ކަރަން ޖޯހަރްގެ ކުރިއަށް އޮތް ޑާއިރެކްޝަން އިއުލާން ކޮށްފި އެވެ.
އެގޮތުން އިއްޔެ ކަރަން އިއުލާންކުރި ފިލްމަކީ "ރޮކީ އޮރް ރާނީ ކީ ޕްރޭމް ކަހާނީ" ނަމުގައި އޭނާ ޑައިރެކްޓް ކުރާ ފިލްމެކެވެ.
ފަސް އަހަަށްފަހު ޑައިރެކްޓަރުގެ ގޮނޑީގައި ކަރަން އިށީންނަ އިރު އެންމެ ފަހުން އޭނާ ޑައިރެކްޓް ކުރި ފިލްމަކީ " އޭ ދިލް ހެ މުޝްކިލް" އެވެ. މިއީ ބޮކްސްއޮފީހުގައި މާ ބޮޑު ތަރުހީބެއް ލިބުނު ފިލްމެއް ނޫނެވެ. އެހެން ނަމަވެސް ރަންބީރު ކަޕޫރާއި އަނުޝްކާ ޝަރުމާގެ އިތުރުން އައިޝްވާރިޔާ ވެސް މުހިންމު ރޯލެއް އަދާކުރި މި ފިލްމުގެ ލަވަތަކަކީ އާންމުންގެ މެދުގައި މަގުބޫލުވި ލަވަތަކެކެވެ.
ރަންވީރް ސިންގްގެ އުފަންދުވަހާއި ދިމާކޮށް ކަރަން އޭނާގެ ކުރިއަށްއޮތް ފިލްމު އިއުލާން ކޮށްފައި ވާއިރު، މީގެ ކުރިންވެސް އަޑު ފެތުރިފަައި ވާގޮތަށް ފިލްމުގެ ލީޑުން ފެނިގެންދާނީ ރަންވީރާއި އާލިއާ ބަޓެވެ.
Thrilled to get behind the lens with my favourite people in front of it! Presenting Rocky Aur Rani Ki Prem Kahani, headlined by none other than Ranveer Singh and Alia Bhatt and written by Ishita Moitra, Shashank Khaitan & Sumit Roy. pic.twitter.com/vZzGbvv6nS
— Karan Johar (@karanjohar) July 6, 2021
މިއީ އިޝީތާ މޮއިތުރާ، ޝަޝާންކް ކައިތާން އަދި ސުމިތު ރޯއީ ލިޔެފައިވާ ވާހަކައެއްގެ މައްޗަށް ބިނާކޮށް ދަރްމާ ޕްރޮޑަކްޝަނުން ޕްރޮޑިއުސްކުރާ ފިލްމެކެވެ. ފިލްމުގެ ޝޫޓިންގ ފަށާނެ ދުވަހެއް އަދި ފިލްމު ނެރުމަށް ތާވަލު ކޮށްފައިވާ ދުވަހެއް ވެސް އަދި ހާމައެއް ނުކުރެއެވެ.
ފިލްމުގެ މުހިންމު ރޯލުތަކުން ލެޖެންޑަރީ އެކްޓަރުން ކަމަށްވާ ދަރްމިންދްރާ، ޖަޔާ ބައްޗަންގެ އިތުރުން ޝަބާނާ އާޒްމީވެސް ފެނިގެންދާނެ އެވެ.
Meet the legendary stars of Rocky Aur Rani Ki Prem Kahani. We are all thrilled to work with these veteran legends and I cannot wait to be on set with them! #RockyAurRaniKiPremKahani #RRKPK@aapkadharam #JayaBachchan @azmishabana @RanveerOfficial @aliaa08 @apoorvamehta18 pic.twitter.com/bUZur2MGv8
— Karan Johar (@karanjohar) July 6, 2021
ކޯވިޑް-19 ގެ ޕެންޑަމިކްގެ ސަބަބުން ފިލްމީތަރިން އެއްވެސް މަސައްކަތެއް ނުކުރެވި ގޭގައި ތިބުމަށްފަހު އަލުން ވަނީ މަސައްކަތަށް ރުޖޫއަވާން ފަށާފައެވެ. އެހެން ކަމުން ހުރިހާ ތަރިންވެސް މިހާރު ބަލަމުންދަނީ ނުނިމި ހުރި ފިލްމުތަކުގެ މަސައްކަތްތަށް ނިންމާލެވޭތޯ އެވެ.
ކަރަން އަކީ ޑައިރެކްޓަރުގެ ގޮނޑީގައި އިނދެގެން މަގުބޫލު ފިލްމް ތަކެއް ގެންސްދީފައިވާ ފަންނާނެކެވެ. އޭގެ ތެރޭގައި " ކުޗް ކުޗް ހޯތާހޭ"، "ސްޓޫޑަންޓް އޮފް ދަ އިޔާ" އަދި "ކަބީ ޚުޝީ ކަބީ ގަމް" ފަދަ ފިލްމުތަށް ފާހަގަ ކޮށްލެވެ އެވެ.
