ރާއްޖޭގަ މިހާރުއޮތް ރިޔާސީ ނިޒާމު އުވާލާ، ވެރިކަމުގެ ނިޒާމ ބަރުލަމާނީ ނިޒާމަަކަށް ބަދަލު ކުރުމަށްޓާކާ ރައްޔިތުންގެ ފެންނަ ނުފެންނަ ވޯޓެއް އަންނަ އަހަރު ނެގޭނެ ކަމަށާއި، އަދި ވީހާވެސް އަވަހަކަށް އެވޯޓު ނެގުމަކީ ކޮންމެހެން މުހިންމު ކަމެއްކަމުގައި އެމްޑީޕީގެ ރައީސް މުހައްމަދު ނަޝިދު ވިދާޅު ވެއްޖެއެވެ.
މަޖިލިސް ރައީސް ނަޝީދު މިހެން ވިދާޅުވެފައިވަ، 6 މޭގެ ޓެރަރިސްޓު ހަމަލާއަށްފަހު، ފަރުވާ ހޯއްދެވުމަށް ރާއްޖެއިން ބޭރަށް ވަޑައިގެންނެވިފަހުން، އިނގިރޭސިވިލާތުގައި ހުންނަވައިގެން ފުރަތަމަ ފަހަރަށް އޮންލައިންކޮށް ނޫސްވެރިންނާ ބައްދަލުކޮށް ވާހަކަ ދައްކަވަމުންނެވެ.
މި ނޫސްވެރިންގެ ބައްދަލުވުމުގައި ނަޝީދު ވިދާޅުވެފައިވަނީ، އެމަނިކްފާނު ދެކެވަޑައިގަންނަވާ ގޮތުގައި ދިވެހިރާއްޖެއަށް އެންމެ އެކަށީގެންވާ ވެރިކަމުގެ ނިޒާމަކީ ބަރުލަމާނީ ނިޒާމް ކަމަށާއި، އަވަހަށް ފެންނަ ނުފެންނަ ވޯޓެއް ނަގާ އެނިޒާމަށް ބަދަލުވުން ވަރަށް ބޭނުންތެރި ކަމުގައެވެ.
އަޅުގަޑު ދެކޭ ގޮތުގައި، އިރާދަ ކުރެއްވިއްޔާ މިއަންނަ އަހަރު އަޅުގަޑުމެންނަށް އެ ފެންނަ ނުފެންނަ ވޯޓު ނެގޭނެ.
ނަޝިދު ވިދާޅުވެފައި ވެއެވެ.
ނަޝީދު އިތުރަށް ވިދާޅުވީ، ރައީސުލްޖުމްހޫރިއްޔާވެސް އެވޯޓު ނެގުމާ ގުޅޭގޮތުން އެމްޑީޕީއާ އިންކާރު ކުރައްވާނެކަމަށް ދެކެވަޑައި ނުގަންނަވާ ކަމަށާއި، އެއީ އެއްވެސް އިރެއްގައި ރައީސް ސާލިހު ވިދާޅުވެފައިވާ ވާހަކައެއް ނޫންކަމުގައެވެ.
މީގެ އިތުރުންވެސް، ބަރުލާނީ ނިޒާމެއް ގެންނަވަން ކުރައްވަމުން ގެންދަވާ މަސައްކަތްތަކަށްވެސް ރައީސް ސާލިހުގެ ތާއީދު ފުރިހަމަޔަށް އޮތްކަމަށް މި ޕްރެސް ކޮންފަރެންސްގައި ވިދާޅުވެ، ނަޝީދުވަނީ ކޯލިޝަން މެނިފެސްޓޯގައިވެސް ނިޒާމު ބަދަލުކުރުމުގެ ވާހަކަ އޮންނާނޭ ކަމަށް ވިދާޅުވެފައެވެ. އަދި ބަރުލަމާނީ ނިޒާމަކަށް ވެރިކަމުގެ ނިޒާމު ބަދަލު ކޮށްލުމަށް އެމްއާރުއެމްއާއި އަދާލަތު ޕާޓީގެ ތާއީދު އޮތްކަމަށްވެސް ނަޝީދު ވިދާޅުވިއެވެ.
އެހެންނަމަވެސް، ކޯލިޝަން ޕާޓީތަކުން ފާޅުގައި އަދިވެސް ނިޒާމް ބަދަލުކުރުމަށް ދެކޮޅު ހަދަމުން ދާއިރު، ނިޒާމު ބަދަލުކުރުމުގެ ވާހަކަ ކޯލިޝަން މެނިފެންޓޯގައި ނޯންނާނޭކަމަށް ސަރުކާރުން ކުރިން ވަނި ބުނެފައެވެ. އަދި ނަޝީދުގެ ޕްރެސް ކޮންފަރެސް ނިމުނުތާ ކުޑަ ވަގުތުކޮޅެއްގެ ތެރޭގައި އެމްއާރުއެމްއިން ކުރި ޓުވީޓެއްގައި އެޕާޓީން ބުނެފައިވަނީ ނިޒާމު ބަދަލު ކުރުމަށް އެޕާޓީން ތާޢީދު ނުކުރާ ކަމަށާއި، އަދި އެކަމަށް އެއްބަސްވެ އެއްވެސް ބަޔަކާއެކު އެއްބަސްވުމެއްވެސް ހަދާފައި ނުވާނެ ކަމުގައެވެ.
މި ނޫސް ކޮންފަރެންސްގައި ނަޝީދު ވިދާޅުވީ ދައުރުގެ މެދާހަމައަށްވެސް މިހާރު މިއޮތީ އާދެވިފައި ކަމަށާއި، ދެން މިހާރު އެ ވޯޓާއިގެން ކުރިޔަށް ދާންޖެހޭ ކަމަށާއި، އެއީ އެމްޑިޕީގެ ވައުދެއްކަމުގައެވެ.
One Response
މަނިކުފާނުގެއަމާޒަކީ މިރާއްޖެ ލާދީ.ީކުރުން އެއްޖިސުންގުޅުހިންގޭގޮތަހެދުން ފިހާރަތަކުން މެޓާލިބޭހެން މަސްތުވާތަކެތިލިބުން ބިރަކާނުލާ ފާހިޝުކަންކަމަމަގުހުޅުވާލުން މިބޭނުންވާކަމަކީ ބަލަ މީ އިސްލާމީދައުލަތެކޭ