ސިޔާސީ މަޤްސަދެއް ހާސިލް ކުރުމަށްޓަކައި، ފެނަކައިގައި މަސައްކަތްކުރާ އެއްވެސް މުވައްޒިފަކު ވަޒީފާއިން ވަކިކޮށްފައި ނުވާނެކަމަށް ފެނަކައުން ބުނެފިއެވެ.
ގދ.ފަރެސްމާތޮޑާއަށް އިދިކޮޅު ޕީއެންސީ ޕީޕީއެމް އިން ކުރި ދަތުރުގައި އެރަށު ފެނަކައިގެ ބައެއް މުވައްޒަފުނާއި، ސަލާމްކުރުމުން ގިނަ ޒުވާނުންތަކެއް ވަޒީފާއިން ވަކިކޮށްފައިވާކަމަށް ޕީޕީއެމްގެ ނާއިބު ރައީސް އަޙްމަދު ޝިޔާމް ވަނީ ވިދާޅުވެފައެވެ. ޝިޔާމްގެ ވާހަތަކާއި ގުޅިގެން މީޑިއާތަކުން ޚަބަރު ގެނެސް ދިނުމުން ފެނަކައިން ވަނީ އެކަން ދޮގުކޮށް، ޓްވީޓު ކުރައްވާފައެވެ.
ފެނަކައިން ބުނެފައިވަނީ ސިޔާސީ މަގްސަދެއް ހާސިލް ކުރުމަށް އެއްވެސް މުވައްޒިފަކު ވަކިކޮށްފައި ނުވާކަމަށެވެ. ފެނަކައުން ވަޒީފައިން ވަކިކުރި މުވައްޒިފުން ވަޒީފާއިން ވަކިކޮށްފައިވަނީ ފެނަކައިގެ މަޝްރޫޢެއްގައި 3 މަސްދުވަހުގެ މުއްދަތަކަށް ވަގުތީގޮތުން މަސައްކަތްކުރަމުންދިޔަ 4 މުވައްޒަފެއްކަމަށެވެ.
ސިޔާސީ އެއްވެސް މަޤްޞަދެއް ޙާޞިލްކުރުމަށްޓަކައި ފެނަކައިގެ އެއްވެސް މުވައްޒަފެއް ވަޒީފާއިން ވަކިކޮށްފައި ނުވާނެކަމުގެ ޔަގީންކަން އަރުވަމެވެ. ފެނަކައިގެ މަޝްރޫޢެއްގައި 3 މަސްދުވަހުގެ މުއްދަތަކަށް ވަގުތީގޮތުން މަސައްކަތްކުރަމުންދިޔަ 4 މުވައްޒަފެއް ވަކިކޮށްފައިވަނީ.
– ފެނަކައިން ބުނެފައިވެއެވެ.
(2/2) އެމުވައްޒަފުންގެ މަސައްކަތުގެ އަޚުލާޤާއި، ކުރަން ހަވާލްކުރާ މަސައްކަތަށް ގާބިލް މުވައްޒަފުން ނޫންކަމަށް ފެންނާތީ ކަމުގައި ދެންނެވީމެވެ.
ބައެއް މީޑިއާތަކުން ކަމުގެ ހަގީގަތް އޮޅުވާލުމަށް ދޮގު ހަބަރު ޝާއިއުކުރުމަކީ މިކުންފުނިން ކަންބޮޑުވާ ކަމެއް ކަމުގައި ދެކެމެވެ.— Fenaka Corporation Ltd (@TeamFenaka) August 24, 2021
ފެނަކައިން ވަނީ މިޑިއާތަކުން ޚަބަރު ގެނެސްދިނުމުގައި، ދޮގު ޚަބަރު ފަތުރާފައިވާކަމަށް ތުހުމަތު ކޮށްފައެވެ. އަދި މވަކި ކުރި މުވައްޒިފުންނަކީ މަސައްކަތުގެ އަޚުލާޤާއި، ކުރަން ހަވާލުކުރާ މަސައްކަތަށް ގާބިލް މުވައްޒަފުން ނޫންކަމަށްވެސް ފެނަކައިން ބުނެފައިވެއެވެ.
އެމުވައްޒަފުންގެ މަސައްކަތުގެ އަޚުލާޤާއި، ކުރަން ހަވާލުކުރާ މަސައްކަތަށް ގާބިލް މުވައްޒަފުން ނޫންކަމަށް ފެންނާތީ ކަމުގައި ދެންނެވީމެވެ. ބައެއް މީޑިއާތަކުން ކަމުގެ ހަގީގަތް އޮޅުވާލުމަށް ދޮގު ހަބަރު ޝާއިއުކުރުމަކީ މިކުންފުނިން ކަންބޮޑުވާ ކަމެއް ކަމުގައި ދެކެމެވެ.
– ފެނަކައިން ބުނެފައިވެއެވެ.
ޝިޔާމް ކުރެއްވި ޓްވީޓެއްގައި ވިދާޅުވީ، ގދ.އަތޮޅަށް ކުރަމުންދާ ދަތުރުގައި ފަރެސްމާތޮޑާއަށް ޒިޔާރަތްކުރި ދުވަހު އެރަށު ބަނދަރު ސަރަހައްދުން، އެރަށުގެ ފެނަކާގައި މަސައްކަތްކުރާ ބައެއް ޒުވާނުންނާއި ސަލާމްކުރުމުން، އެ ފަރާތްތައް ވަޒީފާއިން ވަކިކޮށްފައިވާކަމަށެވެ. ޝިޔާމް ވަނީ އެއީ އަނިޔާވެރިކަންކަމަށް ސިފަކުރައްވާ އެކަން ވަރަށް އަވަހަށް ނިމޭނެކަމަށް ވިދާޅުވެފައެވެ.
ޝިޔާމް މިހެން ވިދާޅުވެފައިވާއިރު، ވަކި ސިޔާސީ ޕާޓީއަކަށް ނިސްބަތްވާ އެޕާޓީގެ ހަރަކާތެއްގައި އުޅުމަކުން އެއްވެސް މީހަކު ވަޒީފާއިން ވަކިނުކުރާނެކަމަށް ސަރުކާރުންް ވަނީ ބުނެފައެވެ. ނަމަވެސް ފަހަކަށް އައިސް އިދިކޮޅު ސިޔާސި ފިކުރަށް ނިސްބަތްވާ ބައެއް ފަރާތްތަކުން ސޯޝަލް މީޑިއާގައި ފާޅުކުރާ ޚިޔާލުތަކާއި ގުޅިގެން ވަޒީފާއިން ވަކިކުރާކަމުގެ ތުހުމަތުތަކެއް އަންނަނީ ކުރެވެމުންނެވެ. ކުރީގެ ރައީސް ޢަބްދުﷲ ޔާމީންގެ ސަރުގާއިވެސް ސިޔާސީ ގޮތުން ޚިޔާލުތަފާތު ފަތާތްތައް ވަޒީފާއިން ވަކިކުރާކަމަށް ތުހުމަތުކޮށް، ވަޒީފާއިން ވަކިކުރާ އެންމެނަށް ވަޒީފާ ދޭނެކަމަށް މިސަރުކާރުން ވަނީ ބުނެފައެވެ.
