ސައުދު އަރަބިއާގެ ކިންގ ސަލްމާން ހިއުމަނިޓޭރިއަން އެއިޑް އެންޑް ރިލީފް ސެންޓަރ (KSrelief)ގެ ފަރާތުން، ކޯވިޑް19އާއި ހަގުރާމުރުމަށް ބޭނުންވާ އެހީތެރިކަން މެލޭޝިއާއަށް ފޯރުކޮށްދޭން ފަށައިފިއެވެ.
މިގޮތުން، ސިއްޙީ ޚިދުމަތަށް ބޭނުންވާ ސާމާނުތައް ހިފައިގެން މެލޭޝިއާއަށް ދަތުރުކުރާ 3 ވަނަ ފްލައިޓް މިހަފްތާގެ ހުކުރު ދުވަހު ވަނީ ކުއާލާލަމްޕޫރަށް ގޮސްފައެވެ.
ސައުދީ ސަރުކާރުން މެލޭޝިއާއަށް އެހީތެރިކަން ފޯރުކޮށްދޭން ފަށާފައި މިވަނީ މެލޭޝިއާގެ ޚާރިޖީ ވަޒީރު ސައުދީގެ ވަލީއަހުދު މުހައްމަދު ބިން ސަލްމާންއަށް ގުޅުއްވާ ސައުދީގެ އެހީތެރިކަމަށް އެދިވަޑައިގަތުމާއި ގުޅިގެންނެވެ.
ސައުދީ ސަރުކާރުން މެލޭޝިއަށް ފޮނުވަމުންދާ ކޯވިޑްގެ އެހީތަކުގެ ތެރެއިން އެންމެ ފަހުން ފޮނުވާފައިވާ ފްލައިޓުގައި ފޯރުކޮށްދީފައިވަނީ، މެޑިކަލް ކެއަރއާއި ފަރުވާ ދިނުމަށް ބޭނުންކުރާ ސާމާނުގެ އިތުރުން ރައްކާތެރިކަމަށް ބޭނުންވާ ތަކެއްޗެވެ.
"މެލޭޝިއާއަށް ފޯރުކޮށްދެވޭ 1 މިލިއަން ވެކްސިން ޑޯޒު ދޫކުރެވިގެންދާނީ، ވެކްސިްނ ފޯރުކޮށްދިނުން އަވަސް ކުރުމަށްޓަކާ، ވެކްސިން ފޯރުކޮށްދޭނެ ބައިނަލްއަގުވާމީ ކުންފުނިތަ ކަޑަައެޅުމުގައި ސައުދީ ފޮރިންގ މިނިސްޓްރީއާއި ގުޅިގެން، އަދި ވެކްސިން ފޯރުކޮށްދެވޭނީ މިކުންފުނިތަކުގެ ފެކްޓަރީތަކުން މެލޭޝިއާއަށް،" ސައުދީ ޕްރެސް އޭޖެންސީއިން ރިޕޯޓު ކޮށްފައި ވެއެވެ.
މިފަހްތާގެ ކުރީކޮޅު ސައުދީ ރަސްގެފާނު ކިންގ ސަލްމާންވަނީ KSrelief އަށް، މެލޭޝިއާއިން ކޯވިޑާއި ދެކޮޅަށް ކުރަމުންދާ މަސައްކަތްތަކަށް އެހީތެރިކަން ފޯރުކޮށްދިނުމަށް އަމުރު ކޮށްފައެވެ.
ސައުދީ ސަރުކާވަނީ ފާއިތުވެދިޔަ ތަނުގައިވެސް، ކޯވިޑާއި ހަގުރާމަކުރަމުންދާ އެތައް ގައުމަކަށް އެހީތެރިކަން ފޯރުކޮށް ދީފައެވެ.
މިމަހުގެ ކުރީކޮޅު، ކޯވިޑްގެ އެހީ ހިފައިގެން ދެ ފްލައިޓެއްވަނީ ސައުދީން ޓިއުނީޝިއާއަށް ދަތުރުކޮށްފައެވެ.
ކޮމެންޓު ފޮނުވާ