ސެރިއާ ޕްލޭއޯފް ކާމިޔާބު ކޮށްގެން 19 އަހަރަށްފަހު އިޓަލީގެ އެންމެ މަތީފަންތީގެ ފުޓްބޯޅައަށް ވެނެޒިއާ ޕްރޮމޯޓް ވެއްޖެއެވެ.
ވެނެޒިއާ ޕްރޮމޯޓްވީ ޕެލޭއޯފްގައި ނުވަ މީހުންނާ އެކު ސިޓަޑެލާއާ ވާދަކޮށް ފަހުލެގެ 1-1 ލަނޑުން އެއްވަރުވެގެންނެވެ. ވެނެޒިއާ ކޮލިފައިވީ ދެ ލެގުގެ ނަތީޖާއިން 2-1 ލަނޑުން ކުރިހޯދައިގެންނެވެ. ފުރަތަމަ ލެގު ވެނެޒިއާއިން ކާމިޔާބުކުރީ 1-0 ލަނޑުންނެވެ. އިޓާލައަން ސެރިއާގައި އެންމެ ފަހުން ވެނެޒިއާ އިން ވާދަކޮށްފަވަނީ 2001 ވަނަ އަހަރު އޭގެފަހުން އެޓީމު ރެލިގޭޓްވެ ތިންފަހަރު ވަނީ ކުލަބް ބަނގުރޫޓްވެފައެވެ.
އަންނަ ސީޒަންގައި ސެރިއާ އަށް އޮޓިމެޓިކް ޕްރޮމޯޓްވީ ލީގު ބީގެ ޗެމްޕިއަންކަން ހޯދި އެމްޕޮލީ އާއި ދެވަނަ ހޯދި ސޭލްނިޓާނާއެވެ. އަންނަ ސީޒަން ސެރިއާ ޓީމުތަކުން ބެންޗުން ބޮޑެތި ބަދަލުތަކެއް ފެނިގެންދާއިރު ގަނަ ޓީމުތަކުގެ ކޯޗުން ވަނީ އިސްތުއުފާދީފައެވެ. 11 އަހަރަށްފަހު މި ސީޒަންގައި ސެރިއާގެ ޗެމްޕިއަން ކަން ހޯދީ އިންޓަމިލާންއެވެ.
އިންޓަމިލާން އަށް ތަށި ހޯދާދިނުމަށްފަހު ހަރަދުތައް ބޮޑު ކަމަށް ބުނެ ކުލަބުގެ މެނޭޖްމަންޓާ އެއްގަލަކަށް ނޭރި ޓީމުގެ ކޯޗު ކޮންޓޭ ވަނީ އިސްތުއުފާ ދީފައެވެ. ލީގުގައި ވާދަކުރާ ވަރުގަދަ ޓީމުތަކުގެ ކޯޗުން ބަދަލުވި އިރު ލީގުގެ ކުޅޭ ބައެއް ކުޅުންތެރިން ވެސް ވަނީ ކުލަބު ބަދަލު ކުރުމާ ގާތުގައިއެވެ. އަންނަ ސީޒަންގައި ސެރިއާގެ ކުޅުން ފަށާނީ އަންނަ އޯގަސްޓް މަހުގެ 22 ވަނަ ދުވަހުއެވެ.
ކޮމެންޓު ފޮނުވާ