މިއަދު ހެނދުނު ހިނގި ހާދިސާގައި ސަފާރީ އަޑިއަށްގޮސް، ސަފާރީގެ ބައިތައް އޮޔާދާތީ ސަމާލުވުމަށް އިލްތިމާސްކޮށްފިއެވެ.
މިއަދު ހެނދުނު މިހާދިސާގައި އެ ސަފާރީގެ 41 އެއް އަހަރުގެ ބިދޭސީ ފަޅުވެރިއަކު ވަނީ މަރުވެފައެވެ. ހާލުދެރަވި މީހުންގެ ތެރެއިން 6 މީހަކު އައިޖީއެމްއެޗަށް ގެންގޮސް މިހާރުދަނީ ފަރުވާ ދެމުންނެވެ. މިއަދު ހެނދުނު ބޮލިފުށި ކައިރިން 17 މީހުންނާއެކު މާލެއަށް ދަތުރުކުރަމުންދިޔަ "ހޭންޑީ ކުރޫޒަރ" ސަފާރީއެއް ވަނީ ކަނޑުގަދަވުމުގެ ސަބަބުން ދިޔަވެ އަޑިއަށް ގޮސްފައެވެ. އެމްއެންޑީއެފުން ވިދާޅުވީ މިހާދިސާގައި އެސަފާރީން ދަތުރުކުރި އެންމެން މިހާރު މާލެ ގެނެސްފައިވާކަމަށެވެ.
އެމްއެންޑީއެފުން ވިދާޅުވީ އެޙާދިސާގެ މައުލޫމާތު އެމްއެންޑީއެފްއަށް ލިބިފައިވަނީ ހެނދުނު 8:39 ހާއިރުކަމަށެވެ. ރާއްޖެއަށް މިހާރު ކުރަމުންދާ ވިއްސާރައިގައި ވައިގަދަވެ ކަނޑުތައް ގަދަވަނެތީ ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް މުސުބާ ބެހޭ ޤައުމީ އިދާރައިން ވަނީ އިލްތިމާސްކުރައްވާފައެވެ.
