ޖަރުމަނު ލީގުގެ ފަހު މެޗުގައި މިރޭ އޯގްސްބާގް ކޮޅަށް ޖެހި ލަނޑާއެކު ބަޔާންގެ ފޯވާޑް ރޮބާޓް ލެވަންޑޯސްކީ 49 އަހަރުވީ ރެކޯޑެއް މުގުރާލައިފިއެވެ.
ލީގުގެ ޗެމްޕިއަން ބަޔާން މިއުނިކާއި އޯގްސްބާގް ބައްދަލުކުރި މެޗު ބަޔާނުން ކާމިޔާކުރީ 2-5 ގެ ނަތީޖާއަކުންނެވެ. މި މެޗަށް ފަހު ބަޔާން މިއުނިކަށް ވަނީ ޗެމްޕިއަން ޓީމަށް ދޭ އައްޑަނަ ހަވާލުކޮށްފައެވެ. މިއީ ޖެހިޖެހިގެން ބަޔާނުން ލީގު ކާމިޔާބުކުރި 9 ވަނަ ފަހަރެއެވެ.
ބަޔާންގެ ދަނޑުގައި މިރޭ ކުޅުނު މެޗުގައި އެޓީމަށް ކުޅެމުން އަންނަ ޕޮލެންޑްގެ ފޯވާން ލެވަންޑޯސްކީ މުގުރާލި ރެކޯޑަކީ 1972 ވަނަ އަހަރު އެއް ސީޒަނެއްގައި އެންމެ ގިނަ ލަނޑު ޖަހައިގެން ކުރީގެ އެއް ވަަނަ ފޯވާޑް ގާޑް މުލާ ހެދި ރެކޯޑެކެވެ. އޭނާ ވަނީ އެ އަހަރު 40 ލަނޑު ޖަހާފައެވެ. ލެވަންޑޯސްކީ މި ރެކޯޑް މިގުރާލީ 41 ލަނޑު ޖަހައިގެންނެވެ.
އޯގްސްބާގް އަތުން ބަޔާން މިރޭ މޮޅުވި މެޗުގައި އެޓީމުގެ ލަނޑުތައް ކާމިޔާބުކޮށްދިނީ، ރޮބާޓް ލެވަންޑޯސްކީ، ކިންގްސްލީ ކޯމަން، ޔޯސުއާ ކިމިޗް، ސާޖް ގްނަބްރީ އަދި ޖެފްރީ ފޯވިލިީއު އެވެ. އޯގްސްބާގް ލަނޑުތައް ކާމިޔާބުކޮށްދިނީ، އަންޑްރޭ ހާން އާއި ފްލޯރިއަން ނެއިޑާލާޝްނާއެވެ.
ބަޔާން މިއުނިކުން ލީގު ކަށަވަރުކުރީ ލީގުގައި އިތުރަށް 2 މެޗު ކުރިޔަށް އޮތްވައެެވެ. ލީގުގެ ފަހު މެޗު ނިމުނުއިރު ބަޔާނުން ވަނީ 78 ޕޮއިންޓް ހޯދާފައެވެ. ދެވަނަ ލިބުނު ލިޕްޒީގުން ވަނީ 65 ޕޮއިންޓް ހޯދާފައެވެ. އަދި ތިންވަނައަށް ދިޔަ ޑޯޓްމަންޑަށް 64 ވަނަ ލިބޭއިރު، ވޮލްވްސްބާގް އަށް ލިބެނީ 61 ޕޮއިންޓެއެވެ.
