ކޯވިޑްގެ ހާލަތު އިންޑިއާގައި ރަގަޅުނުވެ، ކުރިޔަށްތާ 2 ހަފްތާއަށްވުރެ ގިނަ ދުވަސް ވެގެންދާއިރު، އެގައުމުގައި ކޯވިޑް19ގެ ހާލަތު އަދިވެސަ ދުވަހެއް ދުވަހަކަށް ގޯސްވަމުން ދާކަމަށް ސިއްޙީ އިދާރާތަކުން މައުލޫމާތު ދީފިއެވެ. މިގޮތުން ފާއިތުވެދިޔަ 6 ދުވަހަށް ބަލާއިރުވެސް، ކޮންމެ ދުވަހަކު ކަހަލަ ގޮތަކަށް އިންޑިއާގައި ދުވާލަކަށް 300،000 އަށްވުރެ ގިނަމިީހުން ވަނީ ކޯވިޑް19 އަށް ޕޮޒިޓިވް ވެފައެވެ.
އަދި އިންޑިއާގެ އަސްކަރިއްޔާއިން ވަނީ، އެގައުމުގެ ހޮސްޕިޓަލްތަކާއި އަދި މަރުވާ މީހުންހެ ހަށިތައް އެންދުމަށް ބޭނުންކުރާ ތަންތަކާއި ވަސީލަތްތައްވެސް ފުރި ބާރުވަމުންދާތީ، ސައްޙީ ވަސީލަތްތަކާއި އެހީތެރިކަމަށް ބައިނަލް އަގުވާމީ ފަރާތްތަކުން އެދިފައެވެ.
އިންޑިއާ ސަރުކާރުގެ ގޮވާލުމަށް އިޖާބަދީ، މިހާތަނަށް އައިރިރު، އިގިރޭސިވިލާތް، ޖާރމަނީ އަދި އެމެރިކާއިންވަނީ އެގައުމަށް ސިއްޙީ އާލަތްތަކުގެ އެހީތެރިކަން ފޯރު ކޮށްދޭނެ ކަމުގެ ޔަގީންކަން ދީފައެވެ. މިގޮތުން އިގިރޭސިވިލާތުން އިންޑިއާއަށް ފޯރުކޮށްދޭ އެހީގެ ފުރަތަމަ ޝިޕްމަންޓް އަންގާރަދުވަހު އެގައުމަށް ފޯރާނެކަމަށް މީޑިއާތަކުން ވަނީ ރިޕޯޓު ކޮށްފައެވެ.
ދުނިޔޭގެ ސިއްހަތު ޖަމައްއިއްޔާއިން ބުނެފައިވަނީ، ދުނިޔޭގެ ދެވަނައަށް އެންމެ އާބާދީ ބޮޑު ގައުމުގެ ކޯވިޑް19ގެ ހާލަތު މިހާރު ހުރީ ގަބޫލު ކުރަންވެސް ދަތި ދަރަޖައެއްގައި ކަމުގައެވެ.
މީގެ އިތުރުން ބޭސް އުފައްދާ ކުންފުންޏެއް ކަމުގައިވާ ގިލީޑް ސައިންސް އިންކްއިން ވަނީ، ވައިރަހާއި ދެކޮޅަށް ދޭ ބޭހެއް ކަމުގައިވާ ރެމްޑެސިވަރގެ މަދުވެގެން 450,000 ފުޅި ބޭސް އިންޑިއާއަށް ދޭން ނިންމާފައިވާ ކަމަށް ބުނެފައެވެ. އަދި މި ބޭސް އުފެއްދުން އިތުރު ކުރުމަށް ނިންމާފައިވާ ކަމަށްވެސް އެ ކުންފުނިން ވަނީ ބުނެފައެވެ.
ރެމްޑެސިވަރ ބޭހަކީ، ކޯވިޑް19ގެ އެމަޖެންސީ ހާލަތުގައި ބޭނުން ކުރުމުގެ ހުއްދަ އިންޑިއާ ސަރުކާރުން ދޫކޮށްފައިވާ ބޭހެކެވެ. އެހެންނަމަވެސް، އިންޑިއާގެ ހޮސްޕިޓަލްތައް ފުރި، އަދި ހަމަހަމަ ކަމާއެކު ބޭހާއި އެހެނިހެން ވަސީލަތްތައް ފޯރުކޮށް ދެވެމުން ނުދާތީ ގިނަ ހޮސްޕިޓަލްތަކުގައި ވަނީ އެކަށީގެންވާ މިންވަރަށް ބޭހާއި ވަސީލަތްތަ މަދުވެފައެވެ.
އަދި ބޭހުގެ އަގު ބްލެކް މާރކެޓުގައިވަނީ އާންމު އަގަށްވުރެ 10 ގުނައަށް މަތިވެގެން ގޮސްފައެވެ.
އިންޑިއާގައި އާދަޔާ ޚިލާފަށް ކޯވިޑް19 ފެށެންފެށިތާ މިއަދަށް 6 ދުވަސް ފާއިތިވެފައި ވާއިރު، ފާއިތުވެދިޔަ ކޮންމެ ދުވަހަކުންވެސް، ރެކޯޑް އަދަދަކަށް މީހުން ދަނީ މި ބައްޔަށް ޕޮޒިޓިވް ވަމުންނެވެ. މިގޮތުން، ފާއިތުވި 24 ގަޑިއިރުގެ ތެރޭގައި އެކަނިވެސް، 352,991 މީހުން އިންޑިއާގައި ކޯވިޑަށް ޕޮޒިޓިވްވެ، މި ބަލި ޖެހިފައިވާ މީހުންގެ އަދަދު ވަނީ 17 މިލިއަނަށް އަރާފައެވެ. އަދި މީހުން މަރުވާ އަދަދު ރެކޯޑް އަދަދަކަށް މަތިވެ، ފާއިތުވި 24 ގަޑިއިރު ތެރޭގައި ވަނީ، 2,812 މީހުން މަރުވެފައެވެ.
