"365 ޑޭސް"ގެ އެކްޓަރު މިކޭލް މެރޮނީ އާއި ޖެކޮލިން ފެރްނާންޑޭޒް އެކުގައި ޕްރޮޖެކްޓެއްގެ މަސައްކަތް ފަށައިފިއެވެ.

ނެޓްފްލިކްސް އިން ގެނެސް ދިން "365 ޑޭސް" އަށް ގިނަ ބައެއްގެ ސަމާލުކަން ހުޓުނު އިރު އިޓަލީގެ ބަތަލު މިކޭލްގެ ރީތިކަމުގެ ޖާދޫގައި ގިނަ ބަޔަކު ފިދާވިއެވެ.

 

View this post on Instagram

 

A post shared by Michele Morrone (@iammichelemorroneofficial)

ދުބާއީގައި މިދެތަރިން އެކުގައި ކުރިއަށް ގެންދިޔަ ފޮޓޯ ޝޫޓްއެއްގެ ތެރެއިން ނަގާފައިވާ ވީޑިއޯކޮޅެއް ޖެކޮލިންގެ ފޭނެއްގެ އިންސްޓަގްރާމް އެކައުންޓުން ވަނީ ޕޯސްޓް ކޮށްފައެވެ. ދެތިން ސިކުންތުގެ މި ވީޑީއޯ ކޮޅުގައި އެދެމީހުން ފޮޓޯއަށް ޕޯސް ދެމުންދާ މަންޒަރު ފެނެއެވެ.

 

View this post on Instagram

 

A post shared by jacquelegend ???????? (fan page) (@jacquelinef_alina)

މިކޭލް މީގެ ކުރިން ވަނީ ބޮލީވުޑްގައި މަސައްކަތް ކުރުމަށް ޝައުގު ވެރިވާ ކަމަށް އިންޓަވިއުއެއްގައި ބުނެފައެވެ. ޕިންކްވިލާއަށް ދިން އިންޓަވިއުގައި އޭނާ ބުނީ ހިތްހަމަ ޖެހޭކަލަ ޕްރޮޖެކްޓެއް ލިބިއްޖެ ނަމަ ބޮލީވުޑްގައި މަސައްކަތް ކުރުމަށް ތައްޔާރަށް ހުރިކަމަށެވެ.

ޖެކޮލިން އާއި މިކޭލްގެ މި ޕްރޮޖެކްޓާއި ބެހޭގޮތުން މާބޮޑު ތަފްސީލެއް ހާމަ ކޮށްފައެއް ނުވެއެވެ.

ޖެކޮލިން އެންމެ ފަހުން ފެނިގެން ގޮސްފައިވަނީ ސައިފް އަލީ ޚާނާއި އަރުޖުން ކަޕޫރާއެކު "ބޫތު ޕޮލިސް" އިންނެވެ.