އާސެނަލް ގަންނަ މަސައްކަތް ކުރާ ސްވިޑެންގެ ބިލިއަނަރު ޑެނިއަލް އީކްގެ އެޑްވައިޒަރެއްގެ ރޯލުގައި އެ ކްލަބުގެ ލެޖެންޑް ތިއަރީ އޮންރީ ހަރަކާތްތެރިވާން ފަށައިފި އެވެ.
ޑެނިއަލްގެ ފަރާތުން އާސެނަލް ގަތުމަށް 1.8 ބިލިއަން ޕައުންޑްގެ ޕެކޭޖެއް ތައްޔާރުކޮށްފައިވާ ކަމަށް މީޑިއާ ރިޕޯޓްތައް ބުނެ އެވެ. ސްކައި ސްޕޯޓްސްގައި ވާހަކަ ދައްކަމުން އޮންރީ ބުނީ އެކަށީގެންވާ ވަރުގެ ރަނގަޅު ފަންޑެއް ޑެނިއަލް އެއްކޮށްފައިވާ ކަމަށެވެ. މި ހަފުތާ ތެރޭގައި ރަސްމީކޮށް ބިޑް ހުށަހަޅާނެ ކަމަށް ވަނީ ބެލެވިފަ އެވެ.
މިޔުޒިކް ސްޓްރީމިންގެ މަޝްހޫރު އެޕް، ސްޕޮޓިފައިގެ ކޯ ފައުންޑާ ޑެނިއަލް އީކް، އާސަނަލް ގަންނަން ޝައުގުވެރިވެ، އެކަމަށް މިހާރުގެ އޯނަރު ކްރޮންކޭއަށް ލިޔެފައިވާ ކަމަށް އޮންރީ ބުންޏެވެ. އޮންރީ ބުނީ، އާސެނަލްގެ ސަޕޯޓަރުންގެ ހިއްސާ ކްލަބުގެ ބޯޑުގައި އޮންނާނެ ގޮތަކަށް ހަދަން ޑެނިއަލް ބޭނުންވާކަން އޭނާ ހާމަކޮށްފައިވާ ކަމަށެވެ.
ކޮމެންޓު ފޮނުވާ