ކޯލިޝަން ރުއްސަން ރައީސުލްޖުމްހޫރިއްޔާ، އިބްރާހީމް މުޙައްމަދު ޞާލިޙް، ކުރެއްވިކަމެއް ބޮޑުވާބިއްލޫރި އަޅައިގެންވެސް ނުފެނުނު ކަމަށް އައްޑޫ މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެ އެވެ.

ޝަރީފް މިހެން ވިދާޅުވެފައި ވަނީ، މިހާރު ވެރިކަން ކުރަމުންދާ ކޯލިޝަން ރުހޭހާ ގޮތަކަށް ކަންކަން ކުރާނަމަ އެމްޑީޕީއަށް ދެން ވާނީ ގެއްލުން ކަމުގައި ވެރިކަން ކުރާ ކޯލިޝަންގެ މައި ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވި ވިދާޅުވުމަށް ރައްދުދެއްވުމުގެ ގޮތުންނެވެ.

ޝަރީފް ވިދާޅުވީ ރައްޔިތުންނަށް ވީ ވަޢުދު ފުއްދުމަށް މަސައްކަތްކުރުމަކީ ހުރިހާ ރައްޔިތުންގެ ހައްގުގައި ކުރެވޭ މަސައްކަތެއް ކަމަށެވެ. އަދި ސަރުކާރުގެ އަމާޒަކީ ވަޢުދުތައް ފުއްދައިދިނުމާއެކު ވެރިކަން ދެމެހެއްޓުން ކަމަށް ޝަރީފް ވަނީ ވިދާޅުވެފަ އެވެ.

Coalition russan @ibusolih kurevvi kameh bodukuraa billoorigandeh alhaigenves miulhenee nufenigen. Rayyithunnah veevaudhu fuhdhumah masakkaiy kurumakee hurihaa rayyithunge hagguga kurevey masakkatheh.Qaanoonee imun beyrun meehun hifaa hayyaru nukurakee Qaanoonge verikan dhemehetn

— Ibrahim Shareef (@AdduShareef) July 22, 2021

ޝަރީފް ފާހަކުރެވެނީ އަބަދުވެސް ސަރުކާރު ދިފާއުކުރައްވާ އަދި ޕާޓީގެ ރައީސް، ރައީސް ނަޝީދުގެ އެކިއެކި ޢަމަލފުޅުުތަކަށާއި ބަސްފުޅުތަކަށް ފާޑުވިދާޅުވާ މެމްބަރެއްގެ ގޮތުގައެވެ.

ބޭސްފަރުވާއަށް އިނގިރޭސި ވިލާތުގައި މިވަގުތު ހުންނެވި ރައީސް ނަޝީދު ގެންދަވަނީ ސަރުކާރަށް ތައީދު ނުކުރާކަން މުޅިދުނިޔެއަށް ހާމަކުރައްވަމުންނެވެ. އަދި ރައީސް ޞާލިހަކީވެސް ހަރުކަށި ފިކުރުގެ ބޭފުޅުން ރުހުން ހޯއްދަވާ ބޭފުޅެއްކަމަށް ވިދާޅުވެ ރައީސް ޞާލިހަށާއި ސަރުކާރު ކޯލިޝަންގައި ހިމެނޭ އަދާލަތު ޕާޓީއަށް ރައީސް ނަޝީދު ގެންދަވަނީ  ވަރަށް ބޮޑަށް ފާޑުވިދާޅުވަމުންނެވެ.

އެމްޑީޕީގެ ގިނަ މެމްބަރުންނާއި، އާންމުން ހިމެނޭ ވަޓްސް އަޕް ގްރޫޕެއްގައި ބުދަ ދުވަހު ނަޝީދު ލިޔުއްވި މެސެޖުގައި ވިދާޅުވީ ސަރުކާރުން އެމްޑީޕީގެ ސިޔާސަތު ދޫކޮށް ވެރިކަން ކުރާ ކޯލިޝަންގެ ސިޔާސަތުގައި ހިފައިގެން ކުރިއަށްދާނަމަ، އެމްޑީޕީއަށް ލިބޭނެ އެއްވެސް ފައިދާއެއް ނެތްކަމަށެވެ. މިކަމުގެ ގެއްލުން ކުރިއަށް އޮތް އިންތިޚާބުތަކުގައިވެސް އެމްޑީޕީއަށް ކުރާނެކަމަށް ރައީސް ނަޝީދު ވަނީ ވިދާޅުވެފައެވެ.

"ސަރުކާރުން އެމްޑީޕީގެ ސިޔާސަތު ދޫކޮށް، އިއްތިހާދުގެ ބައިވެރިން ހިތްހަމަ ޖައްސަން އުޅެފިނަމަ އެއީ ޕާޓީއަށް ވަރަށް ބޮޑު ދެރައެއް."

– ރައިސް ނަޝީދު

ސަރުކާރުގެ ހުރިހާކަމެއްގައި އޮތީ އަދާލަތުގެ ނުފޫޒު ކަމަށާއި ރައީސް ޞާލިޙްވެސް މަސައްކަތްކުރައްވަނީ އަދާލަތު ޕާޓީ ރުއްސުމަށް ކަމަށް ނަޝީދު ގެންދަވަނީ ތުހުމަތު ކުރައްވަމުންނެވެ. ރައީސް ނަޝީދުގެ އެންމެ ބޮޑު ހިތްހަމަ ނުޖެހުމެއް ކަމަށް ފާހަގަވަނީ ސަރުކާރުގެ ފަރާތުން މަޖިލީހަށް ހުށަހަޅާފައިވާ ނަފްރަތުގެ ބިލަށް އެމްޑީޕީ ފިޔަވައި ސަަރުކާރުގައި ހިމެނޭ އެހެން ހުރިހާ ޕާޓީތަކުން ދެކޮޅުވެރިކަން ހާމަކުރުމެވެ.