ރާއްޖޭގެ ހާލަތު މިހާރު ނިއު ނޯމަލްގައި އޮތް ނަމަވެސް، ކޯވިޑްގެ ނުރައްކާ ނެތްކަމަށް ބެލަން އަދި މާއަވަސް ކަމުގައި ޓުވަރިޒަމް މިނިސްޓަރ ޑރ.އަބްދުﷲ މައުސޫމް ވިދާޅުވެއްޖެއެވެ.

އިއްޔެގެ ބައެއް ތަފާސް ހިސާބުތަކާއިއެކު މިނިސްޓަރ މައުސޫމް ކުރެއްވި ޓްވީޓުގައި ވިދާޅުވީ ސައުތު އޭޝިއާގެ 9 މީހުން އިއްޔެވެސް ޕޮޒިޓިވްވިކަމަށެވެ. އޭގެ ތެރޭގައި ބަނގުލާދޭޝް، އިންޑިއާ، ސްރީލަންކާ، ނޭޕާލް މީހުންވެސް ހިމެނޭކަމަށެވެ. މިނިސްޓަރ ވިދާޅުވީ މިހާލަތުގައިވެސް ފަތުރުވެރިކަމުގެ ވިޔަފާރި ކުރައްވާ ހުރިހާ ބޭފުޅުންވެސް ކަނޑައެޅިފައިވާ ގައިޑްލައިންތަކާއި އެއްގޮތަށް އަމަލު ކުރުމަކީ ވަރަށް މުހިންމު ކަމެއްކަމަށެވެ.

މިއަދުވެސް ސައުތު އޭޝިއާގެ 9 މީހުން ޕޮޒިޓިވު ވެއްޖެ! ބަނގުލާދޭޝް 6 އިންޑިއާ 1 ސްރީލަންކާ 1 ނޭޕާލް 1 ކޮވިޑުގެ ނުރައްކާ ނެތްކަމަށް ބަލަން އަދި މާ އަވަސް!! އިންތަކާއި މިންތަކާއި އެއްގޮތަށް ފަތުރުވެރިކަމުގެ ވިޔަފާރި ކުރެއްވުމަށް ސަމާލުވެލައްވާ. ރައްކާވެ ތިބިއްޔާ ދަތުރު ފަތުރު!!

– މިނިސްޓަރ މައުސޫމް ވިދާޅުވިއެވެ.

މިއަދުވެސް ސައުތު އޭޝިއާގެ 9 މީހުން ޕޮޒިޓިވު ވެއްޖެ!
ބަނގުލާދޭޝް 6
އިންޑިއާ 1
ސްރީލަންކާ 1
ނޭޕާލް 1

ކޮވިޑުގެ ނުރައްކާ ނެތްކަމަށް ބަލަން އަދި މާ އަވަސް!!
އިންތަކާއި މިންތަކާއި އެއްގޮތަށް ފަތުރުވެރިކަމުގެ ވިޔަފާރި ކުރެއްވުމަށް ސަމާލުވެލައްވާ.
ރައްކާވެ ތިބިއްޔާ ދަތުރު ފަތުރު!!

— Abdulla Mausoom (@Mausoom_Maus) August 7, 2021

ހެލްތު ޕްރޮޓެކްޝަން އެޖެންސީ، އެޗް.ޕީ.އޭއިން އެންމެފަހުން އާއްމުކުރި ތަފާސް ހިސާބުތައް ދައްކާގޮތުން ހުކުރުދުވަހުގެ އިރުއޮއްސި 6:00 އިން ހޮނިހިރުދުވަހުގެ އިރުއޮއްސި 6:00 އާ ހަމައަށް ރާއްޖެއިން ކޯވިޑަށް ޕޮޒިޓިވްވެފައި ވަނީ 113 މީހުންނެވެ. މީގެތެރޭގައި މާލެ ސަރަހައްދުން ޕޮޒިޓިވްވި 25 މީހުންނާއި، ރަށްރަށުން ޕޮޒިޓިވްވި 73 މީހަކު ހިމެނެއެވެ. އަދި ރިސޯޓްތަކުން 13 މީހަކުވަނީ ޕޮޒިޓިވްވެފައެވެ. މިއާއެކު މިހާތަނަށް ރާއްޖެއިން ކޯވިޑަށް ޕޮޒިޓިވްވި މީހުންގެ ޢަދަދު ވަނީ 78243 އަށް އަރާފައެވެ.

ރާއްޖޭގައި ކޯވިޑްގެ ހާލަތު ނިއު ނޯމަލް ހާލަތަކަށް ގެނެވިފައިވާކަމަށާއި މިހާރު އެންމެ މުހިއްމީ ވެކްސިންޖެހޭ އާބާދީއަށް ވެކްސިންޖެހުން ކަމުގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވަނީ ވިދާޅުވެފައެވެ. އަދި މިހާރު ސަރުކާރުން ވަނީ ވެކްސިން ނުޖަހާ މީހުންނަށް ހަރުކަށި އުސޫލުތަކެއް ހަދައި، އެކަންކަން ތަންފީޒު ކުރުމަށް އިދާރާތަކަށް އަންގަވާފައެވެ.