އިންޑިއާގެ މަޝްހޫރު ޕްރެސެންޓަރ، ރޯހިޓް ދަރުދާނާ، ކޯވިޑް19އަށް ޕޮޒިޓިވްވެ، މިއަދު ނިޔާވެއްޖެއެވެ.
ރޯހިޓް ދަރުދާނާ ކޯވިޑް ބަލީގައި ދުނިޔެ ދޫކުރުމާއި ގުޅިގެން، މުޅި އިންޑިއާގެ ޖާނަލިސްޓުންނާއި އަދި ރޯހިޓް ދަރުދާނާގެ ރައްޓެހިންވެސް ތިބީ ކުއްލި ޝޮކެއްގައި ކަމަށް އިންޑިއާގެ ބައެއް މީޑިއާތަކުން ވަނީ ރިޕޯޓު ކޮށްފައެވެ.
ރޯހިޓް ދަރުދާނާ ވަނީ، ދުވަހުން ދުވަހަށް ގެނެސްދޭ، އިޖުތިމާއީ އިގްތިސާދީ އަދި ސިޔާސީ ކަންކަމާ ގުޅޭގޮތުން ބަހުސްކުރާ މަޝްހޫރު ޝޯއެއްކަމުގައިވާ "ޑަންގަލް" ހުށަހަޅުއްވާ ދެއްވަމުން ގެންދަވާފައެވެ.
ކުރިން އޭނާ މަސައްކަތް ކުރައްވަމުން ގެންދަވާފައިވަނީ ޒީ ނިއުސްގައެވެ. ޒީ ނިއުސްގައި މަަސައްކަތް ކުރައްވަމުން ގެންދެވިއިރު، އޭނާވަނީ، އެ ނިއުސް ޗެނަލްގެ، މަޝްހޫރު ބަހުސް ޕްރޮގްރާމް "ތާލް ތޮކް ކޭ" ހުށަހަޅުއްވާ ދެއްވާފައެވެ.
ޖާނަލިޒަމްގެ ދާއިރާއިން އޭނާ ކުރައްވާފައިވާ ޚިދުމަތްތަކުގެ އަގު ވަޒަންކުރުމުގެ ގޮތުން، 2018 ވަނަ އަހަރު އިންޑިއާ ސަރުކާރުން ވަނީ، ގަނޭޝް ޝަންކަރު ވިދްރަރުތި ޕުރަސްކާރ އެވާޑްވެސް އޭނާއަށް އަރުވާފައެވެ.
މުޅި އިންޑިއާއަށް މަޝްހޫރު ޕްރެސެންޓަރު ނިޔާ ވުމާއި ގުޅިގެން، މީޑިއާގެ ފަރާތްތަކުންނާއި އަދި އިންޑިއާގެ ސިޔާސީ އިސް ފަރާތްތަކުންވެސް ގެންދަނީ، އޭނާގެ އާއިލާއަށް ތައުޒިޔާ ފޮނުވަމުންނެވެ.
މިގޮތުން ރޯހިޓް ދަރުދާނާ ނިޔާވުމާއި ގުޅިގެން، އިންޑިއާގެ ބޮޑޫވަޒީރު، ނަރެންދުރަ މޯޑީ އޭނާގެ ޓުވިޓަރގައި ވިދާޅުވެފައި ވަނީ، ރޯހިޓް ދަރުދާނާ ފަދަ، އިންޑިއާގެ ތަރައްގީ އާއިމެދު ނުހަނު ޝައުގުވެރިކަން ހުރި، އަދި އެހާމެ ހިންހެޔޮ މީހަކު ވަކިވެދިޔައީ މާ އަވަހަށް ކަމުގައެވެ. އަދި އޭނާގެ ވަކިވެ ދިއުމުގެ ސަބަބުން، މީޑިއާގެ ދާއިރާގައި، ނުހަނު ބޮޑު ހުސްކަމެއް އުފެދިގެންދާނެ ކަމަށް ވިދާޅުވެ މޯޑީ ވަނީ ރޯހިޓް ދަރުދާނާގެ އާއިލާއަށް ތައުޒިޔާ ފޮނުވާފައެވެ.
Rohit Sardana left us too soon. Full of energy, passionate about India’s progress and a kind hearted soul, Rohit will be missed by many people. His untimely demise has left a huge void in the media world. Condolences to his family, friends and admirers. Om Shanti.
— Narendra Modi (@narendramodi) April 30, 2021
މީގެ އިތުރުން އިންޑިއާގެ ހޯމް މިނިސްޓަރ އަމިޓް ޝާހުގެ އިތުރުން، މީޑިއާގެ ދާއިރާގައި، ރޯހިޓް ދަރުދާނާގެ ގާތް އެތަކެއް އެކުވެރިންވެސް ދަނީ އޭނާގެ ވަކިވެދިއުމުގެ ހިތާމަ ފާޅުކޮށް ތައުޒިޔާ ކިޔަމުންނެވެ.
Pained to learn about Shri Rohit Sardana ji’s untimely demise. In him, the nation has lost a brave journalist who always stood up for unbiased and fair reporting. May God give his family the strength to bear this tragic loss. My deepest condolences to his family and followers.
— Amit Shah (@AmitShah) April 30, 2021
ކޮމެންޓު ފޮނުވާ