ބޭނުންވާނެ ތަކެތި:
500 ގ ބާސްމަތީ ހަނޑޫ
1 ކުކުޅު (ކޮށާފަ)
5 ކަރަންފޫ
4 ޓޮމާޓޯ (ހަަތަރެސްކަނަށް ކޮށާފަ)
2 ކެރެޓް (ކައްޗަށް ފޮތިކޮށްފަ)
4 ކާފޫރު ތޮޅި
2 މޭޒުމަތީ ސަމުސާ އިނގުރު ލޮނިމެދު ޕޭސްޓް
2 ޕެކެޓް ހިކި މޭބިސްކަދުރު
400 ގުރާމް ފިޔާ (ކޮށާފައި)
2 އިންޗި ފޮނިތޮށިކޮޅެއް (ބުރި ކޮށްފައި)
25 ގ ކޮތަނބިރި ފަތް
1 ޖޯޑު ކެޝޫނަޓް
1 މޭޒުމަތީ ސަމުސާ މުގުރި ދިރި
1 ގިތެޔޮ މިރުސް (ކޮށާފަ)
2 ރޯމިރުސް (ފަޅިފަޅިކޮށްފަ)
1 ސައިސަމުސާ މުގުރި އަސޭމިރުސް
1 ސައިސަމުސާ ރީނދޫ
100 ގ ބަޓަރ
4 ކެޕްސިކަމް (ކަރުގަނޑު ނަގައި ވަށްފޮއްޗަކަށް ކޮށާފަ)
ލޮނު (ރަހަ ހެޔޮވަރުވާ ވަރަށް)
ތައްޔާރުކުރާނެ ގޮތް:
ހަނޑޫކޮޅު ދޮވެފައި 2 ކާފޫރުތޮޅި 2 ކަރަންފޫ އިންޗިއެއް ހުންނަވަރުގެ ފޮނިތޮށިކޮޅަކާއި ލޮނުކޮޅެއް އަޅައި ބަތްކައްކަން އުދާށެވެ.
ތަވައެއް އުނދުން މައްޗަށް އުދާފައި ބަޓަރުކޮޅު އަޅައި، ބަޓަރު ކޮޅު ދިޔާވުމުން ފިޔާ، މިރުސް، ހިކި މޭބިސްކަދުރު، ކެޕްސިކަމް، ކެޝޫނަޓް، ފޮނިތޮށި، ކާފޫރުތޮޅި، ކެރެޓް، ކަރަންފޫ އެއްކޮށް އަޅާފައި ފިޔާކޮޅު މޯޅިވީމައި ކުކުޅުމަސް، އިނގުރު، ލޮނުމެދު، ދިރިއަސޭމިރުސް، ލޮނު، ރީނދޫ އެއްކޮށްފައި މަސްތައް މަޑުވަންދެން މަތިޖަހައިގެން ކައްކާށެވެ. މަޑުނުވަނީސް ހިކޭނަމަ ފެންފޮދެއް އަޅާށެވެ.
ބަތްކޮޅު ދެބައިކުޅަ އެއްބަޔަށް ރޯފިލުމުން، ބަތްތަވާގެ ތެރެއަށް ތައްޔާރުކުރި މަސްކޮޅު އަޅައި ގިނި މަޑުކޮށްލާފައި މަތިޖަހާށެވެ. ދެން ފެން ހިނދެން ފެށުމުން ފިނިފެން ފޮދެއްގައި ކުޑަ ލޮނުކޮޅެއް ގިރުވަލާ ބަތްތަވާގެ މައްޗަށް ބުރުވާލާފައި ކޮތަނބިރިފަތްވެސް މައްޗަށް އަޅައި އެއްކޮށް ހިނދެންދެން ބަހައްޓާށެވެ.
