާން އުކައި ގަސްތައްރުވާ ގަސްހެދި މޭވާއަޅާ ދޮންވެ ފައްކާވުމުން މޭވާ ބިންނަން ދާ ލީޑަރެއް ނޫންތޯއެވެ. މީއަޅެފަހެ ދޮގެއްތޯއެވެ.
