ކޮރޯނާ ވައިރަހުގެ ސަބަބުން އިންޑިއަން ޕްރިމިއަރ ލީގު ޓީ ޓުވެންޓީ ކްރިކެޓް މުބާރާތް މިވަގުތަށް ހުއްޓާލައިފި އެވެ.
އައިޕީއެލްއިން މިގޮތަށް ނިންމާފައިވަނީ އިސްވެރިންގެ މެދުގައި ބޭއްވު ކުއްލި ބައްދަލުވުމަކަށްފަހު ބައިވެރިވި އެންމެންގެ އިއްތިފާގުންނެވެ. މުންބާއީ އިންޑިއަންސް އާއި ދެކޮޅަށް އިއްޔެ ކުޅެން އޮތް ސަންރައިޒް ހައިދުރަބާދުގެ ކުޅުންތެރިއެއް ޕޮސިޓިވް ވެފައިވާއިރު ހޯމަދުވަހު ކަލްކަތާ ނައިޓް ރައިޑަރސް އާއި ރޯޔަލް ޗެލެންޖަރސް ބެންގަލޯ ބައްދަލު ކުރަން ހަމަޖެހިފައި އޮތް މެޗު ވަނީ ނައިޓް ރައިޑަރސްގެ ދެ ކުޅުންތެރިން ޕޮޒިޓިވް ވުމުން ފަސްކޮށްފައެވެ.
އިންޑިއަން ޕްރިމިއަރ ލީގު ޓީ ޓުވެންޓީ ކްރިކެޓް މުބާރާތުގައި ވާދަކުރާ ކުޅުންތެރިންނަށް ކޮރޯނާ ވައިރަސް ޖެހުން އިތުރުވެފައިވާތީ އެ މުބާރާތް ވަގުތީގޮތުން މެދު ކަނޑާލައިފިއެވެ. އައިޕީއެލްއިން ނެރުނު ބަޔާނެއްގައި ހާމަކުރިގޮތުގައި މިހާރުގެ ހާލަތަށް ބަލައި މުބާރާތް ވަގުތީގޮތުން މެދުކަނޑަލައި މުބާރާތުގެ ނުކުޅެ ބާކީ ހުރި މެޗްތައް ފަސް ކުރުމަށް ނިންމީކަމަށެވެ.
އިންޑިއާގައި ކޯވިޑް-19 ފެތުރުން އިތުރުވެފައިވުމުގެ ސަބަބުން މިފަހަރުގެ އައިޕީއެލް ބާއްވާފައިވަނީވެސް ދަނޑަށް ކުޅިބެލުންތެރިން ނުވައްދައެވެ. އަދި މެޗްތައް ކުޅެފައިވަނީ ހަސިޓީއެއްގައެވެ. އަދި ކުޅުންތެރިން ގެންގުޅެފައިވަނީ އާންމުންނާ އެކަހެރިކޮށެވެ.
ކޮމެންޓު ފޮނުވާ