މިދިޔަ އޭޕްރީލް މަހު ޓޮޓެންހަމްގެ ކޯޗުކަމުން ހޯސޭ މޮރީނިއޯ ވަކިކުރުމަށް ފަހު ޓީމާ ހަވާލުވާނެ ކޯޗެއް ނުވެ އެޓީމުގެ މަސަކަތްކަތުގައި އަލިމަގެއް ނުފެނި ދިގުލާން ފަށަފައިފިއެވެ.
ޓޮޓެންހަމުން މަސައްކަތް ކުރަމުންދަނީ އިންޓަމިލާނުން ވަކިވި ކޯޗު އެންޓޮނިޔޯ ކޮންޓޭ އެޓީމަސް ގެނެވޭތޯއެވެ. ކޯޗެއް ހޯދަން ކުރާ މަސައްކަތުގައި ޓޮޓެންހަމަށް އަދި އޮތީ އަލިމަގެއް ނުފެނި އެވެ. އެ ޓީމުން ގެންނަން މަސައްކަތްކުރީ އާރްބީ ލައިޕްޒިގުން ވަކިވެ، ބަޔާން މިއުނިކަށް ބަދަލުވާން ނިންމި ހޫލިއަން ނާގަލްސްމަން އާއި އަަޔަކްސްގައި މަޑުކުރަން ނިންމި އެރިކް ޓެން ހާގާއި ލެސްޓާ ސިޓީގެ ބްރެންޑަން ރޮޖާސް އަދި އަލެގްރީ ތެރެއިން ކޯޗެއް ގެންނާށެވެ. އެކަމަކު އެކި ސަބަބުތަކާ ހުރެ އޭގެއިން ކޯޗެއް ޓޮޓެންހަމަށް އަންނަން ބޭނުންނުވީއެވެ.
އަހަރަކު 15-20 މިލިއަން ޔޫރޯގެ މުސާރަ އަަކަށް ކޮންޓޭ އަށް ތިން އަހަރުގެ އެއްބަސްވުމެއް ދޭން ޓޮޓެންހަމުން އޮތީ ތައްޔާރަށެވެ. އެކަމަކު ކޮންޓޭ ވަނީ ޓޮޓެންހަމަށް ޑިމާންޑްތަކެއް ކޮށްފަ އެވެ. ކުރިން ޕްރިމިއާ ލީގުގައި ޗެލްސީ އަށް ކޯޗުކޮށްދިން ކޮންޓޭ ޓޮޓެންހަމްގެ ވެރިން ކައިިރިން އެދުނީ އިންޓަ މިލާނުގެ ތިން ކުޅުންތެރިއަކު ގެނެސްދީފިނަމަ ޓޮޓެންހަމާ ހަވާލުވާނެ ކަމަށެވެ. ސްކައި ސްޕޯޓްސް އިން ރިޕޯޓްކުރާ ގޮތުގައި ޕީއެސްޖީގައި ހުރި ޓޮޓެންހަމްގެ ކުރީގެ ކޯޗު މައުރީސިއޯ ޕޮޗެޓީނޯ އަލުން ގެންނަން ޓޮޓެންހަމުން ވަނީ މަޝްވަރާތަކެއް ފަށައިފައެވެ.
ކޮންޓޭ ޝަރުތުކުރީ އިންޓަގެ ރޮމެލޫ ލުކާކޫ، ލަޓާރޯ މާޓިނޭޒް އަދި އަލެސަންދުރޯ ބަސްޓޯނީ ޓޮޓެންހަމަށް ގެނެސްދޭށެވެ. ޓޮޓެންހަމްގެ ތަރި ހެރީ ކޭން މި ސީޒަނަށް ފަހު އެ ޓީމު ދޫކޮށްލަން ނިންމާފައިވާއިރު، ކޮންޓޭގެ އެދުމަކީ ކޭން ވިއްކާލައިގެން ލިބޭ ފައިސާ އާއި އިތުރު ޓްރާންސްފާ ފަންޑް ހޯދައިގެން ލުކާކޫ، މާޓީނޭޒް އަދި ބަސްޓޯނީ ގެންނާށެވެ. އެ ތިން ކުޅުންތެރިން ގަންނަން މަދުވެގެން 150 މިލިއަން ޔޫރޯ ބޭނުންވާނެ އެވެ. އިޓަލީގެ މީޑިއާ ރިޕޯޓްތައް ބުނާގޮތުން ޓޮޓެންހަމްގެ ޗެއާމަން ޑެނިއަލް ލީވީ ވަނީ ކޮންޓޭއާ ޓޮޓެންހަމްގެ ކޯޗުކަން ހަވާލުކުރަން ވާހަކަ ދައްކައިފަ އެވެ.
މޮރީނިއޯ ވަކިކުރުމަށް ފަހު ސީޒަންގެ ނިޔަލަށް ޓޮޓެންހަމުން ކޯޗަކަށް ބެހެއްޓީ ޔޫތު ކޯޗު ރަޔާން މޭސަންއެވެ.
ކޮމެންޓު ފޮނުވާ