ކެނެޑާއަށް ނިސްބަތްވާ ކޮމޭޑިއަން/ ރައިޓާ/ އަދި އެކްޓަރު ނޯމް މެކްޑޮނާލްޑް މިއަދު މަރުވެއްޖެއެވެ.
"ސަޓަޑޭ ނައިޓް ލައިވް ސްޓާ" ގެ ހޮސްޓް މަރުވެފައި ވަނީ އުމުރުން 61 އަހަރުގައިއެވެ. ދިގު މުއްދަތަކަށް އޭނާ ދިއައީ ކެންސަރާއި ހަނގުރާމަ ކުރަމުންނެވެ. އޭނާ އަކީ މަލްޓި ޓެލެންޓެޑް ފަންނާނެކެވެ. މިއަދު އޭނާ މަރުވުމާއި ގުޅިގެން ގިނަ ބަޔަކު ދަނީ ތައުޒިޔާ ފޮނުވަމުންނެވެ.
ނޯމް ކެންސަރު ބައްޔަށް ފަރުވާ ކުރަމުންދާތާ 9 އަހަރު ވެއްޖެ ކަމަށް ރިޕޯޓްތަށް ބުނެއެވެ. ނީމްގެ ގާތްމީހަކު ބުނެފައިވާ ގޮތުގައި އޭނާ އަކީ ހިތްވަރުގަދަ ހަނގުރާމަވެރިއެއް ކަމަށެވެ. މިހާ ދުވަހު އޭނާ ވަނީ ކެންސަރާއި ދެކޮޅަށް ހަނގުރާމަ ކޮށްފައިއެވެ.
ބިލީ މެޑިސަން، ދަ ޕީޕަލް ވާސަސް ރެލީ ޕްލޭންޓް ފަދަ ފިލްމް ތަކުން އޭނާ ވަނީ ފެނިގެން ގޮސްފައިއެވެ. އަދި ހަމަ އެހެންމެ އޭނާ ވަނީ ބައެއް ޓީވީ ޝޯވ ތަށް އުފައްދާ ހޯސްޓްވެސް ކޮށްފައިއެވެ. އަދި ޑރ. ޑޯލިޓްލް ސްކެއާސް ފަދަ އެނިމޭޓެޑް ފިލްމް ތަކަށް ވަނީ އަޑުވެސް އަޅާފައިއެވެ.
ކޮމެންޓު ފޮނުވާ