ވިހެއުމުގެ ތެރޭގައި ބޯ ވަކިވެފައިވަނީ، ބަނޑައަށް ނިޔާވެފައިވާ ކުއްޖެއްގެ އައިޖީއެމް ހޮސްޕިޓަލުން ބުނެފިއެވެ.

މިމަހުގެ 10 ވަނަ ދުވަހުގެރޭ މާބަނޑު މީހަކު ވިއްސުމުގެ ތެރޭގައި ބަނޑުގައި އޮތް ދަރިފުޅުގެ ބޯ ވަކިވެފައިވާ ކަމަށް ބައެއް ނޫސްތަކުގައި ލިޔެފައިވާ ޚަބަރާއި ގުޅިގެން އައިޖީއެމްއެޗްއިން ނެރުނު ބަޔާނެއްގައި ބުނެފައިވަނީ ހޮސްޕިޓަލަށް ދެއްކިއިރުވެސް ބަނޑަށް ނިޔާވެފައިވާ ކުއްޖެއް، ވިހެއުމުގެ ތެރޭގައި ބޯ ވަނީ ވަކިވެފައިކަމަށެވެ.

މިހެން ދިމާވެފައިވަނީ މައިމީހާގެ ޞިއްޙީ މައްސަލަތަކެއް ހުރުމުންނާއި ދަރިފުޅު ބަނޑަށް ނިޔާވެފައިވާތާ ގިނައިރުތަކެއް ވެފައިވާތީކަމަށް ހޮސްޕިޓަލުން ބުނެއެވެ. ބަލިމީހުންގެ ތަފްޞީލީ ޞިއްޙީ މަޢުލޫމާތު ހޮސްޕިޓަލުގެ ފަރާތުން ހާމަކުރުމަކީ ޤާނޫނީ ކުށަކަށް ވުމުގެ އިތުރުން މި މައްސަލައާ ބެހޭ ނޫސް ބަޔާނުގައި ހިމަނާފައިވާ މިންވަރަށް ފިޔަވައި އިތުރަށް ހާމަނުކުރުމަށް އާއިލާގެ ފަރާތުން މި ހޮސްޕިޓަލުގައި އެދިފައިވާކަމަށް އައިޗީއެޗްއިން ބުނެއެވެ. އަދި އާއިލާގެ ހުއްދައާއި އެކު މި ނޫސްބަޔާނުގައި ހާމަކޮށްފައިވާ މަޢުލޫމާތުގެ އިތުރުން އިތުރު މަޢުލޫމާތެއް ހާމަކުރެވެން ނެތްކަމުގައިވެސް އެ ހޮސްޕިޓަލުން ބުނެއެވެ.

މިވާހަކަ ނޫސްތަކާއި ސޯޝަލް މީޑިއާގައި ނުދެއްކުމަކީ އާއިލާގެ އެދުމެއް ކަމަށް އާއިލާގެ ފަރާތުން ހޮސްޕިޓަލުގެ ޑޮކްޓަރުންނާއި ބައްދަލުކޮށް ނިޔާވެފައިވާ ކުއްޖާގެ ބައްޕަ ވިދާޅުވެފައިވާއިރު، މި ހިތާމަވެރި ދަނޑިވަޅުގައި އާއިލާގެ އެދުމަށް އިޙްތިރާމް ކުރުމަށް މީޑިއާ އާއި އެހެނިހެން ފަރާތްތަކަށްވެސް އައިޖީއެމްއެޗްއިން ވަނީ ގޮވާލާފައެވެ.