އިދިކޮޅު ޕީޕީއެމްއާއި ޒުވާނުން ގުޅެމުންދަނީ، އެޕާޓީ ތެރެއިން ޒުވާނުންނަށް ފަހި ފުރުސަތުތަކާއި، އުންމީދުތަކެއް އޮތުމުން ކަމުގައި ޕްރޮގްރެސިވް ޕާޓީން ބުނެފިއެވެ.
ޕްރޮގްރެސިވް ޕާޓީއަަށް ޒުވާނުންތަކެއް ގުޅުމާއި ގުޅިގެން މަރުހަބާ ކިޔައި އެޕާޓީން ކުރި ޓްވީޓެއްގައި ބުނެފައިވަނީ 18 އަހަރު ފުރުމާއިއެކު ޕީޕީއެމްއާއި ޒުވާނުން ގުޅެމުންދަނީ އުންމީދު އޮތުމުންކަމަށެވެ. ޕީޕީއެމްއަކީ ޒުވާނުން ބޭނުންވާ ކަންކަން ހާސިލް ކުރުމުގައިި، ފަހި ފުރުސަތުތަކެއް އޮތް ޒުވާނުންގެ އުންމީދު ތަކާއި ގުޅިފައިވާ ޕާޓީކަމަށް ވަނީ ބުނެފައެވެ.
18 އަަހަރު ފުރުމާއިއެކު ޕީޕީއެމްއަށް! ޒުވާނުން މިއަދު ޕީޕީއެމްއާއި ގުޅެމުންދަނީ މި ޕާޓީއަކީ ޒުވާނުންނަށް ފަހި ފުރުސަތުތަކެއް އޮތް، ޒުވާނުންގެ އުންމީދުތަކާއި ގުޅިފައިވާ ޕާޓީއަކަށްވާތީ.
– ޕީޕީއެމްއިން ބުނެފައިވެއެވެ.
18 aharu furumaaeku PPM ah!
Zuvaanun miadhu PPM aa gulhemundhany mi party akee zuvaanunnah fahi furusathu thakeh oi, zuvaanunge ummeedhu thakaa gulhifaivaa party kamugai vaathy. #MavesPPM pic.twitter.com/9jhcARRM2n— Progressive Party of Maldives (@ProgressPartyMV) September 24, 2021
މިއަދު ޒުވާނުންތަކެއް ޕީޕީއެމްއާއި ގުޅިފައިވާއިރު، އެޕާޓީއަށް ރާއްޖޭގެ އެކި ކަންކޮޅުތަކުން މެމްބަރުން އިތުރު ކުރުމަށް ޚާއްސަ ކެމްޕެއިނެއް މި ދޭތެރެއިން ހިންގާފަިއވާއެވެ. މި ކެމްޕެއިންގައި ގިނަ އަދަދެއްގެ ބަޔަކު ވަނީ އެޕާޓީއާއި އަލަށް ގުޅިފައެވެ. މިވަގުތު ރާއްޖޭގައި ހަރަކާތްތެރިވާ ސިޔާސީ ޕާޓީތަކުގެ ތެރެއިން ސަރުކާރު ޖަވާބު ދާރީކޮށް ޒިންމާދާރު ކުރުމަށް އޮތް ހަމައެކަނި އިދިކޮޅު ޕާޓީއަކީ ޕްރޮގްރެސިވް ކޮންގްރެސް ކޯލިޝަނެވެ.
އިދިކޮޅު ކޯލިޝަނުން ބުނެފައިވަނީ މެމްބަރުން އިތުރު ކުރުމުގެ ހަރަކާތްތައް އެޕާޓީން ނުހިންގި ކަމުގައި ވީނަމަވެސް އަމިއްލަ ޝައުގުވެރިކަމުގައިވެސް ގިނަ ބަޔަކު އެޕާޓީއާއި ގުޅެން ޝައުގުވެރިކަން ފާޅު ކުރާކަމަށެވެ. އަދި ކޮންމެ ބޭފުޅަކަށްވެސް އެފުރުސަތު ތަނަވަސް ވެފައިވާނެކަމަށް އެޕާޓީން ވަނީ ބުނެފައެވެ.
