އެމްޑީޕީގެ މާލެ ދާއިރާގެ ކެންޑިޑޭޓުންނާއި، މަޖިލިސް މެމްބަރުންނާއި ރައީސް ނަޝީދު ބައްދަލުކުރައްވައިފިއެވެ.
އެމްޑީޕީގެ އޮފީހުގައި މިރޭ ކުރިއަށްދާ މިބައްދަލުވުމުގައި ރައީސް ނަޝީދުވަނީ ކުރިއަށް އޮތް ކައުންސިލް އިންތިޚާބުގައި ޕާޓީގެ ޓިކެޓްގައި ވާދަކުރައްވާ ކެންޑިޑޭޓުންނާއި، މަޝްވަރާކުރައްވާފައެވެ. ޕާޓީ ނިޒާމު އުފެދުނު ފަހުންވެސް މާލޭގެ މެޖޯރިޓީ އަބަދުވެސް ނަގަމުންދާ އެމްޑީޕީއަށް ކުރިއަށް އޮތް ކައުންސިލް އިންތިޚާބުގައި ގޮންޖެހުންތަކެއް ކުރިމަތިވާނެކަމަށް އެޕާޓީވެސް ގަބޫލުކުރެއެވެ.
Male’ Cityge Dhaaira Raeesunaa, Candidattunaa adhi Majlis Memberunaa Partyge Raees, Raees @MohamedNasheed aai @MDPSecretariat ge faraathun badhdhalu kurevvun pic.twitter.com/jAWHFYk6P1
— MDP Secretariat (@MDPSecretariat) November 1, 2020
އެމްޑީޕީގެ ރައީސް ނަޝީދު ދާދިފަހުން ބޭއްވި އެޕާޓީގެ ޤައުމީ މަޖިލީހުގައިވެސް ވަނީ ކުރިއަށް އޮތް ލޯކަލް ކައުންސިލް އިންތިޚާބު އެޕާޓީއަށް އުދަނގޫވާނެކަމަށް ވިދާޅުވެފައެވެ. ކޯވިޑް-19 ގެ ސަބަބުންނާއި، އަދި ދިމާވެފައިވާ އިޤްތިޞާދީ ގޮންޖެހުންތަކާއި ގުޅިގެން ސަރުކާރުގައިވެސް މިވަގުތު އޮތީ އެމްޑީޕީއަށް ވުމުން ގޮންޖެހުންތަކާއި ކުރިމަތިވާނެކަމަށް ރައީސް ނަޝީދު ވަނީ ވިދާޅުވެފައެވެ.
