ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވެރިކަމަށް ގެނައުމަށް އެއްވެސް މަސައްކަތެއް ނުކޮށް މިހާރު، ރައީސްގެ ހަށިފާރަވެރިއަކަށްވެ، ރައީސްގެ އުގަށް ވެއްޓިގެން މޫސާމަނިކު އުޅުއްވުމަކީ ވަރަށް ހުތުރު ކަމެއްކަމުގައި ތުލުސްދޫ ދާއިރާގެ ކުރީގެ މެމްބަރު އަދި މަޝްހޫރު ޤާނޫނީ ވަކީލު މުހައްމަދު ވަހީދު އިބްރާހިމް ވިދާޅުވެއްޖެއެވެ.
މިހާރު އޮތް ވެރިކަން ބަޣާވާތަކުން ވައްޓާލައި، ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ހަވަރަށް ދިނުމަށް ޖާގައެއް ނުދެވޭނެ ކަމުގައި އެމްޑީޕީ އުފެއްދުމުގައި އިސްކޮށް އުޅުއްވި އަދި އެ ޕާޓީގެ ކުރީގެ ޗެއަރޕާސަން ރީކޯ މޫސާ މަނިކު ކުރެއްވި ޓްވީޓަކަށް ރައްދު ދެއްވަމުން ވަހީދު ވިދާޅުވީ މޫސަ މިފަދަ ވާހަކަ ދެެއްކުމަކީ ހަމަޖެހޭ ކަމެއްނޫންކަމަށެވެ. މޫސައަކީ ރައީސް އިބްރާހިމް މުހައްމަދު ޞާލިހު ވެރިކަމަށް އަޔަނުދޭން މަސައްކަތް ކުރެއްވި ބޭފުޅަކަށްވާއިރު ވެރިކަން ލިބުމުން ކުއްލިއަކަށް އުގަށްވެއްޓި އުޅުމަކީ ހުތުރު ކަމެއްކަމަށެވެ.
ލަދެއް ހަޔާތެއްނެތި ހަށި ފާރަވެރިއަކަށް ހެދިގެން، އުގަށްވެއްޓި، މުނާފިގު ވިޔަސްތީ ބޮޑުވަރު. އިބްރާހިމް މުހައްމަދު ޞާލިހު ރައީސްކަމަށް އިންތިޚާބުވިޔަ ނުދިނުމަށް މޫސަ މަނިކު އަމަލާއި ބަހުން މަސައްކަތްކުރިއިރު، އިބްރާހިމް މުހައްމަދު ޞާލިހު ރައީސްކަމުގެ މަޤާމަށް ގެނައުމުގެ ބޮޑުހިއްސާއަކީ މުހައްމަދު ނަޝީދު ދެއްތޯ. މިއީ ހަގީގަތް.
– ވައްޑެ ވިދާޅުވިއެވެ.
Ladheh hayaatheh nethi hashi faaraveriakah hedhigen,ungah vetti,Munaafiquvias thee boduvaru. @ibusolih raeeskamah inthikhaabuviya nudhinumah @ReekoMoosa,amalaa bahun masakkaiykurevvi iru,@ibusolih Raees kamuge maqaamah genaumuge boduhissaa akee @MohamedNasheed dheththo. Hageegaiy https://t.co/pGu2CcH2te
— Mohamed Waheed Ibrahim (@Lawyer_Waddey) July 17, 2021
ވައްޑެގެ މިވާހަތަކާއި ގުޅިގެން މޫސަވަނީ ވައްޑެއަށް ހޫނު ރައްދު ތަކެއް ދީފައެވެ. މޫސަ ވިދާޅުވީ އެމްޑީޕީގެ ކަންކަމުގެ ތެރެއަށް ބޯނުބާނައި ވައްޑެ ރަނގަޅުވާނީ ޑީއާރުޕީގެ ކަންކަމާއި އުޅުންކަމަށެވެ. މިހާރުވެސް އެމްޑީޕީގެ ވާރިސުންނަކީ ކޮބައިކަން ކަނޑައަޅާއިރު އޭނާގެ ނަން އޮންނާނެކަމަށް މޫސަ ވިދާޅުވިއެވެ. އޭނާ ވިދާޅުވީ މިއަދު ވައްޑެ މާބޮޑަށް ރައީސް ނަޝީދުވެގެން އުޅުއްވާއިރު، ވައްޑެއަކީ ރައީސް ނަޝީދަށް 2013 ވަނަ އަހަރު ވެރިކަން ލިބުމުންވެސް ކޯޓަށްގޮސް ވެރިކަން ނަޝީދަށް ނުދިނުމަށް ހަޑިހޭވި މީހެއްކަމަށެވެ. އަދި މިހާރު މަސައްކަތް ކުރަނީ އެމްޑީޕީތެރެ ބައިބައިކޮށް ވެރިކަމާއި ކުޅެން ކަމަށާއި، ހިލާ މިފަހަރު އެފުރުސަތު ނުދެއްވާނެކަމަށް މޫސަ ވިދާޅުވިއެވެ.
އެމްޑީޕީގެ ކަންކަމުގެ ތެރެއަށް ބޯ ނުބާނައި ޑީއާރުޕީއަށް ހެޔޮގޮތެއް ވޭތޯ ބައްލަވާ އެމްޑީޕީގެ ވާރިސުން ސާބިތުކުރާއިރު އަޅުގަނޑުގެ ނަން އޮންނާނެ. ވަރަށް ސަލާމް. މިއަންނަ ދައުރަށް މަޖިލީހަށް ކުރިމަތި ލައްވާތި. ވައްޑެ މިއަދު ތިހިރީ ރައީސް ނަޝީދުވެފަ މާބޮޑަށް. 2012 ގެ ހަރާން ބަޣާވާތްކޮށް އެތައް އަނިޔާއެއްކޮށްފަ 2013 ގައި ރައީސް ނަޝީދު ހޮވުނީމަވެސް ސްޕްރީމް ކޯޓަށް މައްސަލަ ހިފައިގެން ވަދެ އިންތިޚާބު ހޭއަރުވާލާފަ މިހާރު ތިހުރީ އެމްޑީޕީ ބައިކުރަން އަރުވާޖަހާފައެއްނު. މިފަހަރު ކާމިޔާބުވިޔަ ނުދޭނަން. ވަރަށް ސާފުކޮށް މިބުނީ.
– މޫސަ ވިދަޅުވިއެވެ.
Waddey miadhu thihuree RN vefa maabodah, 2012 ga Haraan bagavaithkoh ethah aniyaaehkohffa 2013 ga RN hovuneema S koatah massalahifaingen vadhe inthikhaabu heyaruvaalaafa mihaaru thihuree MDP baikuran aruvaajahaafanu mifaharu kaamiyaabu viyananudheynan v saafukoh mibuny
— Moosa Maniku (Reeko) (@ReekoMoosa) July 17, 2021
މޫސާ މަނިކަކީ އެމްޑީޕީގެ ރައީސް މުހައްމަދު ނަޝީދާއި ޚިޔާލު ތަފާތުވުމުން ޕާޓީން ވަކިކޮށްފައިވާ މެމްބަރެކެވެ. މޫސައަކީ 2012 ވަނަ އަަހަރު ރައީސް ނަޝީދުގެ ވެރިކަން ވެއްޓުމުންވެސް އެކަމާއި އެންމެ ބޮޑަށް އަޑުއުފުލައި، މަގުތަކަށް ނިކުމެ މުޒާހަރާކުރި އެކަކެވެ. ރައީސް ނަޝީދުގެ ދިފާއުގައާއި، އެމްޑީޕީގެ ދިފާއުގައި މޫސަ ކުރި މަސައްކަތް ބަލައި ނުގަނެ މޫސަ ޕާޓީން ބޭރުކޮށްލާފައިވަނީ ރައީސް ނަޝީދުގެ ބާރު ޕާޓީތެރެއިން ނެތިދާނެކަމަށް ބަލާފައިކަމަށް ސިޔާސީ ބޭފުޅުން ވިދާޅުވެއެވެ.
ކޮމެންޓު ފޮނުވާ