މިހާރު ކުރިޔަށްދާ އެފްއޭއެމް ތިންވަނަ ޑިވިޝަން ފުޓްބޯޅަ މުބާރާތުގައި ކްލަބް އޮންލީ ވަން އޮޕޮޗޫނިޓީ (ކްލަބް 010) ބަލިކޮށް ފައިނަލުގެ ފުރަތަމަ ޖާގަ ބުރު ސްޕޯޓްސް ކްލަބް ކަށަވަރުކޮށްފިއެވެ.
އެފްއޭއެމް 1 ނަންބަރ ޓާފް ދަނޑުގައި ރޭ ކުޅުނު ސެމީ ފައިނަލުގެ ފުރަތަމަ މެޗުގައި ކްލަބް 010 ގެ މައްޗަށް ބުރު ސްޕޯޓްސް ކުރި ހޯދީ 1-7 ގެ ތަފާތު ބޮޑު ނަތީޖާއަކުންނެވެ.
މި މެޗުގައި ބުރު ސްޕޯޓްސް އިން ޖެހި ލަނޑުތައް އެޓީމަށް ކާމިޔާބުކޮށްދިނީ، މުހައްމަދު ތަޝްމީން، އަބްދުﷲ ޝާފިއު، ރޯމަން ކުޑްޗެންކޯގެ ސޮބޮލް އިލިއާގެ އިތުރުން އިބްރާހިމް މުބީން އަހުމަދު ރަޝީދު (މުއްކި) އަދި މުހައްމަދު އަތީފްއެވެ. މެޗުގައި ކްލަބް 010 ގެ ހަމައެކަނި ލަނޑު ފުރަތަމަ ހާފުގެ ފަހު މިނިޓުގައި ކާމިޔާބުކޮށްދިނީ ގޮޑްފްރޭ ވެސްޓް އޮމޮޑޫއެވެ.
މުބާރާތުގެ ސެމީ ފައިނަލުގެ ދެވަނަ މެޗުގައި މިރޭ އެލްޓީ ސްޕޯޓްސް ކްލަބް ނުކުންނާނީ ބިސްބުރު ސްޕޯޓްސް އާއި ދެކޮޅަށެވެ. މި މެޗު ފަށާނީ މިރޭ 8:30 ގައެވެ.
މުބާރާތުގެ ފައިނަލް މެޗު ކުޅުމަށް އެފްއޭއެމުން ތާވަލްކޮށްފައިވަނީ މިމަހުގެ 23 ވަނަ ދުވަހުއެވެ.
ކޮމެންޓު ފޮނުވާ