ކޯވިޑް-19 ގެ ނުރައްކާ ބޮޑުވެ އާޖެންޓީނާ ސަރުކާރުން އިއްޔެ މި މަހުގެ ނިޔަަލަށް އެ ގައުމު ލޮކްޑައުނަކަށް ދާން ނިންމުމާ އެކު އެ އަށް ބޯލެނބުމުގެ ގޮތުން އާޖެންޓީނާގެ ފުޓްބޯޅައިގެ ރަސްމީ ހުރިހާ ހަރަކާތްތައް ސަސްޕެންޑްކުރަން އާޖެންޓީނާ ފުޓްބޯލް އެސޯސިއޭޝަން (އޭއެފްއޭ) އިން ނިންމައިފި އެވެ.
ކޮލަމްބިއާ އިން މި އަހަރު ފަހު ކޮޅަށް ކޮޕަ އެމެރިކާ ފަސްކުރަން ހުށަހެޅި އެވެ. އެެހެން ނަމަވެސް ދެކުނު އެމެރިކާގެ މައި ފުޓްބޯޅަ އިރާދާ ކޮންމެބޯލް އިން ނިންމީ އާޖެންޓީނާގައި އެކަނި ހޯސްޓްކުރަން ޖެހުނަސް މިހާރު އޮތް ޝެޑިއުލާ އެއްގޮތަށް ކުރިއަށްދާށެވެ. އޭއެފްއޭ އިން މި މި ގޮތަށް ނިންމިއިރު، އާޖެންޓީނާގައި އަންނަ މަހު ފަށާ ދެކުނު އެމެރިކާގެ ފުޓްބޯޅަ މުބާރާތް ކޮޕަ އެމެރިކާ ފަށަން އޮތީ ތިން ހަފްތާ އަށް ވެފަ އެވެ. އާޖެންޓީނާއާ އެކު އަންނަ މަހުގެ 13 ވަނަ ދުވަހު ކޮޕަ އެމެރިކާ ހޯސްޓްކުރަން ހަމަޖެހިފައި އޮތް ކޮލަމްބިއާގައި މިހާރު އެ މުބާރާތް ނޯންނާނެ އެވެ. އެއީ ކޮވިޑްގެ ނުރައްކާ އެ ގައުމުގައިބ ވެސް ބޮޑުވެފައިވާއިރު، އެ ގައުމުގައި ކުރިއަށްދާ ހަޅުތާލުގެ ސަބަބުންނެވެ.
އޭއެފްއޭ އިން މިއަދު ނެރުނު ބަޔާނެއްގައި ބުނެފައިވަނީ ފުޓްބޯޅަ ހަރަކާތްތައް ސަސްޕެންޑް ކުރަން ނިންމީ މި މަހުގެ 30 ވަނަ ދުވަހުގެ ނިޔަލަށް ކަމަށެވެ. އާޖެންޓީނާ ސަރުކާރުން ނުވަ ދުވަހުގެ ލޮކްޑައުނެއް އިއުލާނުކުރީ އެ ގައުމުގައި ކޮވިޑްގެ ހާލަތު ވަރަށް ބޮޑަށް ގޯސްވުމުންނެވެ. މި މަހުގެ 30 ގެ ނިޔަލަށް އާޖެންޓީނާ ލޮކްޑައުނެއްގައި އޮތްއިރު، އަންނަ މަހު ތިން ވަނަ ދުވަހު ވޯލްޑް ކަޕް ކޮލިފައިންގައި ޗިލީއާ ދެކޮޅަށް އާޖެންޓީނާ ކުޅޭނެ އެވެ.
ފަސް ދުވަސް ފަހުން ކޮލަމްބިއާއާ ބައްދަލުކުރަން އެ ގައުމަށް ދާން ޖެހޭ ގޮތަށް އޮތީ ޝެޑިއުލްކުރެވިފަ އެވެ.
ކޮމެންޓު ފޮނުވާ