ޗައިނާއިން ރާއްޖެއަށް ކަނޑައަޅާ އައު ސަފީރު ސަފީރު ކަމާއި ހަވާލުވި ފަހުން ކުރެއްވި ފުރަތަމަ ޓްވީޓަކަށްވެސް ނިމިދިޔަ ވެރިކަމުގައި އަޅާފައިވާ ޗައިނާ މޯލްޑިވްސް ފްރެންޑް ޝިޕް ބްރިޖަށް ޚާއްސަ ކުރައްވައިފިއެވެ.
ސިނަމާލެ ބްރިޖަށް ތިން އަހަރު ފުރުން ފާހަގަ ކުރުމުގެ ގޮތުން ސަފީރު ކުރެއްވި ޓްވީޓުގައި ވިދާޅުވީ މިއީ ރާއްޖެއާއި ޗައިނާއާއި އޮތް ގުޅުން ރަމްޒު ކޮށްދޭ ވަރަށް އަލިގަދަ ބިނާއެއްކަމަށެވެ. ބްރިޖްގެ ސަބަބުން އެތައް ބަޔަކަށް ދަތުރު ފަތުރު ކުރުމަށް ބޮޑު ލުޔެއް ލިބިގެން ގޮސްފައިވާކަމަށް ސަފީރު ވިދާޅުވިއެވެ.
3 years ago, on Aug. 30, 2018, the China-Maldives Friendship Bridge was born out of our great ambition & hard efforts. 3 years on, the Bridge has connected 3 islands, facilitated ppl's travel, provided leisure opportunities to the local ppl & become a landmark of ????friendship. pic.twitter.com/ZWtLDKQvNj
— Ambassador Wang Lixin (@China_Amb_Mdv) August 30, 2021
ސިނަމާލެ ބްރިޖްގެ ހުޅުވާފައި ވަނީ 30 އޯގަސްޓް 2018 ގަ އެވެ. އަދި މި މަސައްކަތަކީ ޗައިނާގެ އެހީގައި ކުރި އަށް ގެންދިޔަ މަސައްކަތެކެވެ. ދުއިސައްތަ މިލިއަން ޑޮލަރުގެ ލޯނު އެހީގައި ކުރިއަށް ގެންދިޔަ މި މަޝްރޫއުގެ މަސައްކަތްތައް ކުރިއަށް ގެންދިޔައީ ޗައިނާގެ ސީސީސީސީ ކުންފުނިންނެވެ. އަދި ބްރިޖްގެ މަސައްކަތް ނިންމުމަށް 30 މަސްދު ވަސް ހޭދަވެފައިވާ އިރު މި ބްރިޖަކީ ދެ ކިލޯމީޓަރު ދިގު ބްރިޖެކެވެ.
މިފަހަރު ޗައިނާއިން ރާއްޖެއަށް ކަނޑައެޅި ސަފީރަކީ އަންހެން ބޭފުޅެކެވެ. ސަފީރު ވަންގް ލިޝިންގ ވަނީ އެކަމަނާ ސަފީރުކަމަށް އައްޔަންކުރެއްވިކަން ހާމަކުރައްވައި ކުރެއްވި ޓުވީޓެއްގައި ދިވެހި ސަރުކާރާއި ރައްޔިތުންނާ ގުޅިގެން ޗައިނާއާއި ރާއްޖޭގެ ރަޙުމަތްތެރިކަމުގެ ގުޅުން އައު އުސްމިންތަކަށް ގެންދެވޭނެކަމަށް އުންމީދުކުރައްވާކަމަށް ވިދާޅުވެފައެވެ.
ޗައިނާއަކީ ރާއްޖޭގެ ތަރައްޤީގެ މުހިންމު ބައިވެރިއެއްގެ އިތުރުން ރާއްޖެއާ ގާތް ރަޙުމަތްތެރި ގުޅުމެއް އޮންނަ ޤައުމެކެވެ. ޗައިނާއިން ރާއްޖޭގެ އިޖްތިމާޢީ އިޤްތިޞާދީ ތަރައްޤީއަށް ވެދެއްވާފައިވާ އަދި، ވެދެއްވަމުންގެންދަވާ ދީލަތި އެހީތެރިކަން ރާއްޖެއިން އަބަދުވެސް ފާހަގަކުރެއެވެ.
