އެމްޑީޕީގެ ގާއުމީ މަޖިލީހުގެ މާލެ ދާއިރަގެ ރައީސްކަން މާލެ ސިޓިގެ ކުރީގެ މޭޔަރު ސިފާ މުހައްމަދު ކާމިޔާބުކޮށްފިކަން ވަގުތީ ނަތީޖާއިން ދައްކައިފިއެވެ.

މާލޭގެ މަރުކަޒުތަކުގައި ބެހެއްޓި ވޯޓު ފޮށިތަކުގ ެތެރެއިން މިހާތަނަށް ވަގުތީ ނަތީޖާ އިއުޅާންކުރި ވޯޓު ފޮށިތަކުގެ ނަތީޖާ ދައްކާގޮތުން ކުރީގައި އުޅެނީ ސިފާއެވެ. އޭނާ އިންތިޚާބުގައި ކުރީގައި އުޅުއްވަނީ އެހެން ކެނޑިޑޭޓުންނަށްވުރެ ބޮޑު ފަރަގަކާއެކުއެވެ. މާލެ ދާއިރާގެ ރައީސްކަމަށް ސިފާއާއި އެންމެ ވާދަވެރީ، ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީންއެވެ. އަކްރަމަކީ މިހާރުވެސް މާލެ ދާއިރާގެ ރައީސްއެވެ.

Barulamaanee Malé?

M. Henveyru
Total votes – 310
Baathil – 18
Munaz – 11
Shifa- 151
Akram – 130

G. Uthuru
Akram – 34
Shifa – 137

MG. Uthuru
Akram 90
Shifa Miss 146
Baathil 20

H. Hulhangu
Akram 35
Shifa 74
C. 3 07
Baathil 07

H. Uthuru
Baathil – 25
Akram- 88
Shifa – 116

— Nauty? (@nautymatox) September 25, 2021

އެމްޑީޕީގެ ބައެއް މެންބަރުން ފާހަގަކުރާގޮތުގައި އެމްޑީޕީ މާލެ ދާއިރާގެ ރައީސްކަމަށް އަކްރަމް ހުންނަވައިގެން އެއްވެސް ނަތިޖާއެއް ފެނިފައެއް ނުވެއެވެ. އަދި ފާއިތުވި ފަސް އަހަރު ތެރޭގައި ދާއިރާގައި އެއްވެސް ބައްދަލުވުމެއްވެސް ބާއްވާފައިނުވާކަމަށް ބައެއް މީހުން ބުނެފައިވެއެވެ.

އެމްޑީޕީގެ އެތެރޭގެ އިންތިޚާބުގެ ވާދަވެރިކަން ބޮޑުވެފައިވާއިރު، ރައީސް ނަޝީދު ފެކްޝަނާއި ރައީސް ޞާލިހްގެ ފެކްޝަންގެ މެދުގައި އަންނަނީ ބަހުގެ ހޫނު ހަމަލާތައް ރައްދުކުރަމުންނެވެ. ސިފާއަކީ ރައީސް ނަޝިދު ފެކްޝަންގެ ބޭފުޅެކެވެވެ. ސިފާ ވަނީ ރައީސް ނަޝިދުގެ އާއިލާއިން އެކަމަނާއަށް ތަޢީދުކުރާކަންވެސް ދާދިފަހުން ހާމަކުރައްވާފައެވެ.

އިންތިޚާބާއި ގުޅޭގޮތުން އަކްރަމް މިއަދު ވިދާޅުވެފައިވަނީ އިންތިޚާބުގެ ކަންކަން ކުރިއަށްދިޔައީ ވަރަށް ދޯދިޔާކޮށްކަމަށެވެ. އަދި އިންތިޒާމްތައް ވަރަށް ދަށްކަމަށް އޭނާ ވިދާޅުވެފައިވެއެވެ.

މިއަދު ހެނދުނު 9 ޖެހިއިރު ފެށި އެމްޑީޕީގެ އެތެރޭގެ އިންތިޚާބުގެ ނަތިޖާތައް ގިނަ ދާއިރާތަކުގައި މިހާރު ދަނީ އިއުލާންކުރަމުންނެވެ.