އަންނަ ސީޒަނުން ފެށިގެން ރޯމާގެ ކޯޗަކަށް ހޯސޭ މޮރީނިއޯ ހަމަޖައްސައިފިއެވެ.
ރޯމާގެ ކޯޗު ކަމާއި މޮރީނިއޯ ހަވާލުވާނީ އަންނަ ސީޒަނުން ފެށިގެން ތިން އަހަރުގެ އެއްބަސްވުމެއްގެ ދަށުންނެވެ.
މޮރީނިއޯ އެންމެ ފަހުން ކޯޗުކަންކޮށްދިނީ އިނގިރޭސި ޕްރިމިއާ ލީގުގައި ވާދަކުރާ ޓޮޓެންހަމަށެވެ. ޓޮޓެންހަމް ކޯޗުކަމުން އޭނާ ވަކިކުރީ މިދިޔަ މަހުގެ 19 ވަނަ ދުވަހުއެވެ.
ރޯމާގެ ކޯޗަކަށް މޮރީނިއޯ ހަމަޖެއްސިއިރު، ރޯމާއިން ވަނީ މި ސީޒަން ނިމުމުން އެ ޓީމުގެ ކޯޗުގެ މަގާމުން އުމުރުން 58 އަހަރުގެ ޕައުލޯ ފޮންސެކާ ވަކިވާނެކަންވެސް ހާމަކޮށްފައެވެ.
އަންނަ ސީޒަނުގައި ރޯމާގެ ކޯޗަކަށް މޮރީނިއޯ ހަމަޖެއްސިއިރު، ރޯމާ ވެގެންދާނީ މޮރީނިއޯ އިރުޝާދުދޭނެ ނުވަވަނަ ޓީމަށެވެ. އަދި މިއީ މޮރީނިއޯ އިރުޝާދުދޭނެ އިޓާލިއަން ލީގުގެ ދެވަނަ ކުލަބެވެ.
