ޖެންޑަރ މިނިސްޓްރީން ދައުލަތުގެ ބެލުމުމުގެ ދަށުގައި ތިބޭ ކުދިންނަށް އިހުމާލުވަމުންދާކަމަށް ބުނެ މާލޭގައި މުޒާހަރަކުރަމުން އެބަދެއެވެ.
އިދިކޮޅުން އިސްނަގައިގެން ކުރިއަށްދާ މި މުޒާހަރާގައި ގިނަ ޢަދަދެއްގެ ބަޔަކު ދަނީ ބައިވެރިވަމުންނެވެ. އަދި މި މުޒާހަރާގައި އިދިކޮޅު ކޯލިޝަންގެ ލީޑާޝިޕްގެ ބޭފުޅުންވެސް ދަނީ ބައިވެރިވެވަޑައިގަންނަވަމުންނެވެ. މާލޭގަިއ ކުރަމުންދާ މި މުޒާހަރާއަކީ ފިޔަވަތީގައި ހިނގާ ހާދިސާތަކާއި ދެކޮޅަށް އަޑުއުފުލުމަށް ގޮވާލާ ބާއްވާ އެއްވުމެކެވެ.
މި މުޒާހަރާގެ ބައިވެރިންދަނީ ޖެންޑަރ މިނިސްޓަރުގެ އިސްތިއުފާއަށްވެސް ގޮވާލަމުންނެވެ. މުޒާހަރާ ކުރިއަށް ގެންދަނިކޮށް ފުލުހުން ވަނީ އެކަމަށް ހުރަސްއަޅާފައެވެ. ޕީޕީއެމްގެ ނާއިބު ރައީސް އަޙްމަދު ޝިޔާމް ވިދާޅުވީ މުޒާހަރާ ރޫޅާލުމަށް ފުލުހުން ބާރުގެ ބޭނުންކޮށްފައިވާކަމަށެވެ. އަދި ދެ އަންހެނަކަށް އަނިޔާވެފައިވާކަމަށްވެސް ޝިޔާމް ވިދާޅުވިއެވެ.
މުޒާހަރާގެ ބައިވެރިން މިހާރު ވަނީ މަޖީދީމަގު ޗާންދަނީ މަގު ގުޅޭ ޖަންކްޝަންގައި އިށީދެފައެވެ. ފުލުހުން ދަނީ މުޒާހަރާގެ ބައިވެރިން ފޮނުވާލުމަށް މަސައްކަތްކުރަމުންނެވެ.
Emmen mivaguthu thibee Majeedhee Magu Chaandhanee Magu junction ga. Sulhaveri evvumuge baiverin govanee Insaafu Qaaimukoh Raees Yameen mihaarun mihaarah dhookollumah. #FreePresidentYameen pic.twitter.com/uHBXLcsY2b
— Ahmed Shiyam (@Shiyamaldives) September 19, 2021
އިދިކޮޅުން އިސްނަގައިގެން ބާއްވާ އިހުތިޖާޖަކީ ސިލްސިލާކޮށް ބާއްވާނެ ހަރަކާތްތަކެއްކަމަށްވެސް ވަނީ ބުނެފައެވެ.
ފިޔަވަތީގެ މައްސަލަތަކާއި ގުޅިގެން އިހުތިޖާޖުކުރަމުންދާއިރު، "ފިޔަވަތި" ގައި މައްސަލަތައް ފުނިޖެހި ބޮޑުވަމުންދާތާ އެތައް ދުވަހެއްވެ އެ މައްސަލަތައް ދަނީ ފެންމަތިވަމުންނެވެ.. އެ ތަނުގައި ތިބޭ ކުދިންގެ ފަރާތުން އަހުލާގީ ވަަރަށް ގިނަ މައްސަލަތައް ފާހަގަވެ އެ ކުދިންގެ އުޅުން ވަނީ ވަރަށް ބޮޑަށް ގޯސްވެފައެވެ. އެތަނުގައި ތިބި ކުރިން ފުރާޅަށް އަރައި ތަނުގައި ހުޅުޖަހައި ގިނަ ރައްޔިތުން ތަކެއް އެސަރަހައްދަށް ޖަމާވެ، މީޑިއާތަކުގެ ފާޑުކިޔުން އަމާޒުވުމުން މިނިސްޓްރީ އަށް އަމާޒުވުމުން ޖެންޑާއިން ވަނީ ބަޔާނެއް ނެރަފައެވެ. އޭގައި ވަނީ ހަމަނުޖެހުން ނުހިނގާކަމަށް ބުނެފައެވެ.
