މީގެ ދެ އަހަރު ކުރިން ފުވައްމުލަކުން ގެއްލުނު މުހައްމަދު ޝަފީއުގެ މަރަށް އިންސާފު ނުހޯދި ލަސްވަމުންދާތީ އެކަމުގެ ކަންބޮޑުވުން ކުރީގެ ވަޒީރު މުހައްމަދު މަލީހު ފާޅު ކުރައްވައިފިއެވެ.
މަލީހު އަކީ ޝަފީއުއާއި އެއްސިޓީއަކަށް ނިސްބަތްވާ ފުވައްމުލަކުގައި އެއް ސަރަހައްދެއްގައި ދިރިއުޅުނު ބައެކެވެ. ޝަފީޢުގެ މަރަށް އަހަރުތަކެއް ވެގެން ގޮސްފައިވާއިރު، މިމަރަށް އިންސާފު ހޯދުމަކީވެސް ސަރުކާރުގެ ރިޔާސީ ވައުދުތަކުގެ ތެރޭގައި ހިމެ، މަރުތައް ބަލާ ކޮމިޝަނުން ލިސްޓު ކުރެވި ބަލަމުންދިޔަ މައްސަލައެކެވެ. މަލީހު ވިދާޅުވީ މިހާތަނަށް އައިއިރުވެސް މިމަރަށް އިންސާފު ނުހޯދި ލަސްވުމަކީ އޮތް ބޮޑު ކަންބޮޑުވުމެއްކަމަށެވެ.
މަޑުމައިތިރި ޒުވާނެއް. ޢާއިލާއެއްގެ އުންމީދު.ކަޅު ކުލައިގެ ޓީޝާޓަކާއި ނޫޖީންސެއް ލައިގެން ދިރިއުޅޭ ގެއިން ނިކުމެގެން މަންމަޔާ ބައްދަލުކުރަން ދިޔަ މަގުމަތި. އެއީ 14 ޖުލައި 2017. 42 އަހަރުގެ އޮޅުތެރޭގެ ޝަފީޢު މިއަދާއި ހަމަޔަށް ވީނުވީއެއް ނޭގެ. މިއަވައްޓެރިޔާ ކޮބާ؟
– މަލީހު ވިދާޅުވިއެވެ.
@ibusolih izzatheri Raees ge riyaasee vaudhufulhu mathin hadhaan nethuneetho? @DdcomMdv @presidencymv @FaisalNasym @HunuboliHussain @DhonbeRasheed @MumthazFVM @Nazunaseem #justiceforshafeeu https://t.co/JwTOtJhSN9
— Mohamed Noor Ahmed (@Neuer32) May 10, 2021
ޝަފީއު، ގެއްލުނީ ޖުލައި 14، 2017 ވަނަ ދުވަހުގެ ރޭ ގެއިން ނުކުތް ފަހުންނެވެ. އޭނާގެ އެއްވެސް ޚަބަރެއް މިހާތަނަށް ނުވެއެވެ. ޝަފީޢުގެ މަރާއި ގުޅިގެން އޭނާގެ އަނބިމީހާއާއިވެސް ވަނީ މަރުކޮމިޝަނުން 2019 ވަނަ އަހަރު ސުވާލުކޮށްފައެވެ.
ޝަފީޢު ހޯދަން ފުލުހުންނާއި ސިފައިން ވެސް ގިނަ މަސައްކަތްތަކެއް ކުރިއެވެ. ނަމަވެސް އޭނާގެ އެއްވެސް ޚަބަރެއް ވެފައެއް ނުވެއެވެ. އޭނާ މަރާލާފައިވާ ކަމަށް ތުހުމަތުކޮށް މީގެ ކުރިން ފުލުހުން އެއްވެސް މީހަކާއި ސުވާލު ކޮށްފައި ނުވާކަމަށް ވެއެވެ.
މިމަރުގެ އިތުރުންވެސް ކޮމިޝަނުން ބަލަމުންދިޔަ އެއްވެސް މަރަކަށް މިހާތަނަށް އިންސާފު ލިބިފައިނުވާތީ އެއާއިލާތަކުންނައި، ގިނަ ރައްޔިތުން ދަނީ ކަންބޮޑުވުން ފާޅު ކުރަމުންނެވެ. މަރުތަކަށް އިންސާފު ހޯދައި ދިނުމަކީ މިސަރުކާރުގެ ރިޔާސީ ވައުދެކެވެ.
ކޮމެންޓު ފޮނުވާ