އެމްއާރުއެމްގެ އައު ލީޑާޝިޕަށް މަރުޙަބާ ވިދާޅުވެ މެންބަރު ސައުދު ޙުސައިން ވިދާޅުވީ، މިހާތަނަށް އެންމެ ގިނަ ސިޔާސީ ޕާޓީތައް އުފައްދައި، ރާއްހެ މިއަދު މިދެކޭ ސިޔާސޫ ހެޔޮ ބަދަލުތަކާއިއެކު ޤައުމު ބިނާކުރުމުގައި އެންމެ މުހިންމު ދައުރެއް އަދާކުރެއްވި އެއް ލީޑަރަކީ ރައީސް މައުމޫން ޢަބްދުލްޤައްޔޫމް ކަމަށެވެ. ރައީސް މައުމޫންގެ އަގުހުރި ޚިދުމަތަށް އަބަދުވެސް ޝުކުރު ޙައްޤުކަމަށްވެސް ސަޢުދު ވިދާޅުވިއެވެ.
MRM ge aa leadershipah maruhaba, mihaathanah enme gina siyāsy party thah ufadhā, rajje miadh midhekey siyaasee heyo badhalu thakai eku gaumu binaa kurumuga enme muhinmu dhaureh adhaa kurevvi eh leader aky Raees @maumoonagayoom. RM ge agu huri khidhumathah abadhuves shukuru haggu. https://t.co/NGyakifR4Q
— Saud Hussain MP (@SaudVillingili) October 4, 2021
މިދިޔަ ހޮނިހިރު ދުވަހު ބޭއްވި އެމްއާރުއެމް ކޮންގްރެސްގައި ވަނީ އެޕާޓީގެ ލީޑާޝިޕަށް މެންބަރުން އިންތިޚާބުކޮށްފައެވެ. އެގޮތުން އެމްއާރުއެމްގެ ޒަޢީމަކަށް ހޮވިވަޑައިގެންފައިވަނީ ރައީސް މައުމޫންނެވެ. އެ މަޤާމަށް ކުރިމަތިލެއްވީވެސް އެމަނިކުފާނު އެކަންޏެވެ.
ރައީސް މައުމޫން އިސްވެ އެންމެ ފުރަތަމަ އުފެއްދެބީ ދިވެހި ރައްޔިތުންގެ ޕާޓީ (ޑީއާރުޕީ)އެވެ. އެޕާޓީގެ ތެރޭގައި ޚިޔާލުތަފާތުވުން އުފެދި ޕާޓީ ދެބައިވެ، ދެން އުފެއްދެވީ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އެވެ. ނަމަވެސް އޭޕާޓީގެ ތެރޭގައި ރައީސް މައުމޫނާއި ރައީސް ޔާމީންގެ ދެމެދުގައި ޚިޔާލު ތަފާތުވުން އުފެދި ރައީސް މައުމޫން އެޕާޓިން ދުރުކުރެއްވިއެވެ.
އެއަށްފަހު ރައީސް މައުމޫން އުފެއްދެވީ މޯލްޑިވްސް ރިފޯމް މޫވްމަންޓް (އެމްއާރުއެމް)އެވެ. މިހާރު އެމްއާރުއެމް އަކީ މިސަރުކާރު ކޯލިޝަންގެ ބައިވެރިއެކެވެ.
