ފިލިޕިންސްގެ މިހާރުގެ ރައީސް ރޮޑރިގޯ ޑުޓާޓޭގެ ކުރިން، 2010 އިން 2016 ވަނަ އަހަރުގެ ނިޔަލަށް އެގައުމުގެ ރައީސްކަން ކުރެއްވި، ބެނިންގޯ އަކުއިނޯ، އުމުރުން 61 އަހަރުގައި އަވަހާރަ ވެއްޖެއެވެ. އަކުއިނޯއަކީ ފިލިޕީންސްގެ 15 ވަނަ ރައީސެވެ.
ބައެއް މީޑިއާތަކުން ރިޕޯޓު ކޮށްފައިވާ ގޮތުގައި، ސިއްޙީ ހާލަތު ގޯސްވެ އޭނާ ހޮސްޕިޓަލުގައި އެޑްމިޓް ކޮށްފައިވަނީ، ބުރާސްފަތި ދުވަހުގެ އިރާކޮޅުގެ ވަގުތެއްގައެވެ.
އެހެންނަމަވެސް ފާއިތުވެދިޔަ 5 މަސްދުވަހު އަކުއިނޯ ގެންދެވީ ކިޑްނީގެ އާލާސްކަންފުޅުގެ ސަބަބުން ޑައިލަސިސް ހައްދަވަމުންނެވެ. އަދި ދާދިފަހުންވަނީ ހިތުގެ އޮޕަރޭޝަނެއްވެސް ކުރައްވާފައެވެ.
ކުރީގެ ރައީސް އަކުއިނޯ އަވަހާވެފައިވާކަން އޭނާގެ އައިލާއިން އަދި ޔަގީން ކޮށްދީފައި ނުވިނަމަވެސް، އަކުއިނޯގެ ކުރީގެ ތަރުޖަމާން އަބީގައިލް ވޯލްޓ މީޑިއާތަކަށް މައުލުމާތު ދެމުން ވިދާޅުވެފައިވަނީ، އޭނާގެ އާއިލާގެ ފަރާތުން ކުޑަ ވަގުތުކޮޅެއްގެ ތެރޭގައި ބަޔާނެއް ނެރުއްވާނެ ަމުގައެވެ.
"ރައީސް އަކުއިނޯ ބެނިންގޯ އެސް އަކުއިނޯ III އަވަހާރަވީ ޚަބަރު އެހީ ވަރަށް ހިތާމައާއި ކުއްލި ހައިރާން ކަމާއެކު،" ރައީސް އަކުއިނޯގެ ދައުރުގައި، 2012 ވަނަ އަހަރު ފިލިޕީންސްގެ ސުޕްރީމް ކޯޓުގެ ފަޑިޔާރުކަމަށް އައްޔަން ކުރެވުނު މާވިކް ލޮއޮނެން މިއަދު ވިދާލުވެފައި ވެއެވެ.
މެނީލަގައި ހުންނަ ޔޫރަޕިއަން ޔޫނިއަން އޮފީހުން ނެރުނު ބަޔާނެއްގައި ބުނެފައިވަނީ، "އަހަރުމެންގެ ގުޅުން ވަރުގަދަ ކުރުމަށް މަސައްކަތް ކުރެއްވި އެކުވެރިއެއްގެ މަތިން ހަދާން އާކޮށް ހިތާމަ ފާޅުކުރާ،" ކަމަށެވެ.
މެނީލާގައި ހުންނަ ޖަރުމަނު އެމްބަސީންވެސް ވަނީ އަކުއިނޯ އަވަހާރަ ވުމާއި ގުޅިގެން، އެނާގެ ވެރިކަމުގައި ފިލިޕީންސްއާއި ޖަރުމަނާ ދެމެދު އޮތް ގުޅުން ވަރުގަދަ ކުރުމަށް އޭނާ ކުރެއްވި މަސައްކަތްތަގެ ހަދާން އާކޮށް ތައުޒިޔާގ ބަޔާނެއް ނެރެފައެވެ.
އަކުއިނޯގެ މަންމާފުޅު ކޮރާޒޮން އަކުއިނޯއަކީ، ފިލިޕީންސް ކުރީގެ ޚުދުމުޚްތާރު ވެރިޔާ ފާޑިނާންޑް މާރކޯސްގެ ވެރިކަން 1986 ވަނަ އަހަރި ނިމިދިއުމާ ގުޅިގެން އެގައުމުގެ ވެރިކަމަށް ވަޑައިގެންނެވި ބޭފުޅާއެވެ. 1986 ވަނަ އަހަރު އެގައުމަށް ގެނެވުނު ނާކާމިޔާބު ބަޢާވާތުގައި، އެގައުމުގެ ސިފައިންގެ ތެރެއިން ބަޔަކު، އޭނާގެ މަންމަ އަވަހަރަ ކޮށްލަން ދިން ހަމާލާއިން މަންމަ ދިފާއު ކުރަން ހައްދަވައިގެން އަކުއިނޯ ސަލާމަތްވީ ކިރިޔާއެވެ.
އަކުއިނޯގެ ބައްޕާފުޅު، ކުރީގެ ސެނެޓަރ ބެނިންގޯ އަކުއިނޯ Jr ވަނީ ގައުމުން ބޭރުގައި އަރުވާލެއްވިގެން ހުންނެވުމަށްފަހު އެބުރި ގައުމަށް ވަޑައިގެންނެވުމާއެކު، 1983 ވަނަ އަހަރު މެނީލާ އިންޓަރނޭޝަނަލް އެއަރޕޯރޓުގައި އަވަހާރަ ކޮށްލެވިފައެވެ.
ފިލި÷ިންސްގެ ރައީސްކަމުގެ މަގަމަށް 2010 ވަނަ އަހަރު ވަޑައިގަތުމުގެ ކުރިން އަކުއިނޯ ވަނީ 2007 އިން 2010ގެ ނިޔަކަށް އެގައުމުގެ ގާނޫނު ހަދާ މަޖިލިހުގައި މެމްބަރުކަން އަދާ ކުރައްވާފައެވެ.
އަކުއިނޯ ފިލިޕީންސްގެ ވެރިކަމަށް ވަޑައިގެންނެވީ، އޭނާގެ މަންމާފުޅު 2009 ވަނަ އަހަރު އަހާރަވުމާއި ގުޅިގެން އުފެދުނު ހަމްދަރުދީއާއި އަދި އެހާތަނުން އޭނާއަށް ލިބިގެން ދިޔަ ތާއީދުގެ ބޭނުން ހިއްޕަވައިގެންނެވެ.
