މި ފަހަރުގެ ޔޫރޯ ފުޓްބޯޅަ މުބާރާތުގައި ޓޯކް ސްޕޯޓްގެ އެނަލިސްޓެއްގެ ގޮތުގައި މަސައްކަތްކުރަން ދާދި ފަހުން ޓޮޓެންހަމް ހޮޓްސްޕާސް އިން ވަކިކުރި ކޯޗު ހޯސޭ މޮރީނިއޯ އެއްބަސްވެއްޖެ އެވެ.
ޖޫން މަހު ފަށާ ޔޫރޯގައި ޓޯކް ސްޕޯޓްގެ ކަވަރޭޖްގައި މޮރީނިއޯ ބައިވެރިވާނީ މެޗުގެ ކުރިންނާއި މެޗަށް ފަހު ފޯންކޯލް އެނަލިސްޓެއްގެ ގޮތުގަ އެވެ. މޮރީނިއޯ އަށް ގާތްގަނޑަކަށް މިލިއަނެއްހާ ޑޮލަރު ލިބޭ މި އެއްބަސްވުމުގެ ދަށުން ޓޯކް ސްޕޯޓާ އެކު އިންގްލެންޑްގެ ގްރޫޕްގެ ތިން މެޗާއި ގަދަ 16 ޓީމުގެ ބުުރުގެ މެޗަކާއި ކުއާޓާ ފައިނަލް ދެ މެޗާާއި ސެމީ ފައިނަލް އެއް މެޗު އަދި ފައިނަލް މެޗުގައި މޮރީނިއޯ އެނަލިސްޓެއްގެ ގޮތުގައި މަސައްކަތްކުރާ ގޮތަށް ވަނީ ހަމަޖެހިފަ އެވެ.
މެންޗެސްޓާ ޔުނައިޓެޑްގެ ކޯޗުކަމުން 2018 ވަނަ އަހަރުގެ ޑިސެމްބަރު މަހު މޮރީނިއޯ ވަކިކުރި ފަހުން ޓޮޓެންހަމާ ހަވާލުވުމާ ދެމެދު އަހަރެއްހާ ދުވަސް ނެގި އެވެ. އެ މުއްދަތުގައި އޭނާ ވަނީ ސްކައި ސްޕޯޓްސްގެ ސްޓޫޑިއޯ އެނަލިސްޓެއްގެ ގޮތުގައި މަސައްކަތްކޮށްފަ އެވެ.
ކޮމެންޓު ފޮނުވާ