ރާއްޖޭގައި މިހާތަނަށް ހިންގި އެންމެ ބޮޑު ޚިޔާނާތް ކަމުގައިވާ އެމްއެމްޕީއާރުސީގެ ޚިޔާނާތުގެ މައްސަލާގައި ބައިވެރިވެފައިވާ މީހުންނަށް އެމްޑީޕީގެ އެތެރޭގެ އިންތިޚާބުގައި ބައިވެރިނުވެވޭ ގޮތަށް ނިންމިނި ނިނިންމު ބަދަލުކުރި ކުރުމަކީ އެމްޑީޕީގެ އެތައް މެމްބަރަކު ހިތާމަކުރާ ކަމެއްކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވިދާޅުވެއްޖެއެވެ.

މިއަދު މަޖިލީހުގެ ޖަލްސާގައި ހެއްކާބެހޭ ބިލުގެ ބަހުސްގެ މަރުހަލާގައި ވާހަކަ ދައްކަވަމުން އިންތި ވިދާޅުވީ އެމްޑީޕީން އެޕާޓީގެ އެތެރޭގެ އިންތިޚާބުގައި އެމްއެމްޕީއާރުސީގެ ކޮރަޕްޝަންގައި ޝާމިލުވާ އެއްވެސް މީހަކަށް ބައިވެރި ނުވެވޭނެކަމަށް ނިންމި ނިންމުން ޖެހިގެން އައި ދުވަހު ބަދަލު ކުރުމަކީ ހިތާމަ ކުރާ ކަމެއްކަމަށެވެ. އަދި މިއީ އެމްޑީޕީން އެޕާޓީގެ އާންމު އެތައް މެމްބަރެއް ތާއީދުކުރި ނިންމުމެއް ފައިދަށު ލުންކަމަށް އޭނާ ވިދާޅުވިއެވެ.

އެމްޑީޕީންވަނީ އެޕާޓީގެ އެތެރޭގެ އިންތިޚާބުގައި އެސެޓް ރިކަވަރީ ކޮމިޝަނާއި، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަ ބަލާ ކޮމިޝަނުން ބަލާ މައްސަލައެއްގައި ތުހުމަތު ކުރެވޭ އެއްވެސް ބޭފުޅަކަށް ވާދަ ނުކުރެވޭނެކަމަށް ބުނެފައެވެ. މީގެ އިތުރުން އެމްއެމްޕީއާރްސީގެ ޚިޔާނާތާއި ގުޅިގެން އޭސީސީން ތައްޔާރުކޮށްފައިވާ ރިޕޯޓެއްގައި ފިޔަވަޅު އަޅައިދިނުމަށް އެދި އެކިއެކި މުއައްސަސާތަކަށް ނަން ފޮނުވާފައިވާ ފަރާތްތަކަށްވެސް ވާދަ ނުކުރެވޭނެ ކަމަށް ވަނީ ބުނެފައެވެ.

ހޮނިހިރު ދުވަހު ބޭއްވުމަށް ހަމަޖެހިފައިވާ، އެމްޑީޕީގެ އެތެރޭގެ އިންތިޚާބުގައި 733 ކެނޑިޑޭޓުން ވާދަކުރެއެވެ. މީގެ ތެރެއިން 165 ކެނޑިޑޭޓަކު ވަނީ ވޯޓަކާއި ނުލައި އިންތިޚާބު ވެފައެވެ. އެމްޑީޕީގެ އިންތިޚާބާބެހޭ ޤަވާއިދު ބުނާގޮތުން ޤައުމީ މަޖިލިސް އިންތިޚާބުގައި ކުރިމަތިލާ ދާއިރާތަކަށް ހޮވަންޖެހޭ ޢަދަދަށް ކުރިމަތިލައިފިނަމަ އެކެނޑިޑޭޓަކު ވޯޓަކާއި ނުލައި އިންތިޚާބުވާނެއެވެ.