މެންޗެސްޓާ ޔުނައިޓެޑްގެ އެގްޒެކެޓިވް މަގާމެއްގައި މަސައްކަތް ކުރަން ޝައުގުވެރިވާ ކަމަށް، އެ ޓީމުގެ ކުރީގެ ގޯލްކީޕަރު އެޑްވެން ވެންޑަސާ ބުުނެފިއެވެ.
ޔުނައިޓެޑާއެކު ހަތަރު އަހަރު ޕްރިމިއާ ލީގް ހޯދުމުގެ އިތުރަށް ޗެމްޕިއަންސް ލީގު ކާމިޔާބު ކުރި ކުރީގެ ކީޕަރު ބުނީ، އަޔެކްސް ނުވަތަ ޔުނައިޓެޑް ނޫން ކްލަބެއްގައި އޭނާ މަސައްކަތް ނުކުރާނެ ކަމަށެވެ. މި ވަގުތު ޔުނަައިޓެޑަށް ވުރެ އޭނާ ބޮޑަށް ވިސްނަނީ އަޔެކްސްގެ މަސައްކަތާ މެދުގައި ކަމަށް ވެން ޑަ ސާ ބުންޏެވެ.
އަޔެކްސްގެ މިހާރުގެ ސީއީއޯ ވެން ޑަ ސާއާ، ޔުނައިޓެޑްގެ އެ މަގާމާ ގުޅުވަ އެވެ. ޔުނައިޓެޑްގެ އެގްޒެކެޓިވް ވައިސް ޗެއާމަންގެ މަގާމުގައި ހުރި އެޑް ވުޑްވާޑާ ޑިސެމްބަރަށް ފަހު ކްލަބުން ވަކި ވުމުން، އެ މަގާމަށް ވެންޑަސާ ގެންނަން މަސައްކަތް ކުރާ ކަމުގެ އަޑުތައް ވަނީ ފެތުރިފަ އެވެ. ވެން ޑަ ސާ ވަނީ، އަޔެކްސްގެ ކޮންޓްރެކްޓް ދާދި ފަހުން އާ ކުރި އެ ޓީމުގެ ކޯޗް އެރިކް ޓޭން ހޭގް އެއްބަސްވުމާ ބެހޭގޮތުން ވާހަކަ ދައްކައިފަ އެވެ.
ޓޭން ހޭގް އަޔެކްސްގެ ކޮންޓްރެކްޓް އާ ކުރީ ޓޮޓެންހަމްއިން އޭނާ ގެންދަން ޝައުގުވެރިކަން ފާޅުކޮށްފައި ވަނިކޮށެވެ.
ކޮމެންޓު ފޮނުވާ